Isaya 36:2 - Siswati 1996 Bible

² Inkhosi yase-Asiriya yase itfumela indvuna yayo lenkhulu yemphi kanye nalelikhulu libutfo lemphi lelesuka eLakhishi, laya enkhosini Hezekiya eJerusalema. Kwatsi lendvuna lenkhulu yemphi nayima ngasemseleni wesitiba lesisenhla, emgwacweni loya eNsimini yeMgezi Wetingubo,

Isaya 36:2 Referencias Cruzadas

1 Emakhosi 20:2

Watfumela titfunywa edolobheni ku-Ahabi, inkhosi yaka-Israyeli, watsi: “Inkhosi Bheni Hadadi itsi:

2 Emakhosi 18:11

Inkhosi yase-Asiriya yatfumba baka-Israyeli yabayisa e-Asiriya, labanye yafike yababeka eHala, labanye eGozani ngasemfuleni iHabori, nalabanye emadolobheni emaMede.

Isaya 36:8

“ ‘Buya-ke nyalo, wente sivumelwane nemphatsi wami, inkhosi yase-Asiriya: Ngitakunika emahhashi lati-2 000, nawungaba nebantfu labangawagibela.

Isaya 7:3

Simakadze wakhuluma ku-Isaya, watsi: “Phuma wena nemsa wakho Sheyari Jashubi niyewuhlangabeta Ahazi ngasemseleni wesitiba lesisenhla, emgwacweni loya eNsimini yeMgezi Wetingubo.

Jeremiya 34:7

ngesikhatsi emabutfo enkhosi yaseBhabhulona alwa neJerusalema kanye nalamanye emadolobha akaJuda labesabambelele angakehlulwa, iLakhishi ne-Azekha. Lawa bekungiwo odvwana emadolobha labebiyelwe labesele kaJuda.

Mikha 1:13

Nine lenihlala eLakhishi, bophelani emahhashi enu etincoleni, ngobe ngini lenaholela iSiyoni esonweni, tono ta-Israyeli takhandzakala kini.

Mikha 1:9

Emanceba ekushaywa nguSimakadze, ashaya iSamariya, angeke elapheke; yebo, naJuda utakwehlelwa ngulawo manceba. Kubhujiswa sekusemasangweni eJerusalema, lapho kuhlala khona bantfu bami.”