Isaya 36:12 - Siswati 1996 Bible

¹² Kodvwa lendvuna lenkhulu yemphi yaphendvula, yatsi: “Kantsi inkhosi yami beyingitfume kini nalenkhosi yenu nodvwa yini kutsi ngitewukhuluma lamagama? Beyingakangitfumi yini nakubo labantfu labalapha etulu elubondzeni, nabo labanjengani, labatawudla emangcoliso abo, baphindze banatse nemichamo yabo?”

Isaya 36:12 Referencias Cruzadas

2 Emakhosi 18:27

Kodvwa lendvuna lenkhulu yemphi yabaphendvula yatsi: “Kantsi inkhosi yami beyingitfume kini nalenkhosi yenu nodvwa yini kutsi ngitewukhuluma lamagama? Beyingakangitfumi yini nakubo labantfu labalapha etulu elubondzeni, nabo labanjengani, labatawudla emangcoliso abo, baphindze banatse nemichamo yabo?”

Isaya 36:11

Bo-Eliyakimu, naShebna, naJowa bakhuluma kulendvuna lenkhulu, batsi: “Sicela umane ukhulume ngesiSiriya etincekwini takho, ngobe ngulona lulwimi lesiluvako. Ungakhulumi natsi ngesiHebheru kuva bonkhe labantfu labalapha etulu elubondzeni.”

Isaya 36:13

Lendvuna lenkhulu yemphi yase iyasukuma yamemeta ngesiHebheru, yatsi: “Lalelani emavi enkhosi lenkhulu, inkhosi yase-Asiriya!

Isaya 9:20

Ngesekudla bayawushwabudzela, kodvwa bachubeke balambe; ngesancele bayawudla, kodvwa bangeke besutse. Ngulowo nalowo uyakutondla ngenyama yentalelwane yakakhe;

Jeremiya 19:9

Ngiyawubenta badle inyama yemadvodzana abo neyemadvodzakati abo, badle ngulowo nalowo inyama yemnakabo, ngenca yencindzetelo yekuvinjetelwa lokuyabe kwentiwa titsa letitfungatsana netimphilo tabo.’

Hezekeli 4:12

Lokudla ubokudla njenganawudla licebelengwane lebhali; ubokupheka embikwebantfu babuka, lomlilo uwubase ngemigodvo yebantfu leyomile.”

Hezekeli 4:16

Wachubeka watsi kimi: “Ndvodzana yemuntfu, ngitawunciphisa kutfolakala kwekudla lapha eJerusalema. Bantfu bayawudla kudla kwekwemukeliswa bancenekile, banatse nemanti ekwemukeliswa bakhatsatekile,

Levithikusi 26:29

Niyawudla inyama yemitimba yemadvodzana nemadvodzakati enu.