Isaya 33:23 - Siswati 1996 Bible

²³ Tindophi takho tekubopha liseyili setiyaceka: Insika yemkhumbi ayikaboshwa yacina, liseyili alikendlaleki. Imphango lenyenti itakwehlukaniswa, ngisho nalochutako uyakuyitfola imphango.

Isaya 33:23 Referencias Cruzadas

2 Emakhosi 7:16

Ngako onkhe ema-Israyeli aphuma ayawuhlamahlama inkambu yemaSiriya. Ngako emakhilogremu langaba matsatfu afulaha nemakhilogremu langaba sitfupha ebhali kwatsengiswa ngenhlavu yinye yesiliva, kwaya njengobe Simakadze abeshito.

2 Emakhosi 7:8

Lamadvodza labenesifo lesisabulephelo efika emnyeleni wenkambu yemaSiriya angena kulelinye lemathende. Afike akhandza kudla, adla anatsa, ase atsatsa isiliva, negolide, netimphahla, abaleka ayakukufihla. Aphindza abuyela, angena kulelinye lithende atsatsa letinye njalo timphahla nato ayawutifihla.

2 Tikhronike 20:25

Ngako Jehoshafati kanye nemadvodza akakhe bahamba bayawutitapela imphango, batfola kuyo ingcebo lenyenti netimphahla letinyenti tekwembatsa kanye netimphahla letinelinani lelikhulu, baze behluleka nekutetfwala tonkhe. Imphango yaba yinyenti kangangekutsi kwatsatsa emalanga lamatsatfu kuyibutsa bayicedze yonkhe.

Tihlabelelo 68:12

“Emakhosi etimphi ayabaleka nekubaleka.” Labasikati emakhaya bebasehlukaniselana imphango,

Tihlabelelo 68:13

ngesikhatsi emadvodza asaphumula etibayeni. Imphango bekulituba lelinetimphiko tesiliva, tinsiba tiyigolide lecwebetelako.

Isaya 33:1

Maye kuwe, wena mbhubhisi, wena losengakabhujiswa! Maye kuwe, wena lolimbuka, wena losengakatsengiswa! Nawuyekela kubhubhisa, uyakubhujiswa nawe. Nawuyekela kutsengisa bantfu, uyakutsengiswa nawe.

Isaya 33:21

Lapho-ke Simakadze uyawuba nguLonemandla wetfu. Kuyawufanana nendzawo lenemifula lebanti nemifudlana. Kute sikebhe lesinetigwedlo lesiyawuhamba kuyo, kute ngisho nemkhumbi lonemandla lotawuntjweza kuyo.

Isaya 33:4

Imphango yenu, nine tive, iyavunwa, kube shangatsi kucatsama inkhasa yesikhonyane; emadvodza ayayibunganyela, yebo, njengelibulo lesikhonyane.

Isaya 35:6

Labachutako bayawusuka emagonso njengenyamatane, nelulwimi lwesimungulu luyawumemeta ngenjabulo. Emanti ayawugeleta ehlane, kube nemifudlana elugwadvule.

Hezekeli 38:13

BaseSheba, nebaseDedani, nebahwebi baseThashishi nebakuyo yonkhe imiti yayo bayawutsi kuwe: “Utewuphanga yini? Lolucucaba lwakho ulubutsele kutasemuka timphahla yini, wetfwale isiliva kanye negolide, utsatse tifuyo netimphahla, utsatse nemphango lenyenti?” ’

Imisebenti yebaPhostoli 27:19

Kwatsi ngelilanga lesitsatfu bachubeka banyomula letinye tigcobo temkhumbi letatisindza batilahla bona ngetandla tabo.

1 kubaseKorinthe 1:27

Kodvwa Nkulunkulu wakhetsa lokubulima emhlabeni, kuze ajabhise labahlakaniphile, wakhetsa lokubutsakatsaka, kuze ajabhise lokunemandla.

1 Samuweli 30:10

ngobe emadvodza langema-200 abesadzinwe kakhulu, ngako ehluleka kwewela lomfudlana iBhesori. Kodvwa Davide nemadvodza langema-400 bachubeka, bagijima.