Isaya 30:9 - Siswati 1996 Bible

⁹ Babantfu labahlubukako, bantfwana labanemanga, nalabangafuni kulalela imiyalo yaSimakadze.

Isaya 30:9 Referencias Cruzadas

2 Tikhronike 33:10

Simakadze wakhuluma kuManase nakubantfu bakhe, kodvwa abazange bamnake.

Tihlabelelo 78:8

bangenti njengobe kwenta bokhokho lekwakusitukulwane lesinenkhani nalesihlubukako, situkulwane lesite inhlitiyo lenebucotfo, nalesasinemoya longaketsembeki kuSomandla.

Tihlabelelo 81:12

Ngako-ke ngabayekelela enkhanini yetinhlitiyo tabo, kuze batihambele ngekutsandza kwabo.

Taga 28:9

Nangabe umuntfu angafuni kugcina umtsetfo, ngisho nemithandazo yakhe iyenyanyeka kuNkulunkulu.

Isaya 1:10

Lalelani livi laSimakadze, nine babusi baseSodoma; lalelani imfundziso yaNkulunkulu wetfu, nine bantfu baseGomora!

Isaya 1:2

Lalelani, nine mazulu! Lalela nawe, mhlaba! Ngobe Simakadze sewukhulume, watsi: “Bantfwabami ngibondlile ngabakhulisa, kodvwa sebangihlamukile.

Isaya 1:4

Awu, sive lesonako, bantfu labasindvwa kona, nine ntalelwane yalabenta lokubi, bantfwana labasimilo sabo sonakele. Simakadze sebamshiyile; bamhlubukile Longcwele waka-Israyeli, bagucuka bamfulatsela.

Isaya 10:5

“Maye kulo lase-Asiriya, indvuku yelulaka lwami, lelisandla salo sifumbetse sagila selulaka lwami.

Isaya 10:6

Ngilitfumela esiveni lesingenaNkulunkulu, ngilikhiphele kubantfu labangitfukutselisako, kutsi lihlutfule imphango, litsatse lokuphangiwe, nekutsi libagcobagcobe phansi njengeludzaka lwendlela.

Isaya 24:5

Umhlaba ungcoliswe bantfu bawo. Umtsetfo waNkulunkulu abawulalelanga, bephule imiyalo, bephula sivumelwane saphakadze.

Isaya 28:15

Niyatigabatisa nitsi: “Sesente sivumelwane nekufa, sente sivumelwane nelithuna. Ngesikhatsi sivunguvungu lesishisako siphephula sendlula kitsi, singeke sisitsintse tsine, ngobe sente emanga aba siphephelo setfu, sente emacebo aba yindzawo yetfu yekubhaca.”

Isaya 30:1

Simakadze utsi: “Maye kulabo bantfwana labanenkhani, nakulabo labakha emasu langesiwo ami, nakulabo labenta sivumelwane kungesiko ngaMoya wami, bengete sono esonweni,

Isaya 48:4

Ngobe nganginati kutsi ninenkhani kangakanani. Imisipha yetintsamo tenu kutinsimbi, nemabunti enu kungewelitfusi.

Isaya 5:24

Ngako-ke, njengobe lulwimi lwemlilo lukhotsa tibi, nanjengobe tjani lobomile bushona phansi, nabushiswa ngemalangabi, kanjalo timphandze tabo tiyawubola, netimbali tabo tiphephuke njengelutfuli; ngobe bawalile umtsetfo waSimakadze longuSomandla, bedzelela livi laLongcwele waka-Israyeli.

Isaya 63:8

Watsi: “Ngempela, basive sami, emadvodzana langeke angiyenge;” ngaloko-ke waba nguMsindzisi wabo.

Isaya 65:2

Lonkhe lilanga ngelule tandla tami kubantfu labanenhloko lelukhuni, labahamba etindleleni letimbi, bacoshana nemicabango yabo,

Jeremiya 35:14

Jonadabi, umsa waRekhabi, wayala emadvodzana akhe kutsi angalinatsi liwayini, lowo myalo awugcinile. Kuze kube ngulamuhla akalinatsi liwayini, ngobe ahlonipha umyalo wakhokho wawo. Kodvwa mine sengikhulume kini emaphindzephindze, kodvwa nine anikangilaleli.

Jeremiya 7:13

Ngesikhatsi nenta tonkhe letintfo, bengikhuluma kini njalonjalo ngaletintfo, kodvwa anikangilaleli; nginibitile, kodvwa anikasabeli, kusho Simakadze.

Jeremiya 7:28

Ngako-ke tsani kubo: ‘Lesi sive lesingamlalelanga Simakadze Nkulunkulu waso, futsi asiphendvukanga nasicondziswa. Liciniso seliphelile; linyamalele emilonyeni yabo.

Jeremiya 9:3

“Balola tilwimi tabo njengebutjoki, bentele kudubula emanga. Abaphumeleli ngalo liciniso eveni. Besuka esonweni baye esonweni, abanginaki nekunginaka,” kusho Simakadze.

Hezekeli 24:3

Tjela lendlu lehlubukako nankhu umzekeliso, utsi: ‘Naku lokushiwo yiNkhosi Simakadze, itsi: “ ‘Beka etiko lelibhodo lekupheka; libeke etiko, bese utsela emanti ekhatsi kulo.

Hoseya 4:2

Lokukhona ticalekiso kuphela, nekucala emanga, nekugwazana, nekweba kanye nebuphingi; bephula tonkhe tikhonkhwane teminyele letibekiwe; kucitsa ingati kulandzela kucitfwa kwengati.

Zefaniya 3:2

Alihloniphi muntfu, alivumi kucondziswa. Aletsembeli kuSimakadze. alisondzeli kuNkulunkulu walo.

Imisebenti yebaPhostoli 7:51

“Maye, ninenkhani! Maye, anikholwa etinhlitiyweni tenu! Maye, nitihhulu ekuveni livi laNkulunkulu! Nifute bokhokho benu, nani niphikisana naMoya Longcwele.

Dutheronomi 32:20

Watsi: ‘Ngiyawubufihla buso bami kubo, ngibone kutsi siphetfo sabo kutawuba yini. Ngobe basitukulwane lesigwegwile, bantfwana labangaketsembeki.

Sembulo 21:8

Kodvwa sabelo semagwala, nalabangakholwa, nalabanengekako, nebabulali, netingwadla, netiphingi, nebatsakatsi, nalabakhonta tithico, nalabacala emanga, kuyawuba lichibi lelivutsa umlilo nesibabule; loku kufa kwesibili.”

Sembulo 22:15

Kepha ngephandle kunetinja, nebatsakatsi, netingwadla, netiphingi, nebabulali, nalabakhonta tithico, nabo bonkhe labatsandza kucala emanga ngekukhuluma nangetento.