Isaya 35:1 - Siswati 1996 Bible

¹ Lihlane nelive lelihamukile kuyawujabula, lugwadvule luyawujabula luchakaze timbali.

Isaya 35:1 Referencias Cruzadas

Tihlabelelo 48:11

Shangatsi ingajabula iNtsaba iSiyoni! Shangatsi bantfu bakaJuda bangatfokota, ngenca yetehlulelo takho.

Tihlabelelo 96:12

Emadlelo, nako konkhe lokukuwo, akujabule, tonkhe tihlahla tesiganga atijabule

Tihlabelelo 97:8

BaseSiyoni bayeva bajabule, yebo, netakhamiti takaJuda tiyatsakasa ngenca yetehlulelo takho, Simakadze.

Ingoma Yetingoma 2:1

Ngiyimbali yaseSharoni, umnduze wetigodzi.

Isaya 25:9

Ngalelo langa bayakutsi: “Ngempela, lona nguNkulunkulu wetfu, besetsembela kuye, naye wasisindzisa. Lona nguSimakadze lebesetsembele kuye; asijabule sitfokote ngensindziso yakhe.”

Isaya 27:10

Lidolobha leliyinqaba lisala lite muntfu, sabelo lesishiyiwe sisale sinjengelihlane, lapho sekuyabe kudla khona ematfole, alale khona ahlabule, aphundle emagala akhona aze abe mhlophe.

Isaya 27:6

Ngemalanga letako, Jakobe uyawumila timphandze asime, Israyeli uyawuhluma achakaze timbali, agcwalise umhlaba wonkhe ngetitselo.

Isaya 29:17

ILebanoni ingete yaguculwa yini ngesikhashana lesincane nje ibe yinsimi levundzile, nensimi levundzile ibonakale seyinjengelihlatsi?

Isaya 35:6

Labachutako bayawusuka emagonso njengenyamatane, nelulwimi lwesimungulu luyawumemeta ngenjabulo. Emanti ayawugeleta ehlane, kube nemifudlana elugwadvule.

Isaya 4:2

Ngalelo langa Ligala laSimakadze liyawuba lihle likhatimule, netitselo talelo live tiyawuba ludvumo nebuhle betinsali taka-Israyeli.

Isaya 40:3

Livi lalomemetako litsi: “Lungisani indlela yaSimakadze ehlane; yentani ucondze ekhatsi ehlane umgwaco lomkhulu waNkulunkulu wetfu.

Isaya 42:11

Lihlane nemadolobha alo akuphakamise emaphimbo ako; tabelo, lapho kuhlala khona bakaKhedari, atijabule. Bantfu baseSela abahlabele ngekujabula, abamemete baseticongweni tetintsaba.

Isaya 43:19

Bukani la, ngenta intfo lensha! Manje seyiyavumbuka, aniyiboni yini? Ngenta indlela ehlane, nemifula eveni leligagadzekile.

Isaya 51:3

“Ngempela, Simakadze uyakuyidvudvuta iSiyoni, uyawutibuka ngesihawu tonkhe tindzala tayo; emahlane ayo uyakuwenta abe njenge-Edeni, tindzawo tayo letilihlane atente tibe njengensimi yaSimakadze. Kujabula nekutfokota kuyawutfolakala kuyo, yebo, kubonga kanye nemsindvo wekuhlabela.

Isaya 6:11

Ngase ngitsi: “Awu! Simakadze, kutawuze kube ngunini?” Wangiphendvula watsi: “Kuyawuze kubhujiswe emadolobha, kubete bantfu labahlala kuwo; tindlu tize tibe tindzala, nemasimi abhujiswe aze onakale,

Isaya 7:21

Ngalelo langa indvodza iyawufuya litfokati linye netimbuti letimbili.

Hezekeli 36:35

Bayawutsi: “Lelive belilihlane lelingenalutfo selihlume laba njengensimi yase-Edeni; emadolobha labesasele atindzala, sekukhala libhungane kuwo, asabhujisiwe, nyalo asabiyelwe futsi asahlalwa bantfu.”