Isaya 34:8 - Siswati 1996 Bible

⁸ Ngobe Simakadze unelilanga lekuphindzisela, umnyaka wekubuyisela ngenca yendzaba yaseSiyoni.

Isaya 34:8 Referencias Cruzadas

Tihlabelelo 94:1

Yebo, Simakadze, nguwe Nkulunkulu wemphindziselo! Wena unguNkulunkulu wekuphindzisela. Phumela ebaleni ukhanye.

Isaya 13:6

“Lilani, ngobe lilanga laSimakadze selisondzele, litawufika liyimbhubhiso levela kuSomandla.

Isaya 13:9

Bukani, lilanga laSimakadze liyasondzela, lilanga lelinelulaka, nentfukutselo, nelulaka lolwesabekako; litekwenta live libe lihlane, libuye libhubhise netoni letikulo.

Isaya 26:21

Bukani, Simakadze uphumela ngephandle kwendzawo yakhe yekuhlala, utewujezisa tive temhlaba ngenca yetono tato. Umhlaba utawuveta ebaleni yonkhe ingati leyacitsekela kuwo, lababulewe kuwo ungeke usabafihla.

Isaya 35:4

Khulumani kulabanetinhlitiyo letesabako nitsi: “Cinani, ningesabi, Nkulunkulu wenu uyeta, uyawufika nekuphindzisela nekujezisa kwakhe, utawufika atenisindzisa.”

Isaya 47:3

Bungcunu bakho buyawubekeka ebaleni, lihlazo lakho lembuleke. Ngiyawuphindzisela, futsi kute loyawusala.”

Isaya 49:26

Bacindzeteli bakho ngiyakubenta badle inyama yemtimba wabo, bayawudzakwa kunatsa ingati yabo kube shangatsi bebanatsa liwayini. Tive tonkhe-ke tiyawube setiyati kutsi mine Simakadze nginguMsindzisi wakho, uMhlengi wakho, longuSomandla waJakobe.”

Isaya 61:2

Ungitfume kutsi ngitewumemetela umnyaka wemusa waSimakadze, nelilanga lekuphindzisela kwaNkulunkulu wetfu, nelekudvudvuta bonkhe labalilako,

Isaya 63:4

Ngobe lilanga lekuphindzisela belisenhlitiyweni yami; nemnyaka wekuhlenga labangebami sewufikile.

Jeremiya 46:10

Kodvwa lelo langa ngilo lilanga laSimakadze, Simakadze longuSomandla, lilanga lemphindziselo, lekutiphindzisela etitseni takhe. Inkemba itawudla idzimate yesutse, idzimate ikucedze ngekudla ingati koma kwayo. Ngobe Simakadze, Simakadze longuSomandla, utawunikela ngemhlatjelo eveni lasenyakatfo, ngasemfuleni iYufrathe.

Hoseya 9:7

Emalanga esijeziso ayeta, yebo emalanga emphindziselo asasondzele, Israyeli kufanele akwati loko. Njengobe tono tenu titinyenti kangaka nebutsa benu bubukhulu kangaka, umphrofethi sewutsatfwa njengesilima, umuntfu wesembulo atsatfwe njengeluhlanya.

Joweli 3:4

“Pho, yini leniphambane ngayo nami, nine Thire neSidoni kanye nani nonkhe nine tifundza taseFilistiya? Kungabe nikhokha sibhongobhongo ngalengikwentile yini? Nangabe nikhokha sibhongobhongo, ngekushesha nangekuphatima kweliso, ngitawubuyisela etikwetinhloko tenu loko lenikwentile.

Mikha 6:1

Lalelani kutsi Simakadze umbeka cala lini Israyeli: “Sukuma, Simakadze, usho licala lombeka lona Israyeli. Tintsaba nemagcuma akakuve kutsi utsini, akabe bofakazi.

Lukha 18:7

Pho, Nkulunkulu utakwehlulwa yini kubevela labakhetsiwe bakhe, labakhala kuye imini nebusuku bacela lusito? Uyawubina yini ekubasiteni?

KubaseRoma 2:5

Kodvwa ngebulukhuni nangenkhani yekungaphendvuki kwenhlitiyo yakho, utibekela lulaka lube lukhulu ngelilanga lelulaka. Ngalelo langa iyawukhanya indlela Nkulunkulu lehlulela ngayo kutsi imsulwa.

Dutheronomi 32:35

Kuphindzisela kwami; ngimi loyawutibuyiselela. Ngesikhatsi lesikahle lunyawo lwabo luyawushelela. Lilanga labo lekuhlupheka selisedvute, kubhujiswa kwabo kuyabahlasela.”

Sembulo 14:11

Intfutfu yekuhlupheka kwabo yenyuka, kuze kube nini nanini. Abanako kuphumula, imini nebusuku, labo labakhonta silo nemfanekiso waso, nome ngangubani lowemukela luphawu lwelibito laso.”

Sembulo 18:20

Jabulani, nitfokote, nine mazulu. Jabulani nani labangcwele, nani baphostoli, nani baphrofethi; ngobe Nkulunkulu sewuyehlulele iBhabhulona, waniphindziselela kuyo!

Sembulo 19:2

ngobe tehlulelo takhe tiliciniso timsulwa. Sewuyehlulele lengwadla lenkhulu leyabhubhisa umhlaba wonkhe ngebugwadla bayo; wakhiphela kuyo sibhongo sengati yetinceku takhe.”