Isaya 35:5 - Siswati 1996 Bible

⁵ Emehlo etimphumphutse ayawuvuleka, netindlebe tetihhulu tiyawuva.

Isaya 35:5 Referencias Cruzadas

Jobe 33:16

Angakhuluma nasetindlebeni tabo, abesabise ngetecwayiso takhe.

Tihlabelelo 146:8

Simakadze uvula emehlo etimphumphutse, Simakadze uyabaphakamisa labatfotjisiwe, Simakadze uyabatsandza labalungile.

Eksodusi 4:11

Simakadze watsi kuye: “Ngubani lowanika umuntfu umlomo? Ngubani lowenta umuntfu abe simungulu, nome sihhulu? Ngubani lowenta umuntfu abone nome abe yimphumphutse? Akusimi yini, mine Simakadze?

Taga 20:12

Simakadze usiphe emehlo ekubona netindlebe tekuva: kokubili kwentiwa nguye.

Isaya 29:18

Ngalelo langa tihhulu tiyakuva emavi alencwadzi legocotwako; ekhatsi ebumnyameni kahlongasibi emehlo etimphumphutse ayawubona.

Isaya 42:16

Labatimphumphutse ngitabahola ngetindlela labangazange batati, ngibahole ngetindlela letingakavami. Bumnyama ngitabenta bube kukhanya embikwabo, ngente tindzawo letimagebhugebhu tibe ngematsafa. Leti tintfo lengitawutenta; ngingeke ngitiyekele.

Isaya 42:18

“Vanini, nine tihhulu; bukani, nine timphumphutse, nibone!

Isaya 43:8

Letsani labo labanemehlo kodvwa babe batimphumphutse, labo labanetindlebe kodvwa babe batihhulu.

Isaya 48:8

Anikeva, futsi anikacondzi, kusukela endvulo tindlebe tenu tatisolomane tivalekile. Empeleni bengati kahle hle kutsi naniyengana kanjani, nanibitwa ngekutsi nibahlubuki kusukela ekutalweni.

Isaya 50:4

INkhosi Simakadze inginike lulwimi lolufundzisiwe, kuze ngati livi lekucinisa labamadvolo abo asaceka. Ungivusa njalo nje, ekuseni avuse indlebe yami itewulalela, njengemuntfu nakafundziswa.

Isaya 50:5

INkhosi Simakadze itivulile tindlebe tami, nami angikayivuseli umdlonga, angikagucuki kuyo.

Jeremiya 6:10

Ngubani nje lengingakhuluma kuye ngimecwayise? Ngubani lotangilalela? Tindlebe tabo tivalekile, kuze bangetikuva. Livi laSimakadze lisikhubekiso kubo, abajabuli ngalo.

Matewu 12:22

Khona kwase kuletfwa kuye umuntfu labenelidimoni ayimphumphutse angakhulumi, wamphilisa. Kwatsi lona bekasimungulu wakhuluma wabona.

Matewu 21:14

Asesethempelini kwase kufika kuye timphumphutse netinchute, watiphilisa tonkhe.

Lukha 4:18

“UMoya weNkhosi ukimi, ngobe ungigcobile kutsi ngishumayele tindzaba letimnandzi etimphuyeni; ungitfumile kutsi ngimemetele inkhululeko kulabatfunjiwe, nekuvula emehlo etimphumphutseni, nekukhulula labacindzetelekile,

Johane 11:37

Kodvwa labanye batsi: “Utsi kambe lona lowavula emehlo emuntfu labeyimphumphutse, abengeke akwenta yini kutsi amvimbe angafi lomufi?”

Johane 9:39

Jesu watsi: “Mine ngitele kwehlulela kulelive, kuze labangaboni babone, nalababonako babe timphumphutse.”

Imisebenti yebaPhostoli 26:18

Utawuvula emehlo abo, kuze besuke ebumnyameni bagucukele ekukhanyeni besuke nasemandleni aSathane baye kuNkulunkulu, kuze batsetselelwe tono tabo babelwe nendzawo emkhatsini walabahlantwe ngekukholwa kimi.’ ”

Kubase-Efesu 5:14

ngobe konkhe lokuvetwa kukhanya kuyabonakala. Ngako-ke kutsiwa: “Phaphama, wena lolele, uvuke kulabafile, naKhristu utakukhanyisa.”