Isaya 34:2 - Siswati 1996 Bible

² Simakadze utitfukutselele tonkhe tive; intfukutselo yakhe isetikwawo onkhe emabutfo ato. Uyakuwabhubhisa onkhe awacedze, awanikele kutsi agwazwe.

Isaya 34:2 Referencias Cruzadas

Tihlabelelo 2:5

Wase ukhuluma kubo ngentfukutselo yakhe, ubakhahla ngelulaka lwakhe, utsi:

Eksodusi 8:14

EmaGibhithe atibutsisa ndzawonye taba tincumbi letinkhulu. Lonkhe live lanuka luboti.

Isaya 10:5

“Maye kulo lase-Asiriya, indvuku yelulaka lwami, lelisandla salo sifumbetse sagila selulaka lwami.

Isaya 13:5

Baphuma emaveni lakhashane, lasekugcineni kwemazulu, nguye Simakadze netikhali telulaka lwakhe, utewubhubhisa wonkhe umhlaba.

Isaya 13:6

“Lilani, ngobe lilanga laSimakadze selisondzele, litawufika liyimbhubhiso levela kuSomandla.

Isaya 26:20

Balekani, sive sami, ngenani etindlini tenu, nitivalele ngekhatsi. Tifihleni ngekhatsi kwesikhashana, kuze kwendlule lulaka lwakhe.

Isaya 30:25

Ngalelo langa lekuhlaba lokukhulu, ngesikhatsi nakuwa imibhoshongo, imifudlana yemanti iyawugobhota kuto tonkhe tintsaba letiphakeme, nakuwo onkhe emagcuma lamadze.

Isaya 61:2

Ungitfume kutsi ngitewumemetela umnyaka wemusa waSimakadze, nelilanga lekuphindzisela kwaNkulunkulu wetfu, nelekudvudvuta bonkhe labalilako,

Isaya 63:6

Ngagcobagcoba tive ngentfukutselo yami; ngelulaka lwami ngatenta tadzakwa, ngatfululela ingati yato emhlabatsini.”

Isaya 65:12

ngiyawunimisela inkemba, nonkhe niyawukhotsamela kuhlatjwa, ngobe nganibita, kodvwa anizange nisabele, ngakhuluma, kodvwa anizange nilalele. Nenta lokubi emehlweni ami, nakhetsa loko lokungangijabulisi.”

Isaya 66:14

Niyawutsi nanikubona loku, inhlitiyo yenu ijabule, niyawuhluma njengetjani; sandla saSimakadze siyawukwatiwa etincekwini takhe, atitfukutselele titsa takhe.

Isaya 66:16

Ngobe uyakwehlulela bonkhe bantfu ngemlilo nangenkemba; labo lababulewe nguSimakadze bayawuba banyenti.

Jeremiya 25:31

Sidvumo siyawuhokoma sivakale nasemikhawulweni yemhlaba, ngobe Simakadze tive uyawutibeka emacala, uyakwehlulela bonkhe bantfu, lababi abalalise phansi ngenkemba,’ ” kusho Simakadze.

Jeremiya 25:32

Naku-ke lokushiwo nguSimakadze longuSomandla, utsi: “Bukani! Inhlekelele yandza tive ngetive, kukhuphuka sivunguvungu lesinemandla emikhawulweni yonkhe yemhlaba.”

Jeremiya 25:33

Ngaleso sikhatsi labo labayawube sebabulewe nguSimakadze bayawugcwala yonkhe indzawo, kusukela ngala kwemhlaba kuye ngale kwawo. Bangeke balilelwe, futsi bangeke babutfwe nome bangcwatjwe, kodvwa bayawufanana netibi letisakateke phansi emhlabatsini.

Hezekeli 36:5

“ ‘Naku lokushiwo yiNkhosi Simakadze, itsi: Ngentfukutselo yami levutsako ngikhulume ngemelana nato tonkhe tive letisele, kanye nalo lonkhe laka-Edomu, ngobe batsatsa live lami balenta labo ngekujabula, nangenhlitiyo lembi, bentela kuphanga emadlelo alo.’

Zefaniya 3:8

Simakadze utsi: “Ngako-ke ngimeleni, ngalelo langa ngiyawuma ngifakaze. Ngincume kuhlanganisa tive, ngibutsele ndzawonye imibuso, bese ngitfululela lulaka lwami etikwato, yonkhe intfukutselo yami leyesabekako. Umhlaba wonkhe uyawubhujiswa ngemlilo wekukhweleta kwentfukutselo yami.

Zakhariya 14:3

Simakadze uyawuphuma ayekulwa naleto tive, njengobe avama kulwa ngelilanga lemphi.

KubaseRoma 1:18

Lulaka lwaNkulunkulu lubonakala luphuma ezulwini lwehlela etikwako konkhe kungamesabi Nkulunkulu nekungalungi kwebantfu labavimba liciniso ngekungalungi kwabo.

Joshuwa 11:20

Ngobe kwaba nguSimakadze matfupha lowenta tinhlitiyo talamadolobha taba lukhuni ngekutsi tihlasele ema-Israyeli, entela kutsi atekuwabhubhisa onkhe, aphele ngaphandle kwemusa, njengobe Simakadze abeyale Mosi.

Sembulo 20:15

Lowo libito lakhe lelalingakabhalwa encwadzini yekuphila, wajikwa echibini lelivutsa umlilo.

Sembulo 20:9

Tenyuka tahlakateka nemhlaba wonkhe, tafike tatungeleta inkambu yebantfu baNkulunkulu nemuti lotsandzekako. Kwehla umlilo uphuma ezulwini, watidla tonkhe.