Isaya 33:21 - Siswati 1996 Bible

²¹ Lapho-ke Simakadze uyawuba nguLonemandla wetfu. Kuyawufanana nendzawo lenemifula lebanti nemifudlana. Kute sikebhe lesinetigwedlo lesiyawuhamba kuyo, kute ngisho nemkhumbi lonemandla lotawuntjweza kuyo.

Isaya 33:21 Referencias Cruzadas

Tihlabelelo 29:3

Liphimbo laSimakadze lisetikwemanti, Nkulunkulu weludvumo uyadvuma, Simakadze usetikwemanti lamanyenti.

Isaya 12:6

Memetani kakhulu, nihlabele ngenjabulo, nine bantfu baseSiyoni, ngobe mkhulu lowo Longcwele waka-Israyeli losemkhatsini wenu.”

Isaya 33:17

Emehlo akho ayakuyibona inkhosi ebuhleni bayo, abuke nelive lelingematsafa lamahle.

Isaya 41:18

Ngiyawukwenta imifula igelete etindzaweni letiphakeme letilugwadvule, netiyalu ekhatsi etihosheni. Ngiyawugucula lihlane libe titiba temanti, nemhlaba logagadzekile ube netiyalu temanti.

Isaya 43:19

Bukani la, ngenta intfo lensha! Manje seyiyavumbuka, aniyiboni yini? Ngenta indlela ehlane, nemifula eveni leligagadzekile.

Isaya 43:20

Tilwane tesiganga tiyangihlonipha, yebo, timphungutja kanye netahhukulu, ngobe ngiveta emanti ehlane nemifula eveni leligagadzekile, ngentele kunatsisa sive sami lesikhetsiwe,

Isaya 48:18

Kube mane naniyilalela imiyalo yami, kuthula nenhlalakahle yenu ngabe kunjengemifula, kulunga kwenu kube njengemagagasi elwandle.

Isaya 66:12

Ngobe naku lokushiwo nguSimakadze, utsi: “IJerusalema ngiyakuyiletsela kuthula lokuyawugobhota njengemfula, bunjinga betive bute kuyo njengemfula longenelako. Niyawumunya kuyo, netfwalwe ngumkhono wayo, nidlaliselwe emadvolweni ayo.

Zakhariya 2:9

Utsi: “Impela ngiyawuphakamisa sandla sami ngimelane nato, khona titewuba yimphango yetigcili tato. Ngulapho-ke niyawukwati khona kutsi nguSimakadze longuSomandla longitfumile.

Numeri 23:21

“Kute emashwa latakwehlela Jakobe, Israyeli angeke abe nelusizi. Simakadze Nkulunkulu wabo, unabo; kumenyetwa nekudvunyiswa kweNkhosi kusemkhatsini wabo.

Imisebenti yebaPhostoli 7:2

Stefano waphendvula watsi: “Bazalwane, nani bobabe, lalelani kimi! Nkulunkulu weludvumo wabonakala kukhokho wetfu Abrahama asahlala eMesophothamiya, asengakatfutsi kuyakwakha eHarani,

Dutheronomi 23:15

“Nangabe sigcili sibalekele kini, ningasibuyiseli kumnikati waso.