Isaya 36:18 - Siswati 1996 Bible

¹⁸ “Ningavumi kutsi Hezekiya anedukise, nakatsi: ‘Simakadze utasikhulula.’ Ukhona yini nkulunkulu wanome ngusiphi sive lowake wakhulula live lakhe esandleni senkhosi yase-Asiriya?

Isaya 36:18 Referencias Cruzadas

Tihlabelelo 12:4

Shangatsi Simakadze angabajuba tilwimi laba labakhuluma bachoshe batsi: “Sigabe ngelulwimi lwetfu sitawutikhulumela, iphi leyo nkhosi lengasikhona tsine?”

Isaya 10:11

ngingeke yini ngimelane nayo iJerusalema kanye netithico tayo, njengaloku ngemelana nayo iSamariya netithico tayo?’ ”

Isaya 10:7

Kodvwa loko akusiko lebekuhloswe yinkhosi yase-Asiriya, akusiko lebekusengcondvweni yayo. Inhloso yayo kubhubhisa, nekucedza tive letinyenti.

Isaya 36:10

Ngetulu kwaloko nje, kantsi lapha ngitele kutawuhlasela nekubhubhisa lelive ngaphandle kwaSimakadze yini? Simakadze nguye cobo lwakhe longitjele kutsi angishuce ngite kulelive ngitelibhubhisa.’ ”

Isaya 36:15

Ningavumi kutsi Hezekiya aniyenge netsembele kuSimakadze, nakatsi: “Simakadze utasephula ngempela, lelidolobha lingeke linikelwe esandleni senkhosi yase-Asiriya.” ’

Isaya 36:17

ngize ngifike nginitsatse nginimikise eveni lelifanana nelenu, live lelinalokutinhlavu, nalelineliwayini lelisha, live lesinkhwa neletivini.’

Isaya 36:7

Nangabe utsi kimi: “Setsembele kuSimakadze Nkulunkulu wetfu,” akusiye yini lona Hezekiya ladzilita tindzawo takhe letiphakeme tekukhontela nemalati akhe, atsi kubakaJuda nebaseJerusalema: “Kufanele nikhonte embikwanali lilati leliseJerusalema”?

Isaya 37:10

“Tjelani Hezekiya, inkhosi yakaJuda, nitsi: ‘Ungayengwa ngulonkulunkulu wakho lometsembako nakatsi: “IJerusalema ngeke inikelwe etandleni tenkhosi yase-Asiriya.”

Isaya 37:11

Angitsi sewuvile kutsi entani emakhosi ase-Asiriya kuwo onkhe lamanye emave, acotfula imbokodvo nesisekelo kuwo. Wena-ke ungaphepha kanjani?

Isaya 37:4

Kungenteka kube Simakadze Nkulunkulu wakho utaweva emavi endvuna lenkhulu, letfunywe ngumphatsi wayo, inkhosi yase-Asiriya, kutsi itewuhlazisa Nkulunkulu lophilako, nekutsi yena utayitsetsisela emavi Simakadze Nkulunkulu wakho lawevile. Ngako-ke thandazela lensali lesolomane isasele.’ ”

Hezekeli 31:5

Ngako wakhula waya etulu, wengca tonkhe tihlahla tesiganga; emagala awo lamakhulu andza, yebo, emagala akhula aba madze, enaba ngenca yekutfola emanti lamanyenti.

Danyela 3:15

Manje, naniva umsindvo wempalampala, newemntjingozi, newezitha, newelire, newehabhu, newetimveve, newato tonkhe tinhlobo tekuhlabela, nase nilungele kuwa nikhotsame kulesithico segolide lengisimisile, kulungile. Kodvwa naningasikhotsameli, nitawujikijelwa ngekushesha lokukhulu ekhatsi kulamalangabi emlilo lowesabekako nalohhumako. Ngumuphi-ke lowo nkulunkulu lotaba nemandla ekunephula esandleni sami?”