Isaya 35:6 - Siswati 1996 Bible

⁶ Labachutako bayawusuka emagonso njengenyamatane, nelulwimi lwesimungulu luyawumemeta ngenjabulo. Emanti ayawugeleta ehlane, kube nemifudlana elugwadvule.

Isaya 35:6 Referencias Cruzadas

Nehemiya 9:15

Ekulambeni kwabo wabapha sinkhwa lesasichamuka ezulwini, kwatsi ekomeni kwabo wabanatsisa emanti labephuma edvwaleni. Wabatjela kutsi abangene badle lelive, lewawufunge ngalo ngekuphakamisa sandla sakho kutsi uyakubapha lona.

Tihlabelelo 107:35

Wagucula lihlane laba ngumena, umhlaba lowomile wamila tiyalu.

Tihlabelelo 46:4

Kukhona umfula lonemifudlana lejabulisa labo labasekhaya laNkulunkulu, endlini lengcwele yaLosetikwako Konkhe.

Tihlabelelo 51:15

Hhawu, Nkhosi, vula tindzebe temlomo wami, kuze ngivakalise ludvumo lwakho.

Eksodusi 17:6

Ngitakuma embikwakho edvwaleni leNtsaba iHorebe. Ubolishaya lelidvwala; emanti atawuphuma kulo, bese bantfu bayanatsa.” Mosi wenta njalo embikwebaholi bema-Israyeli.

Isaya 30:25

Ngalelo langa lekuhlaba lokukhulu, ngesikhatsi nakuwa imibhoshongo, imifudlana yemanti iyawugobhota kuto tonkhe tintsaba letiphakeme, nakuwo onkhe emagcuma lamadze.

Isaya 32:2

Ngulowo nalowo wabo uyawufanana nesiphephelo emoyeni, abe ngumkhoselisi kuso sivunguvungu, abe njengemifula yemanti ehlane, afanane nelitfunti lelidvwala lelikhulu eveni lelomele emanti.

Isaya 32:4

Ingcondvo yalabanematata iyawukwati ibuye icondze, nelulwimi lolungingitako luyawusheshisa kukhuluma kahle nangalokuvakalako.

Isaya 33:23

Tindophi takho tekubopha liseyili setiyaceka: Insika yemkhumbi ayikaboshwa yacina, liseyili alikendlaleki. Imphango lenyenti itakwehlukaniswa, ngisho nalochutako uyakuyitfola imphango.

Isaya 35:1

Lihlane nelive lelihamukile kuyawujabula, lugwadvule luyawujabula luchakaze timbali.

Isaya 42:11

Lihlane nemadolobha alo akuphakamise emaphimbo ako; tabelo, lapho kuhlala khona bakaKhedari, atijabule. Bantfu baseSela abahlabele ngekujabula, abamemete baseticongweni tetintsaba.

Isaya 44:3

Ngobe ngiyawutfululela emanti eveni lelomile, nemifula emhlabatsini lowomile; ngiyawutfululela Moya wami kubantfwana bakho, nesibusiso sami etitukulwaneni takho.

Isaya 48:21

Abazange sebome ngesikhatsi abahola ehlane; wabavulela emanti agobhota edvwaleni, wacheketa lidvwala, kwampompota emanti.

Isaya 51:3

“Ngempela, Simakadze uyakuyidvudvuta iSiyoni, uyawutibuka ngesihawu tonkhe tindzala tayo; emahlane ayo uyakuwenta abe njenge-Edeni, tindzawo tayo letilihlane atente tibe njengensimi yaSimakadze. Kujabula nekutfokota kuyawutfolakala kuyo, yebo, kubonga kanye nemsindvo wekuhlabela.

Joweli 3:18

“Ngalelo langa tintsaba tiyawuntfontsa liwayini lelisha, kutsi emagcuma agelete lubisi, tihosha takaJuda tigijime emanti. Umtfombo uyawugeleta uphume endlini yaSimakadze unisele Sigodzi Semigamba.

Zakhariya 14:8

Ngalelo langa emanti laphilako ayawugeleta aphuma eJerusalema, incenye yawo igeletele elwandle lolungasemphumalanga, kutsi incenye yawo igeletele elwandle lolungasenshonalanga, busika nehlobo.

Malakhi 4:2

Kodvwa kini lenilesabako Libito lami, lilanga lekulunga liyawuphuma linekuphilisa etimphikweni talo. Niyawuphuma nitjakadvule njengemankhonyane lakhululwe etisingeni tawo.

Numeri 20:11

Ngako Mosi waphakamisa sandla sakhe washaya lelidvwala kabili ngalendvuku, emanti ampompota kulelidvwala, banatsa bona bonkhe kanye netifuyo tabo.

Matewu 11:5

Timphumphutse setiyabona, tinchute netishosha setiyahamba, emalephelo ayahlanteka, tihhulu setiyeva, labafile bayavuswa, neliVangeli seliyashunyayelwa kulabamphofu.

Matewu 12:22

Khona kwase kuletfwa kuye umuntfu labenelidimoni ayimphumphutse angakhulumi, wamphilisa. Kwatsi lona bekasimungulu wakhuluma wabona.

Matewu 21:14

Asesethempelini kwase kufika kuye timphumphutse netinchute, watiphilisa tonkhe.

Lukha 1:64

Ngasona leso sikhatsi lulwimi lwaZakhariya lwatfukululeka, wakhuluma, wadvumisa Nkulunkulu.

Lukha 11:14

Jesu abekhipha lidimoni lelingakhulumi; nasalikhiphile lelidimoni, lendvodza yacala yakhuluma; tamangala ticumbi tebantfu,

Imisebenti yebaPhostoli 3:2

Kwakukhona indvodza letsite leyayisishosha seloku yatalwa. Yayihleti endzaweni lekutsiwa “Intfunja Lenhle”. Yayetfwalwa onkhe emalanga ibekwe ngasentfunjeni yentele kucela kubantfu lababengena ethempelini.

Imisebenti yebaPhostoli 8:7

Bomoya lababi babephuma kubantfu bakhala kakhulu; bonkhe lababefe tinhlangotsi nalababechuta nabo baphiliswa.

KubaseKholose 3:16

Livi laKhristu alihlale ngekhatsi kwenu liphuphume. Fundzisanani niyalane ngekuhlakanipha konkhe, nifundzisane ngemahubo nangetingoma, nangemaculo akaMoya. Nihlabelele Nkulunkulu ngekumbonga etinhlitiyweni tenu.

Sembulo 22:1

Lengilosi yase ingikhombisa umfula wemanti ekuphila, wawukhanya njengengilazi lekhanya kubonakale ngale. Emanti awo abegeleta aphuma esihlalweni sebukhosi saNkulunkulu neseliWundlu.

Sembulo 22:17

Moya namakoti batsi: “Kota!” Wonkhe umuntfu lovako akatsi: “Kota!” Lowo lowomile akete; nalowo lofuna emanti ekuphila, akawanatse mahhala.