Isaya 34:16 - Siswati 1996 Bible

¹⁶ Ase nibuke encwadzini legocotwako yaSimakadze nifundze. Kute nakunye kwaloku lokuyawusilela, kute lokuyakweswela singani sako. Ngobe ngumlomo wakhe lona lokhiphe lomyalo, naMoya wakhe uyawukubutsela ndzawonye.

Isaya 34:16 Referencias Cruzadas

Genesisi 6:17

Ngitawuletsa zamcolo emhlabeni, utawufika abulale yonkhe inyama lenemoya wekuphila, lengaphansi kwelizulu. Konkhe lokusemhlabeni kutawubhubha.

Tihlabelelo 33:6

Emazulu entiwa ngelivi laSimakadze, nako konkhe lokukuwo kwentiwa ngemoya wemlomo wakhe.

Tihlabelelo 33:9

Ngobe wakhuluma, kwenteka; wakhalima, kwaba khona lutfo.

Taga 23:12

Yenta ingcondvo yakho yemukele imiyalo, ulalelisise loko lofundziswa kona.

Isaya 1:20

kodvwa nanicinisa tinhloko nihlubuka, nitawudliwa yinkemba.” Umlomo waSimakadze sewukukhulumile loko.

Isaya 14:31

“Awu, sango, lila! Awu, dolobha, hhewula! Ttutfumela, wena Filistiya! Ngobe emabutfo emphi lenemandla ayeta, aphuma ngasenyakatfo; ate ngisho nome linye lisotja leliligwala.

Isaya 21:17

Imisalela yemadvodza lanemba ngebutjoki, langemachawe akaKhedari itawuba mbalwa.” Simakadze longuNkulunkulu wa-Israyeli sewukhulumile.

Isaya 30:8

Hamba nyalo uyekubabhalela esibhelekeceni, kucophe encwadzini legocotwako, kuze kutsi ngemalanga letako kube bufakazi baphakadze.

Isaya 40:26

Phakamiselani emehlo enu ezulwini: Ngubani lowadala konkhe loku? Nguye lokhipha emabutfo etinkhanyeti ngayinye ngayinye, atibite tonkhe tinkhanyeti nguleyo naleyo ngelibito layo. Ngenca yemandla akhe lamakhulu nangebukhulu bemandla akhe, kute nome yinye lesilelako.

Isaya 40:5

Inkhatimulo yaSimakadze iyakwembulwa, nalo lonkhe luntfu luyakuyibona; ngobe umlomo waSimakadze sewukhulumile.”

Isaya 58:14

ngulapho uyawutfola khona-ke kujabula kwakho kuSimakadze, ngiyawukwenta ukhuphukele eticongweni telive, ube nenala udle nelifa leyihlomkhulu Jakobe.” Umlomo waSimakadze sewukhulumile.

Danyela 10:21

kodvwa ngitawucala ngikutjele kutsi kubhalweni encwadzini yeliciniso. Kute namunye longelekelelako kutsi emelane nato, ngaphandle kwaMikhayeli, inkhosi yenu.

Amose 3:7

Ngempela iNkhosi Simakadze kute lekwentako ingakayembuli inhloso yayo etincekwini tayo, baphrofethi.

Zakhariya 4:6

Ngako yakhuluma kimi, yatsi: “Leli livi laSimakadze leliya kuZerubhabheli, litsi: ‘Akuyi ngetikhwepha nangemandla, kodvwa kuya ngaMoya wami,’ kusho Simakadze longuSomandla.

Malakhi 3:16

Nalabo-ke labesaba Nkulunkulu bakhulumisana bodvwana, Simakadze walalela weva. Incwadzi legocotwako yesikhumbuto yabhalwa embikwakhe macondzana nalabo labesaba Simakadze bahloniphe Libito lakhe.

Matewu 5:18

“Ngicinisile, ngitsi kini: Kuyakudzimate kwendlule lizulu nemhlaba seloku kute ngisho nalelincane nje lichashatana lelitawususwa emtsetfweni, kuze kufezeke konkhe.

Lukha 21:33

Lizulu nemhlaba kuyawushabalala, kodvwa emavi ami ngeke endlule.”

Johane 10:35

Wababita ngekutsi bonkulunkulu labo babenelivi laNkulunkulu, umBhalo ungeke uguculwe.

Johane 5:39

Niphenya imiBhalo, ngobe nicabanga kutsi nitawutfola kuphila lokuphakadze kuyo, kantsi ngiyo lucobo lefakaza ngami.

Dutheronomi 31:21

Kuyawutsi tigemegeme letinyenti netinhlupho nakwehlela etikwabo, lengoma iyawubalahla ngebufakazi bayo, ngobe titukulwane tabo tingeke tiyikhohlwe. Ngiyakwati loko labacabanga kukwenta, ngisho nome basengakangeni kulelo live lengabetsembisa lona ngesifungo.”

Joshuwa 1:8

Emavi alencwadzi yemtsetfo angesuki emlonyeni wakho; uyawucabangisisa ujule kuwo busuku nemini, kuze ukhone kukwenta konkhe loku lokubhalwe kuwo; khona-ke uyawuphumelela kube kuhle kuwe.

2 yaPhetro 1:19

Ngaleyo ndlela livi lesiphrofetho laciniswa kancono kitsi. Nani nitawube nente kahle, nanililalele, naliva lakhanya njengesibane lesikhanya ebumnyameni, kuze kube ngusentsatsakusa nenkhanyeti yekusa ibonakale etinhlitiyweni tenu.