Isaya 30:23 - Siswati 1996 Bible

²³ Utawubuye anitfumelele imvula ngenca yenhlanyelo yenu leseniyihlanyele phansi emhlabatsini, kudla lokuphuma emhlabatsini kutawunona, futsi kube kunyenti. Ngalelo langa tinkhomo tenu tiyawukudla emadlelweni labanti nalaluhlata.

Isaya 30:23 Referencias Cruzadas

Genesisi 41:18

kwase kuchamuka tinkhomati letisikhombisa, tibukeka kahle, tikhuluphele, tikhuphuka emfuleni, tadla emhlangeni.

Genesisi 41:26

Tinkhomati letinhle letisikhombisa timele iminyaka lesikhombisa, kanjalo futsi naletibhuluja letisikhombisa timele iminyaka lesikhombisa; kokubili kuchaza intfo yinye.

Genesisi 41:47

Kwatsi ngeminyaka lesikhombisa yenala, live laba nesivuno lesikhulu.

Tihlabelelo 36:8

Badla indvodla yekudla, badzimate besutse endlini yakho, ubanatsise emanti emfuleni wakho wentfokoto,

Tihlabelelo 67:7

Nkulunkulu usibusisile, yonkhe imikhawulo yemhlaba ayesabe yena.

Isaya 10:27

Ngalelo langa umtfwalo wema-Asiriya uyawususwa emahlombe enu, nelijoko lawo lisuswe entsanyeni yenu; lijoko litakwephulwa njengobe senikhuluphele kangaka nje.

Isaya 32:20

maye, nine niyawubusiswa, nihlanyele inhlanyelo yenu eceleni kwayo yonkhe imifula, nikhulule tinkhabi tenu netimbongolo tenu, tidle ngekutsandza.

Isaya 4:2

Ngalelo langa Ligala laSimakadze liyawuba lihle likhatimule, netitselo talelo live tiyawuba ludvumo nebuhle betinsali taka-Israyeli.

Isaya 5:6

Ngitawusenta sibe siganga lesingenalutfo, nemvini longatsenwa, nemhlaba waso awuyikulinywa. Kuyawukwena tinchachabutane nemanyeva. Ngitawuyala nemafu kutsi anganisi imvula kuso.”

Isaya 58:11

Simakadze uyawukuhola njalo, uyakwenetisa tidzingo takho, eveni lapho libalele likhipha inhlanti emantini, uyakucinisa ematsambo akho. Uyawuba njengengadze leniseleke kahle, nanjengemtfombo lapho emanti akhona angomi.

Isaya 65:21

Bantfu bayakwakha tindlu, bahlale kuto, bayawuhlanyela tivini, badle titselo tato.

Jeremiya 14:22

Sikhona yini sona sinye setithico tebetive letingenamsebenti lesiletsa imvula? Tona tibhakabhaka ngekwato tiyatehlisa yini tihlambi temvula? Cha, nguwe, lowenta loko, Simakadze Nkulunkulu wetfu. Ngako-ke litsemba letfu likuwe, ngobe nguwe lowenta konkhe loku.

Hoseya 4:16

Ema-Israyeli anenkhani, anjengesitfokati lesinenkhani. Pho, Simakadze angabelusa kanjani njengemazinyane etimvu lasedlelweni?

Levithikusi 25:19

Umhlaba uyawutsela titselo tawo, nidle nesutse, nihlale kulo niphephile.

Levithikusi 26:3

“ ‘Nanihamba ngetimiso tami nilalele, nemiyalo yami niyente,

Levithikusi 26:5

Sivuno siyawuba sikhulu kangangekutsi niyawuchubeka nivune, kuze kushaye sikhatsi sekukha emagelebisi. Nekukha emagelebisi kuyawuchubeka kuze kushaye sikhatsi sekuhlanyela. Yebo, niyawudla konkhe kudla lenikufunako, niphindze nihlale ngekuthula eveni lenu.

Zakhariya 10:1

Celani imvula kuSimakadze nakungusentfwasahlobo; nguSimakadze lowenta emafu lanemvula, nguye lowehlisela tihlambi temvula kubantfwana bebantfu, aphe netitselo tesiganga kubo bonkhe bantfu.

Malakhi 3:10

Letsani konkhe kwelishumi endlini yengcebo, kuze kutewuba nekudla endlini yami.” Simakadze utsi: “Ase ningilinge ngaloko, nitewubona kutsi ngingeke yini nginivulele emafasitelo asezulwini ekutfulula, nginitfululele tibusiso letinyenti, nize nehluleke kutfola indzawo leyenele yekutigcina.

Malakhi 4:2

Kodvwa kini lenilesabako Libito lami, lilanga lekulunga liyawuphuma linekuphilisa etimphikweni talo. Niyawuphuma nitjakadvule njengemankhonyane lakhululwe etisingeni tawo.

Matewu 6:33

Kodvwa funani kucala umbuso waNkulunkulu kanye nekulunga kwakhe, khona tonkhe letintfo titakwengetelwa kini.

Dutheronomi 11:14

uyawunipha imvula eveni lenu ngesikhatsi sayo, imvula yekucala neyekugcina, kuze nibutse kahle kudla kwenu, neliwayini lenu, kanye nemafutsa enu.

1 kuThimothi 4:8

Ngobe kwetayeta umtimba ngekwelula imisipha kunenzuzo kwesikhashana nje, kodvwa kumesaba Nkulunkulu kunenzuzo etintfweni letinyenti, ngobe kucuketse setsembiso semphilo yamanje kanye nesemphilo letako.