Isaya 34:7 - Siswati 1996 Bible

⁷ Tinkhabi tesiganga tiyakuwa nabo, tinkunzana kanye netinkunzi letinkhulu. Live labo liyawucwila engatini, nelutfuli luyawuba manti emanoni.

Isaya 34:7 Referencias Cruzadas

Tihlabelelo 22:21

Ngephule emlonyeni welibhubesi, ungisindzise etimphondvweni tetinyatsi.

Tihlabelelo 68:30

Sekhute lesilwane semhlanga, iGibhithe, uwekhute nalomhlambi wetinkunzi losemkhatsini wematfole etive. Bayagcobagcobana, babange imali, basakate leto tive, bajatjuliswe kususa lutfutfuva lwemphi.

Tihlabelelo 92:10

Kodvwa luphondvo lwami uluphakamisile njengeluphondvo lwenkhabi lengumlalandle, ungigcobe ngemafutsa lamasha.

Isaya 63:6

Ngagcobagcoba tive ngentfukutselo yami; ngelulaka lwami ngatenta tadzakwa, ngatfululela ingati yato emhlabatsini.”

Jeremiya 25:34

Khalani nilile, nine belusi; gicikani elutfulini, nine baholi bemhlambi. Ngobe sikhatsi sekuhlatjwa kwenu sesifikile, niyakuwa niphihlike njengeludziwo loluhle.

Jeremiya 46:21

Emabutfo ayo lacashiwe anjengematfole londleke kahle eGibhithe. Nawo futsi atawuncandzeka abaleke kanyekanye, angeke ayimele lemphi, ngobe lilanga lawo lesehlakalo sawo seliwehlele, sikhatsi sawo sekutsi ajeziswe.

Jeremiya 50:11

“Njengobe nijabula futsi nitsakase, nine leniphanga lifa lami, njengobe niyatjakadvula njengesitfokati nasibhula kolo, ninhinhile njengetinkunzi temahhashi,

Jeremiya 50:27

Bulalani tonkhe tinkunzi talo letisetincane: Tehliseleni ekuhlatjweni. Maye kubo! Ngobe lilanga selifikile, sikhatsi sabo sekutsi bajeziswe.

Hezekeli 32:6

Live ngiyakulenya engatini yakho legeletako yonkhe indlela kuya etintsabeni, kutsi tigodzi tigcwaliswe ngenyama yakho.

Hezekeli 39:17

“Ndvodzana yemuntfu, naku lokushiwo yiNkhosi Simakadze, itsi: Bita tonkhe tinhlobo tetinyoni, nato tonkhe tilwane tesiganga, utsi: ‘Butsanani ndzawonye nonkhe nisuka kuyo yonkhe indzawo, nite edzilini lenginilungiselele lona, umhlatjelo lomkhulu etintsabeni taka-Israyeli. Lapho-ke niyawufike niniphite inyama, nibuye nehlise ngengati.

Hezekeli 39:18

Niyawudla inyama yemadvodza lanemandla, ninatse ingati yebabusi bemhlaba, kube shangatsi bekutimvu nemazinyane, timbuti netinkunzi, konkhe kutilwane letikhuluphalisiwe taseBhashani.

Numeri 23:22

Nkulunkulu lowabakhipha eGibhithe, ubalwela ngemandla lanjengewenyatsi.

Numeri 24:8

Nkulunkulu wabakhipha eveni laseGibhithe, unjengenyatsi lenemandla kubo. Bayakudla tive letititsa tabo, bephule ematsambo ato abe timvutfu, bagwaze leto tive ngetikhali.

Dutheronomi 33:17

Litubulo lakhe lenkunzi linebukhosi, timphondvo takhe tenyatsi. Ngaletimphondvo uyawudvungulula tonkhe tive kanyekanye, kuze kufike emaphetselweni emhlaba. Banjalo baka-Efrayimu, batinkhulungwane tetinkhulungwane. Banjalo nabakaManase, batinkhulungwane.”