Isaya 33:4 - Siswati 1996 Bible

⁴ Imphango yenu, nine tive, iyavunwa, kube shangatsi kucatsama inkhasa yesikhonyane; emadvodza ayayibunganyela, yebo, njengelibulo lesikhonyane.

Isaya 33:4 Referencias Cruzadas

2 Tikhronike 14:13

Asa nemabutfo akhe bawacosha baze bayakuwabeka eGerari. Kwafa emaKushe lamanyenti kakhulu kangangekutsi akazange aphindze abe nemandla ekulwa; ehlulwa embikwaSimakadze nemabutfo akhe. Emadvodza akaJuda etfwala imphango lenkhulu kabi.

2 Tikhronike 20:25

Ngako Jehoshafati kanye nemadvodza akakhe bahamba bayawutitapela imphango, batfola kuyo ingcebo lenyenti netimphahla letinyenti tekwembatsa kanye netimphahla letinelinani lelikhulu, baze behluleka nekutetfwala tonkhe. Imphango yaba yinyenti kangangekutsi kwatsatsa emalanga lamatsatfu kuyibutsa bayicedze yonkhe.

Isaya 33:23

Tindophi takho tekubopha liseyili setiyaceka: Insika yemkhumbi ayikaboshwa yacina, liseyili alikendlaleki. Imphango lenyenti itakwehlukaniswa, ngisho nalochutako uyakuyitfola imphango.

Isaya 33:3

Ngekubhavumula kweliphimbo lakho, tive tiyabaleka; nawuphakama wena, tive tiyasakateka.

Isaya 33:5

Simakadze uphakeme, ngobe uhlala endzaweni lephakeme, utawugcwalisa iSiyoni ngekwehlulela ngemtsetfocotfo nangekulunga.

Hezekeli 25:7

ngako-ke ngiyakwelula sandla sami ngimelane nawe, ngikunikele kutsi ube yimphango yetive. Ngiyawukkususa etiveni, ngikutsanyele emaveni. Ngiyawukubhubhisa. Ngulapho-ke uyawungati khona kutsi mine nginguSimakadze.’ ”

Joweli 1:4

kutsi loko lokwasala nyakana welifu lesikhonyane sekudliwe tibotfo naloko lokusele kuletibotfo sekudliwe sigegedlana, naloko lokusele kulesigegedlana, sekudliwe tinkumbi.

Joweli 2:25

“Ngitanikhokhela kuloko lokudliwe sikhonyane ngaleyo minyaka, loko lokwadliwa tibotfo nesigegedlana, nelifu letinkumbi, imphi yami lengayitfumela emkhatsini wenu.

Joweli 2:3

Embikwaleso sive ngumlilo lokhotsako, emvakwaso lilangabi lelilavukako. Embikwaso live lifanana nensimi yase-Edeni, emvakwaso lilihlane lelingenalutfo. Kute lokusalako lapho sihambe khona.

Joweli 2:9

Sitselekela lidolobha, sigijime etikwelubondza. Sikhwela singene etindlini, njengemasela singene ngemafasitelo.