Isaya 33:18 - Siswati 1996 Bible

¹⁸ Emicabangweni yakho uyakuzindla ngekwesatjiswa kwakucala: “Iphi lendvuna lenkhulu? Uphi lona abetsatsa imitselo? Iphi yona lendvuna lebeyibala imibhoshongo?”

Isaya 33:18 Referencias Cruzadas

Genesisi 23:16

Bo-Abrahama na-Efroni bavumelana. Abrahama wase ukalela Efroni isiliva labesavele akhulume ngayo embikwemaHethi. Kwaba ngemashekheli esiliva langema-400, lekwakusilinganiso lesasisemtsetfweni webatsengisi bangaleso sikhatsi.

2 Emakhosi 15:19

Thiglathi Phileseri, inkhosi yase-Asiriya, wahlasela lelive, Menahemu wamnika emakhilogremu labengaba ti-34 000 esiliva, atincengela kutsi amsimise embusweni wakhe.

2 Emakhosi 18:14

Ngako Hezekiya, inkhosi yakaJuda, wase utfumela umlayeto enkhosini yase-Asiriya, eLakhishi, watsi: “Ngonile. Ngicolele, ngitakunika konkhe lokufuna kimi.” Inkhosi yase-Asiriya yamgulula Hezekiya, inkhosi yakaJuda, ngekumkhokhisa emakhilogremu labengaba ti-10 000 etinhlavu tesiliva, kanye nemakhilogremu labengaba yinkhulungwane yetinhlavu tegolide.

2 Emakhosi 18:31

“Inkhosi yase-Asiriya itsi: ‘Ningamlaleli Hezekiya, yentani sivumelwane nami, niphume nite kimi, nguleyo naleyo ndvodza-ke iyawube seyitidlela kahle esivinini sayo, nasemkhiwaneni wayo, inatse nemanti laphuma emtfonjeni wayo,

Tihlabelelo 31:22

Ngetfuka ngadzimate ngakhuluma ngatsi: “Sengisusiwe ngacoshwa ebusweni bakho.” Kodvwa wena wakuva kuncusa kwami, nangicela lusito kuwe.

Tihlabelelo 71:20

Nguwe lowentile kutsi ngibone tinsizi letinyenti naletibuhlungu, wangihlumelelisa futsi; wabuye wangimonyula ekujuleni kwemhlaba, wangikhiphela ngetulu kwawo.

Isaya 17:14

Kutsi kungahlwa, bahlanyele budlova! Kutsi kusa, babe bangasekho! Lesi sabelo salabo labaphanga tsine, likoyi lalabo labasiphangako.

Isaya 54:14

Uyawusinyiswa ekulungeni: Kubuswa ngelunya kuyawuba khashane nawe; kute loyawukwesaba. Luvalo luyawususwa lulahlwe khashane, lungasondzeli kuwe.

1 kubaseKorinthe 1:20

Siphi sihlakaniphi? Siphi sati semtsetfo? Uphi umphikisi walesikhatsi? Nkulunkulu akakwenti bulima yini kuhlakanipha kwalelive?

2 kuThimothi 3:11

nasekutingelweni, nasekuhluphekeni lokwangehlela e-Antiyokhi, nase-Ikhoniyumi, naseListra; ngacinisela kuko konkhe lokutingelwa, futsi iNkhosi yangikhulula kuko konkhe.

1 Samuweli 30:6

Davide wadzabuka kakhulu, ngobe lamadvodza abesakhuluma ngekumgcoba ngematje. Ngulowo nalowo abemunyu emoyeni wakhe ngemadvodzana nangemadvodzakati akhe. Kodvwa Davide watfola emandla kuSimakadze Nkulunkulu wakhe.