Isaya 32:13 - Siswati 1996 Bible

¹³ nangenca yelive lesive sami, live lelene emanyeva netinchachabutane, yebo, lilelani tonkhe tindlu tekutijabulisa kanye nalelidolobha lekutijabulisa.

Isaya 32:13 Referencias Cruzadas

Tihlabelelo 107:34

live lelivundzile laba lugagadvu ngenca yebubi betakhamiti talo.

Isaya 22:2

Awu dolobha leligcwele siyaluyalu! Awu dolobha lemsindvo nekujabula! Bantfu bakho labafile abakabulawa yinkemba, futsi abafelanga emphini.

Isaya 23:7

Kungabe leli lidolobha lenu yini, lenake najabula nitigcabha ngalo, lelasungulwa kadzenidzeni, nalelibantfu balo bake bahamba ngetinyawo tabo bayawucaba emaveni lakhashane?

Isaya 23:9

NguSimakadze longuSomandla lokuhlelile kutsi entele phansi ligcabho labo bonkhe bukhatikhati, nekutsi atfobise bonkhe labadvumile emhlabeni.

Isaya 24:11

Etitaladini bakhalela liwayini; konkhe kujabula sekugucuke kwaba lusizi, konkhe kutsakasa sekudzingisiwe emhlabeni.

Isaya 27:10

Lidolobha leliyinqaba lisala lite muntfu, sabelo lesishiyiwe sisale sinjengelihlane, lapho sekuyabe kudla khona ematfole, alale khona ahlabule, aphundle emagala akhona aze abe mhlophe.

Isaya 34:13

Emanyeva ayakwehlula tigodlo talo, emanyeva netinchachabutane kunyatsele tinqaba talo. Kuyawuba yindzawo yekujangaza timphungutja, nelikhaya letahhukulu.

Isaya 5:10

Sivini lesingalinywa tinkhabi letimbili ngemalanga lalishumi siyawuba nesivuno lesilibhasikidi linye nje lemagelebisi, nelisaka lenhlanyelo liyawuba nesivuno lesiyimbita yinye kuphela.”

Isaya 5:6

Ngitawusenta sibe siganga lesingenalutfo, nemvini longatsenwa, nemhlaba waso awuyikulinywa. Kuyawukwena tinchachabutane nemanyeva. Ngitawuyala nemafu kutsi anganisi imvula kuso.”

Isaya 55:13

Esikhundleni setihlahla temanyeva kuyawukhula tihlahla tesipheshula, esikhundleni senchachabutane kukhule mabovana. Loku kuyawuba sikhumbuto sekudvumisa Simakadze, kube sibonakaliso saphakadze, lesingeke sibhujiswe.”

Isaya 6:11

Ngase ngitsi: “Awu! Simakadze, kutawuze kube ngunini?” Wangiphendvula watsi: “Kuyawuze kubhujiswe emadolobha, kubete bantfu labahlala kuwo; tindlu tize tibe tindzala, nemasimi abhujiswe aze onakale,

Isaya 7:23

Ngalelo langa kuto tonkhe tindzawo lapho kwakunenkhulungwane yemivini leyayingabita tinhlavu letiyinkhulungwane tesiliva, sekuyakwena kube netitfwetfwe nemanyeva.

Jeremiya 33:4

Ngobe naku lokushiwo nguSimakadze, Nkulunkulu wema-Israyeli, ngetindlu talelidolobha netigodlo temakhosi akaJuda letihhihlitelwe phansi kuze titewusetjentiswa ekukhuphuleni umtsangala wekutivikela kuletivimbetelo nakuyo inkemba

Jeremiya 39:8

BaseBhabhulona basilumeka ngemlilo sigodlo senkhosi kanye netindlu tebantfu; babhidlita netibondza taseJerusalema.

Jeremiya 52:27

Lapho eRibla, eveni laseHamathi, inkhosi yafike yababulalela khona. Ngako Juda waya ekutfunjweni, khashane nelive lakhe.

Hoseya 10:8

Tindzawo letiphakeme tebubi tiyawubhujiswa, leso sono sa-Israyeli. Emanyeva nemitfuma kuyawukhula kumbonye emalati abo. Bayawube sebakhuluma etintsabeni batsi: “Simbonyeni!” nasemagcumeni batsi: “Dzilikelani etikwetfu!”

Hoseya 2:3

Ngaphandle kwaloko ngitamhlubula abe ngcunu, ngimente abe ngcunu njengamhlazane atalwa; ngitawumenta abe njengelihlane, ngimgucule abe live leligagadzekile, afe ngekoma.

Hoseya 9:6

Ngisho nome bangaphunyula ekubhujisweni, iGibhithe iyawubabutsela ndzawonye, iMemfisi ibangcwabe. Emagugu abo esiliva ayawumbonywa ngumena wetinchachabutane, nemanyeva ayawumbonya emathende abo.