Isaya 36:11 - Siswati 1996 Bible

¹¹ Bo-Eliyakimu, naShebna, naJowa bakhuluma kulendvuna lenkhulu, batsi: “Sicela umane ukhulume ngesiSiriya etincekwini takho, ngobe ngulona lulwimi lesiluvako. Ungakhulumi natsi ngesiHebheru kuva bonkhe labantfu labalapha etulu elubondzeni.”

Isaya 36:11 Referencias Cruzadas

Ezra 4:7

Kwaphindza futsi ngesikhatsi sekubusa kwa-Athazeksesi, inkhosi yasePheresiya, boBishlamu, naMithredathi, naThabeyali kanye nebangani babo babhalela Athazeksesi incwadzi. Lencwadzi yayibhalwe ngelulwimi lwesi-Aramu, yase iyahunyushwa.

Isaya 22:15

Naku-ke lokushiwo yiNkhosi Simakadze lenguSomandla, itsi: “Hamba, uye endvuneni, kuShebna lophetse sigodlo, ufike utsi:

Isaya 22:20

“Ngalelo langa ngiyawubita inceku yami, Eliyakimu, umsa waHilkiya.

Isaya 36:12

Kodvwa lendvuna lenkhulu yemphi yaphendvula, yatsi: “Kantsi inkhosi yami beyingitfume kini nalenkhosi yenu nodvwa yini kutsi ngitewukhuluma lamagama? Beyingakangitfumi yini nakubo labantfu labalapha etulu elubondzeni, nabo labanjengani, labatawudla emangcoliso abo, baphindze banatse nemichamo yabo?”

Isaya 36:13

Lendvuna lenkhulu yemphi yase iyasukuma yamemeta ngesiHebheru, yatsi: “Lalelani emavi enkhosi lenkhulu, inkhosi yase-Asiriya!

Danyela 1:4

Kwakufanele kube ngemajaha lamahle langenasiyela, labenemandla nenhlitiyo yako konkhe kufundziswa, lanelwati, lanengcondvo lekhaliphile, lalungele kusebenta esigodlweni senkhosi. Kwakufanele awafundzise lulwimi netincwadzi taseBhabhulona.

Danyela 2:4

Ngako bosonkhanyeti baphendvula inkhosi ngesi-Aramu batsi: “Awu nkhosi, lunwele loludze, wena waphakathi, tjela tinceku takho liphupho, tsine-ke sitabe sesiyalichaza.”