Isaya 33:6 - Siswati 1996 Bible

⁶ Utawuba sisekelo sakho lesingusonasona ngawo onkhe emalanga akho, abe lifa lakho lensindziso, nelekuhlakanipha, nelwati. Kwesaba Simakadze kungumcebo wakhe.

Isaya 33:6 Referencias Cruzadas

2 Emakhosi 18:7

Simakadze waba naye, wamphumelelisa kuko konkhe labekwenta. Wayivukela inkhosi yase-Asiriya wangete wayihlehlela.

Jobe 4:6

Kantsi lokukhonta kwakho Nkulunkulu akukudvudvuti ngani? Bona lobucotfo bakho abukuniki ngani litsemba?

Tihlabelelo 140:7

Awu, Simakadze, Nkulunkulu wami, Msindzisi wami lonemandla, wena uvikela inhloko yami ngesikhatsi semphi.

Tihlabelelo 28:8

Simakadze ungemandla ebantfu bakhe, usiphephelo sekusindzisa logcotjiwe wakhe.

Tihlabelelo 45:4

Yebo, gibela ngebukhosi bakho, uphume imphi, uyewuncoba, umele liciniso, uvikele nekulunga; shangatsi sandla sakho sangesekudla singafundzisa imisebenti yakho lesabekako.

Taga 14:24

Umvuzo wesihlakaniphi kuhlakanipha kwaso; kodvwa bulima ngumchele wetilima.

Taga 14:26

Kwesaba Simakadze umuntfu kumenta abe nenqaba yekuphephela; lenqaba iba siphephelo sebantfwabakhe.

Taga 14:27

Kwesaba Simakadze ngumtfombo wekuphila, khona umuntfu atekwati kubalekela tingibe tekufa.

Taga 15:16

Kuncono kuba nalokuncane kanye nekwesaba Simakadze kunekuba nemcebo lomnyenti netinkhatsato tawo.

Taga 19:23

Kwesaba Simakadze kuholelana ekuphileni lokwenelisako, umuntfu lonako angeke ehlelwe yingoti.

Taga 2:5

Nangabe ukwenta konkhe loko, utawucondzisisa kutsi kuyini kwesaba Simakadze, utfole nekutsi kuyini kwati Nkulunkulu.

Taga 28:2

Nakukhona kuvukela umbuso eveni, live liba makhosikhosi; kodvwa nangabe baholi balelo live banekuhlakanipha nekucondza, kuba nekuthula.

Taga 29:4

Inkhosi lebusa ngekulunga, live layo liba nesizotsa; kodvwa lebeka imali embili ibhubhisa live layo.

Umshumayeli 7:12

Kuhlakanipha kuyintfo yekukhosela njengobe nemali kuyintfo yekukhosela, kodvwa buhle belwati kutsi: Kuhlakanipha kuyawulondvolota kuphila kwemnikati wako.

Umshumayeli 7:19

Kuhlakanipha kwenta umuntfu munye abe nemandla kakhulu kunebabusi belidolobha labalishumi.

Isaya 11:9

Kungeke kulimate futsi kungeke kubulale nome ngangukuphi entsabeni yami lengcwele, ngobe umhlaba uyawugcwala kwati Simakadze, njengobe nemanti agcwalisa lwandle.

Isaya 26:1

Ngalelo langa kuyawuhlatjelelwa ingoma kaJuda, letsi: “Sinelidolobha lelicinile; Nkulunkulu usentela insindziso ngetibondza talo netinqaba talo.”

Isaya 32:17

Sitselo sekulunga siyawuba kuthula nenhlalakahle, umphumela wekulunga uyawuba kuphumula nekulondvoloteka phakadze naphakadze.

Isaya 32:18

Sive sami siyawuhlala etindzaweni tekuthula, emakhaya laphephile, etindzaweni tekuphumula letite lokuphatamisako.

Isaya 33:20

Buka iSiyoni, lidolobha lemadzili etfu; emehlo akho ayakuyibona iJerusalema, indzawo yekuhlala lenekuthula, nelithende lelingeke lisuswe; tikhonkhwane talo tingeke tisishulwe, kungeke kudzabuke ngisho nayinye yetindophi talo.

Isaya 45:17

Kodvwa Israyeli uyawusindziswa nguSimakadze ngensindziso yaphakadze; ningeke nidliwe ngemahloni nome nihlazeke phakadze naphakadze.

Isaya 51:14

Labo labatiboshwa batawukhululwa masinyane; bangeke bafele kulomgodzi welijele labo, futsi bangeke bakweswele kudla.

Isaya 51:6

Phakamiselani emehlo enu emazulwini, niwubuke nemhlaba phansi; emazulu ayawunyamalala njengentfutfu, nemhlaba uguge njengengubo, nalabahlala kuwo bafe njengetimphungane. Kodvwa insindziso yami iyawukhonsa phakadze naphakadze, kulunga kwami ngeke kuphele.

Jeremiya 31:34

Sekuyawubate umuntfu loyawufundzisa makhelwane wakhe, nome indvodza ifundzise umnakabo, itsi: ‘Yati Simakadze,’ ngobe bonkhe sebayawungati kusukela kulomncane kuye kulomkhulu,” kusho Simakadze. “Ngobe ngiyawubatsetselela bubi babo, tono tabo ngingasaphindzi ngitikhumbule.”

Habakhuki 2:14

Ngobe umhlaba uyawugcwala kwati bukhosi baSimakadze, njengaloku emanti asibekela lwandle.

Matewu 6:33

Kodvwa funani kucala umbuso waNkulunkulu kanye nekulunga kwakhe, khona tonkhe letintfo titakwengetelwa kini.

2 kubaseKorinthe 6:10

Siviswa buhlungu, kodvwa sitfokota njalonjalo. Siphuyile, kodvwa banyenti lesibanjingisako. Asinalutfo, kodvwa sinako konkhe.

1 kuThimothi 4:8

Ngobe kwetayeta umtimba ngekwelula imisipha kunenzuzo kwesikhashana nje, kodvwa kumesaba Nkulunkulu kunenzuzo etintfweni letinyenti, ngobe kucuketse setsembiso semphilo yamanje kanye nesemphilo letako.

1 kuThimothi 6:6

Vele kuyinzuzo lenkhulu kwesaba Nkulunkulu kanye nekweneliseka.