Isaya 37:24 - Siswati 1996 Bible

²⁴ Ngetigijimi takho umpongise tindvundvuma tetinhlamba kuSimakadze, futsi watsi: ‘Ngetincola tami temphi letinyenti ngigibele ticongo tetintsaba, ticongo letiphakeme kakhulu taseLebanoni. Ngijube imisedari yakhona lemidze kakhulu, kanye netipheshula telikhetselo. Ngifinyelele kuletikhashane tindzawo takhona, emahlatsi akhona elikhetselo.

Isaya 37:24 Referencias Cruzadas

Tihlabelelo 20:7

Labanye bantfu bachoshe ngetincola temphi, labanye bachoshe ngemahhashi, kodvwa tsine sigabe ngelibito laSimakadze longuNkulunkulu wetfu.

Eksodusi 15:9

“Sitsa satsi: ‘Ngitawubacosha ngize ngibakhandze. Ngitawutehlukanisela ngaloko lengikudle kubo, ngititike ngako; ngitawukhipha inkemba yami ngibabhubhise.’

Isaya 10:18

Uyawucedza buhle bemahlatsi akhe, nemasimi akhe lavundzile, kuphele umtimba nemphefumulo, kube njengekuphela kwemuntfu logulako.

Isaya 10:33

Bukani la, iNkhosi Simakadze lenguSomandla iyawujuba emagala ngemandla lamakhulu. Tihlahla letiphakeme tiyawugawulwa, leto letidze tiyawuwiswa phansi.

Isaya 10:34

Uyawugawula tihlahla telihlatsi ngelizembe; iLebanoni iyakuwa embikwakhe Lonemandla Onkhe.

Isaya 14:8

Ngisho tipheshula nemisedari yaseLebanoni nayo seyijabula ngawe, Bhabhulona, itsi: ‘Manje, njengaloku sewalaliswa phansi, sekute ngisho namunye umgawuli lotasijuba.’

Isaya 29:17

ILebanoni ingete yaguculwa yini ngesikhashana lesincane nje ibe yinsimi levundzile, nensimi levundzile ibonakale seyinjengelihlatsi?

Isaya 36:9

Ungayeyisa yini yona yinye nje kuto tonkhe tindvuna letincane temphatsi wami, nome ngabe wetsembele eGibhithe ngetincola temphi kanye nebagibeli bemahhashi?

Isaya 37:4

Kungenteka kube Simakadze Nkulunkulu wakho utaweva emavi endvuna lenkhulu, letfunywe ngumphatsi wayo, inkhosi yase-Asiriya, kutsi itewuhlazisa Nkulunkulu lophilako, nekutsi yena utayitsetsisela emavi Simakadze Nkulunkulu wakho lawevile. Ngako-ke thandazela lensali lesolomane isasele.’ ”

Jeremiya 22:6

Ngobe naku lokushiwo nguSimakadze ngesigodlo senkhosi yakaJuda, utsi: “Nome ufanana neGileyadi kimi, ufanana nesicongo saseLebanoni, impela ngiyakukwenta ufanane nelihlane, ufanane nemadolobha langahlalwa ngumuntfu.

Jeremiya 22:7

Ngiyawutfumela babhubhisi batekulwa nawe, lowo nalowo ngetikhali takhe, bayakuwageca lamakabha akho lamahle emsedari bawalahle emlilweni.

Jeremiya 46:8

IGibhithe ikhuphuka njengeNayili, injengemifula lenemanti lagubhutelako. Itsi: ‘Ngitawuvumbuka ngigcibedzele umhlaba; ngitawubhubhisa emadolobha kanye nebantfu labahlala kuwo.’

Hezekeli 21:2

“Ndvodzana yemuntfu, bhekisa buso bakho ngaseJerusalema, ushumayele umelane netindzawo tekukhontela lekutsiwa tingcwele. Phrofetha umelane nelive laka-Israyeli,

Danyela 4:30

yatsi: “Lena akusiyo yini iBhabhulona lenkhulu lengiyakhile yaba sigodlo sekuhlala inkhosi, ngemandla ami lamakhulu ngayakhela ludvumo lwebukhosi bami?”