Isaya 33:20 - Siswati 1996 Bible

²⁰ Buka iSiyoni, lidolobha lemadzili etfu; emehlo akho ayakuyibona iJerusalema, indzawo yekuhlala lenekuthula, nelithende lelingeke lisuswe; tikhonkhwane talo tingeke tisishulwe, kungeke kudzabuke ngisho nayinye yetindophi talo.

Isaya 33:20 Referencias Cruzadas

Tihlabelelo 128:5

Shangatsi Nkulunkulu angakubusisa aseSiyoni, shangatsi ungabona kuchuma kweJerusalema emphilweni yakho yonkhe.

Tihlabelelo 46:5

Nkulunkulu uhlala kulelo khaya, lingeke litanyatanyiswe, Nkulunkulu uyawulisita ekuseni entsatsakusa.

Tihlabelelo 46:6

Tive tiyavungama, imibuso iyatamatama; uvakalisa livi lakhe, umhlaba uncibilike.

Isaya 32:18

Sive sami siyawuhlala etindzaweni tekuthula, emakhaya laphephile, etindzaweni tekuphumula letite lokuphatamisako.

Isaya 33:6

Utawuba sisekelo sakho lesingusonasona ngawo onkhe emalanga akho, abe lifa lakho lensindziso, nelekuhlakanipha, nelwati. Kwesaba Simakadze kungumcebo wakhe.

Isaya 37:33

“Ngako-ke naku lokushiwo nguSimakadze macondzana nenkhosi yase-Asiriya: “Ngeke ingene kulelidolobha nome icibishele imicibisholo kulo. Ngeke ime embikwalo ngelihawu, futsi ngeke yente lutfo lwekulivimbetela.

Isaya 4:5

Ngako Simakadze uyawudala lifu emini, intfutfu nelilangabi lemlilo ebusuku, lisibekele iNtsaba yonkhe iSiyoni nabo bonkhe labahlanganela kuyo; etikwayo yonkhe lenkhatimulo kuyawuba nempheme.

Isaya 54:2

“Yandzisa indzawo yelithende lakho, yendlala tindvwangu telithende lakho, ungatibambi, yelula tintsambo takho, ucinise tikhonkhwane takho.

Isaya 66:14

Niyawutsi nanikubona loku, inhlitiyo yenu ijabule, niyawuhluma njengetjani; sandla saSimakadze siyawukwatiwa etincekwini takhe, atitfukutselele titsa takhe.

Hezekeli 48:35

“Sebubonkhe budze balelidolobha kutungeleta lonkhe buyawuba ngemakhilomitha langaba yimfica. “Libito lalelidolobha kusukela ngaleso sikhatsi sekuyawutsiwa: ngusimakadze ulapha.”

Hezekeli 48:8

“Ngasemnyeleni welive lakaJuda, kusuka ngasemphumalanga kuye enshonalanga, kuyawuba sabelo leniyawusenta umnikelo wenu welikhetselo. Siyawuba ngemakhilomitha langaba li-12 nesigamu bubanti, budze baso kusukela emphumalanga kuye ngasenshonalanga, silingane nalesinye setabelo tetive tenu. Lithempeli liyawubasenkhabeni yalesabelo.

Matewu 16:18

Nami-ke ngitsi: UnguPhetro . Etikwalelidvwala ngiyakulakha libandla lami, nemandla ekufa angeke alehlule.

Dutheronomi 12:5

Kodvwa nine niyawufunisisa indzawo leyawukhetfwa nguSimakadze Nkulunkulu wenu leyawubasemkhatsini wato tonkhe tive tenu, lapho ayawubeka khona Libito lakhe, ahlale khona. Ngukuleyo ndzawo-ke lapho niyakuya khona,

Dutheronomi 16:16

“Onkhe emadvodza esive sakini kufanele ete katsatfu ngemnyaka atetibonakalisa kuSimakadze Nkulunkulu wenu kuleyo ndzawo Simakadze latayikhetsa: eMkhosini Wesinkhwa Lesingenambiliso, naseMkhosini Wemaviki, naseMkhosini Wemadlangala. Kufanele kubete indvodza leyawuta itetibonakalisa kuSimakadze ingakaphatsi lutfo.

Sembulo 3:12

“ ‘Loncobako ngiyawumenta insika ethempelini laNkulunkulu wami, angeke aphume kulo, ngiyawubhala kuye libito laNkulunkulu wami, ngibhale nelibito lemuti waNkulunkulu wami, iJerusalema lensha leyehla iphuma ezulwini kuNkulunkulu wami, nelibito lami lelisha ngilibhale kuye.