Isaya 30:27 - Siswati 1996 Bible

²⁷ Bukani, Libito laSimakadze lichamuka khashane, lita nelulaka loluvutsako nangelifu lelimnyama lentfutfu, tindzebe temlomo wakhe tigcwele lulaka, nelulwimi lwakhe lungumlilo lodlako.

Isaya 30:27 Referencias Cruzadas

Tihlabelelo 79:5

Kuyawuze kube ngunini, Simakadze, lulaka lwakho luvutsa njengemlilo? Lulaka lwakho luyawuvutsa njengemlilo kuze kube ngunini?

Isaya 10:5

“Maye kulo lase-Asiriya, indvuku yelulaka lwami, lelisandla salo sifumbetse sagila selulaka lwami.

Isaya 13:5

Baphuma emaveni lakhashane, lasekugcineni kwemazulu, nguye Simakadze netikhali telulaka lwakhe, utewubhubhisa wonkhe umhlaba.

Isaya 33:12

Tive tiyakushiswa kube shangatsi ngumcakaco; njengetihlahla temanyeva letigawuliwe, tiyawulunyekwa ngemlilo.”

Isaya 33:14

Toni taseSiyoni tiyatfutfumela, kutfutfumela kubabambile labangamesabi Nkulunkulu: “Ngubani emkhatsini wetfu longahlala nemlilo locotfulako? Ngubani emkhatsini wetfu longahlala nekuvutsa kwaphakadze?”

Isaya 34:9

Imifudlana yaka-Edomu iyawuba litiyela, lutfuli lwakhona lube sibabule lesivutsako, live labo libe litiyela lelivutsako.

Isaya 43:2

Nawudzabula ekhatsi emantini, mine ngitawuba nawe; nanawudzabula ekhatsi emifuleni, ingeke ikukhukhule. Nawuhamba udzabula ekhatsi emlilweni, ngeke ushe, emalangabi ngeke akulumekele.

Isaya 59:19

Kusukela enshonalanga kuye lapho kuphuma ngakhona lilanga, bantfu bayawulesaba Libito laSimakadze, bahloniphe bukhosi bakhe. Ngobe uyawufika njengesikhukhula semfula lokhukhulwa kuphefumula kwaSimakadze.

Isaya 66:14

Niyawutsi nanikubona loku, inhlitiyo yenu ijabule, niyawuhluma njengetjani; sandla saSimakadze siyawukwatiwa etincekwini takhe, atitfukutselele titsa takhe.

Isaya 66:15

Bukani la, Simakadze uta ngemlilo, netincola takhe temphi tifanana nesiwunguwungwana; uyawukwehlisa intfukutselo yakhe ngalokwesabekako, nekutsetsa kwakhe kute ngemalangabi emlilo.

Isaya 9:5

Tonkhe ticatfulo temasotja labetisebentisa emphini, nato tonkhe tembatfo tawo letibhucabhucwe engatini titawushiswa, tibe kudla kwemlilo.

Jeremiya 4:4

Tisokeni nine kuSimakadze, sokani tinhlitiyo tenu, nitinikele kuye ngalokuphelele, nine madvodza akaJuda nesive saseJerusalema. Ngaphandle kwaloko lulaka lwami lutawucitseka luvutse njengemlilo ngenca yebubi lenibentile, luvutse, kubete nalongalucisha.”

Hezekeli 22:31

Ngako-ke ngiyawutfululela lulaka lwami etikwabo, ngibagwinye ngentfukutselo yami levutsako, ngikwehlisele etinhloko tabo konkhe loko labakwentile, kusho iNkhosi Simakadze.”

Danyela 7:10

Kwakugeleta umfula wemlilo, siyalu sawo sicubuka embikwakhe. Tinkhulungwane tetinkhulungwane tatimsingatsile. Tinkhulungwane letilishumi tiphindvwe katinkhulungwane letilishumi tatime embikwakhe. Behluleli bahlala phansi. Tincwadzi tavulwa.

Danyela 7:9

“Ngatsi ngisabukile, tihlalo tebukhosi tabekwa ngabolonina, Lophila Phakadze Naphakadze wahlala kusakhe. Tembatfo takhe tatimhlophe njengangcocwane; tinwele tenhloko yakhe tatimhlophe njengeboya betimvu. Sihlalo sakhe sebukhosi sasivutsa emalangabi, nemasondvo aso onkhe abelavuka emalangabi.

Zefaniya 3:8

Simakadze utsi: “Ngako-ke ngimeleni, ngalelo langa ngiyawuma ngifakaze. Ngincume kuhlanganisa tive, ngibutsele ndzawonye imibuso, bese ngitfululela lulaka lwami etikwato, yonkhe intfukutselo yami leyesabekako. Umhlaba wonkhe uyawubhujiswa ngemlilo wekukhweleta kwentfukutselo yami.

Malakhi 1:11

“Libito lami liyawuba likhulu etiveni kusukela ekuphumeni kwelilanga kuze kube ngusekushoneni kwalo. Kuyo yonkhe indzawo imphepho neminikelo lehlantekile iyawuletfwa kulo Libito lami, ngobe Libito lami liyawuba likhulu etiveni,” kusho Simakadze longuSomandla.

Dutheronomi 32:22

Ngobe umlilo uphembeke ngentfukutselo yami, umlilo lovutsa ufike phansi ekujuleni endzaweni yalabafile. Uyawudla umhlaba kanye netivuno tawo, ulumeke umlilo etisekelweni tetintsaba.

Dutheronomi 33:2

Wakhuluma watsi: “Simakadze wachamuka eSinayi, kwasa kitsi nakavela eSeyiri, wakhanya aseNtsabeni iPharani. Wefika achamuka etinkhulungwaneni talabangcwele, weta kuvutsa umlilo ngasesandleni sakhe sangesekudla.

Dutheronomi 4:24

Ngobe Simakadze Nkulunkulu wenu ungumlilo locotfulako, unguNkulunkulu lonesikhwele.

2 kubaseThesalonika 2:8

bese-ke lowo longenamtsetfo uyembulwa; Jesu iNkhosi uyawumbhubhisa ngemoya wemlomo wakhe, amcedze ngekubonakala kwenkhatimulo yekufika kwakhe.

KumaHebheru 12:29

ngobe loNkulunkulu wetfu ungumlilo locotfulako.