Isaya 36:14 - Siswati 1996 Bible

¹⁴ Naku lokushiwo yinkhosi, itsi: ‘Ningacali niyengwe nguHezekiya. Angeke akhone kunikhulula!

Isaya 36:14 Referencias Cruzadas

2 Emakhosi 19:22

Ngubani lona lometfukile wamhlambalata? Ngubani lona bewumbhodlela umetfwalela emehlo? NguLongcwele waka-Israyeli!

2 Tikhronike 32:11

Hezekiya nakatsi: ‘Simakadze Nkulunkulu wetfu utasisindzisa esandleni senkhosi yase-Asiriya,’ uyaniyenga, wentela kutsi nitewubulawa yindlala nakoma.

Isaya 36:15

Ningavumi kutsi Hezekiya aniyenge netsembele kuSimakadze, nakatsi: “Simakadze utasephula ngempela, lelidolobha lingeke linikelwe esandleni senkhosi yase-Asiriya.” ’

Danyela 6:20

Yatsi kube ifike edvute nemgodzi wemabhubesi, yamemeta Danyela ngeliphimbo lelidzabukile, yatsi: “Danyela, nceku yaNkulukulu lophilako, loNkulunkulu wakho, lomkhonta njalonjalo, ukhonile yini kukulamlela emabhubesini?”

Danyela 7:25

Iyawukhuluma ihlambalate Longetulu Kwako Konkhe, icindzetele labangcwele bakhe, yetame kugucula tikhatsi temikhosi lemisiwe nemitsetfo. Labangcwele bayawunikelwa kuyo kube sikhashana, netikhatsi, nencenye yesikhatsi.

2 kubaseThesalonika 2:4

Lowo uyakuhlala aphika atiphakamise ngetulu kwako konkhe lokubitwa ngaNkulunkulu nome lokukhontwako, kuze atewuhlala endzaweni lengcwele yaNkulunkulu, atigabatise yena ngekutsi unguNkulunkulu.