Isaya 33:10 - Siswati 1996 Bible

¹⁰ Simakadze utsi: “Nyalo sengitawusukuma, nyalo sengitawuphakanyiswa, nyalo sengitakwenyuselwa etulu.

Isaya 33:10 Referencias Cruzadas

Tihlabelelo 12:5

Simakadze-ke yena utsi: “Njengobe timphuya setichwagiwe, nanjengobe tihlupheki timpintjekile, ngitakuta ngimephule lowo lofuna lusito, bese ngimbeka endzaweni lengenangoti.”

Tihlabelelo 12:6

Emavi aSimakadze ate sici, endlula isiliva lehlantisisiwe, yahlanjululwa ngemlilo kasikhombisa.

Tihlabelelo 46:10

Yena utsi: “Yekelani kulwa! Kufanele nati kutsi mine nginguNkulunkulu. Ngengamela tive kanye nemhlaba wonkhe.”

Tihlabelelo 7:6

Simakadze! Sukuma ngentfukutselo yakho. Vuka ungimele elulakeni lwetitsa tami. Nkulunkulu wami, vuka ungisite. Nguwe wedvwa lonesehlulelo lesimsulwa.

Tihlabelelo 78:65

Simakadze, Nkulunkulu, wavuka, njengalophaphama ebutfongweni, nanjengesichwaga lebesesehlulwe tjwala.

Tihlabelelo 94:16

Ngubani longangisita kulababi? Ngubani longangiphendvula kulabaphambene nami?

Eksodusi 14:18

EmaGibhithe ayawungati kutsi mine nginguSimakadze, nase ngiwancobile ngisho naFaro nemphi yakhe, netincola takhe temphi nebagibeli bemahhashi akhe imbala.”

Isaya 10:16

Ngako-ke, iNkhosi Simakadze lenguSomandla iyawutfumela sifo lesondzisanako kulabo labanemandla base-Asiriya; ngephansi kwalokutikhukhumeta kwabo kuyakokheleka umlilo, yebo, umlilo lofanana nemalangabi lavutsako.

Isaya 10:33

Bukani la, iNkhosi Simakadze lenguSomandla iyawujuba emagala ngemandla lamakhulu. Tihlahla letiphakeme tiyawugawulwa, leto letidze tiyawuwiswa phansi.

Isaya 2:19

Bantfu bayawubalekela emigedzeni yasemadvwaleni, nasemigodzini lesemhlabatsini, babalekele kwesabeka kwaSimakadze nebumengemenge bebukhosi bakhe, nakasukumela kunyakatisa umhlaba.

Isaya 2:21

Bayawubalekela emihumeni lesemadvwaleni kanye naseticongweni tetihhehle, babalekela kwesabeka kwaSimakadze nebumengemenge bebukhosi bakhe, nakasukumela kunyakatisa umhlaba.

Isaya 5:16

Kodvwa Simakadze longuSomandla utawuphakanyiswa ngekwehlulela kwakhe lokumsulwa. Nkulunkulu longcwele utabubonakalisa bungcwele bakhe ngekulunga kwakhe.

Amose 6:1

Maye kini, nine labanetsetekile eSiyoni, nakini nine labativela bavikelekile entsabeni yaseSamariya! Maye nakini, nine madvodza lagcamile esiveni lesikhulu nalesisekucala etiveni tonkhe, nine labeta kini baka-Israyeli!

Zefaniya 3:8

Simakadze utsi: “Ngako-ke ngimeleni, ngalelo langa ngiyawuma ngifakaze. Ngincume kuhlanganisa tive, ngibutsele ndzawonye imibuso, bese ngitfululela lulaka lwami etikwato, yonkhe intfukutselo yami leyesabekako. Umhlaba wonkhe uyawubhujiswa ngemlilo wekukhweleta kwentfukutselo yami.