Isaya 30:19 - Siswati 1996 Bible

¹⁹ Awu, bantfu baseSiyoni, nine lenihlala eJerusalema, anisayikubuye nilile. Maye, uyawuba nemusa kini, nanikhala kuye nicela lusito! Uyakwenelela kuva nje, bese uyaniphendvula.

Isaya 30:19 Referencias Cruzadas

Tihlabelelo 50:15

Khala kimi ngetikhatsi tekuhlupheka, ngiyawukukhulula, bese uyangidvumisa.”

Isaya 10:24

Ngako-ke naku lokushiwo yiNkhosi, Simakadze lenguSomandla, itsi: “Awu, sive sami lesihlala eSiyoni, ningawesabi ema-Asiriya wona lanishaya ngendvuku aniphakamisele sagila, njengobe kwakwenta baseGibhithe.

Isaya 25:8

amite kufa phakadze naphakadze. Somandla longuSimakadze uyawukwesula tinyembeti kubo bonkhe buso; uyawususa lihlazo lesive sakhe emhlabeni wonkhe. Simakadze sewukhulumile.

Isaya 33:2

Awu Simakadze, bani nemusa kitsi; tsine silangatelela wena. Bani ngemandla etfu njalo nje ekuseni, nensindziso yetfu ngesikhatsi selusizi.

Isaya 35:10

labahlengiwe baSimakadze bayawubuya. Bayawungena eSiyoni ngekuhlabela, nangekujabula kwaphakadze lokuyawuba ngumchele etinhloko tabo. Bayawuhamba ngekutfokota nangekujabula, lusizi nekububula kuyawubaleka.

Isaya 41:17

“Labamphofu nalabeswele batfungatsa emanti, kodvwa kute; tilwimi tabo tomile ngenca yekweswela emanti. Kodvwa mine Simakadze ngitabevela, mine, Nkulunkulu waka-Israyeli, ngingeke ngibashiye.

Isaya 46:13

Ngisondzeta kulunga kwami edvutane, akusekho khashane, nekusindzisa kwami kungeke kwephute. Ngitawupha iSiyoni insindziso, nenkhatimulo yami kuma-Israyeli.”

Isaya 58:9

Uyawumemeta, Simakadze akuphendvule, uyawukhala ucele lusito, atsi yena: ‘Ngilapha.’ “Nawususa lijoko lekucindzetela, nemino lekhombako, nekukhuluma ngenzondo,

Isaya 60:20

Lilanga lakho alisayiwuphindza lishone, nenyanga yakho ayisayiwuphindza ifiphale. Simakadze uyawuba kukhanya kwaphakadze kuwe, emalanga akho ekudzabuka ayawuphela.

Isaya 65:18

Kodvwa jabulani nitfokote phakadze naphakadze ngaloko lengiyawukudala, ngobe iJerusalema ngiyawuyidala ibe yintfokoto, nebantfu bayo babe yinjabulo.

Isaya 65:19

Ngiyawutfokota ngeJerusalema, ngijabule ngebantfu bami, umsindvo wekulila newekukhala awuyiwuphindza uvakale kuyo.

Isaya 65:24

Bayawutsi bangakangibiti, ngisabele, bayawutsi basakhuluma, ngive.

Isaya 65:9

Ngiyawuveta titukulwane kuJakobe, nakuJuda labo labayawuba tindlalifa tetintsaba tami; sive sami lesikhetsiwe siyawutidla, tinceku tami tiyawuhlala lapho.

Jeremiya 30:12

“Naku lokushiwo nguSimakadze, utsi: “ ‘Linceba lakho alelapheki, yebo, silondza sakho sesingale kwekuphola.

Jeremiya 31:12

Bayawufika bamemete ngenjabulo eticongweni tentsaba yaseSiyoni; bayawutfokota ngekwephana kwaSimakadze: lokusatinhlavu, neliwayini lelisha, nemafutsa, nemazinyane emihlambi yetimvu netimbuti, nemankhonyane emihlambi yetinkhomo. Bayawufanana nengadze leniselwa kahle, bangeke baphindze babe lusizi.

Jeremiya 31:16

Naku lokushiwo nguSimakadze, utsi: “Bamba livi lakho, ungakhali, ubambe tinyembeti emehlweni akho, ngobe umsebenti wakho uyawunikwa umvuzo. Bayawubuya eveni lesitsa,” kusho Simakadze.

Jeremiya 31:6

Kuyawuba khona lilanga lapho balindzi bayawumemeta emagcumeni aka-Efrayimu, batsi: ‘Wotani, sikhuphukele eSiyoni kuSimakadze longuNkulunkulu wetfu.’ ”

Jeremiya 31:9

Bayawuta bakhala; bayawuthandaza ngisababuyisela emuva. Ngiyawubaholela ngasemifuleni yemanti endleleni lebekile, lapho bangeyiwukhubatela khona, ngobe mine nginguyise wa-Israyeli, Efrayimu uyindvodzana yami yematubulo.

Jeremiya 33:3

‘Ngibite, ngitakuphendvula ngikutjele tintfo letinkhulu naletingaphenyeki, wena longatati.’

Jeremiya 50:28

Lalelani lababalekako nebakhoseli labesuka eBhabhulona, bamemetela baseSiyoni kutsi Simakadze Nkulunkulu wetfu utiphindziselele kanjani, atiphindziselela ngenca yelithempeli lakhe.

Jeremiya 51:10

“ ‘Simakadze usivikele. Wotani siyewukhuluma eSiyoni kutsi Simakadze Nkulunkulu wetfu usenteleni.’

Hezekeli 20:40

Ngobe entsabeni yami lengcwele, intsaba lephakeme yaka-Israyeli, lapho kulelo live yonkhe indlu yaka-Israyeli iyawukhonta mine, lapho-ke ngulapho ngiyawubemukela khona, kusho iNkhosi Simakadze. Lapho-ke ngiyakuyifuna iminikelo yenu netipho tenu telikhetselo, kanye nemihlatjelo yenu lengcwele.

Hezekeli 36:37

“Naku lokushiwo yiNkhosi Simakadze, itsi: Nangaloku ngiyawulalela kukhala kwendlu yaka-Israyeli, ngibentele naku: Ngiyawukwenta sive sabo sandze sibe ngangetimvu,

Mikha 4:9

Nikhalelani kakhulu kangaka? Yini nikhale nijilajile njengemfati aphetfwe ngumhelo? Kungobe anisenayo yini inkhosi, nebaholi benu sebafile yini?

Lukha 6:21

Nibusisiwe nine lenilambile manje, ngobe niyakwesutsiswa. Nibusisiwe nine lenikhalako manje, ngobe niyawujatjuliswa.

KubaseRoma 11:26

Onkhe ema-Israyeli ayawusindziswa kanjalo-ke, njengobe kubhaliwe kutsi: “UMkhululi uyawuvela eSiyoni loyawususa konkhe konakala kuJakobe.

Kubase-Efesu 3:20

Kuye lonemandla ekwenta lokukhulu kakhulu kunako konkhe lesikucelako nome lesikucabangako, ngekwemandla lasebenta kitsi,

Sembulo 5:4

Ngakhala kakhulu, ngobe kwabate ngisho namunye lowafaneleka kuyivula lencwadzi ayifundze.

Sembulo 7:17

Ngobe liWundlu laNkulunkulu lelisenkhabeni yesihlalo sebukhosi, liyawubelusa, libaholele emitfonjeni yemanti ekuphila. Nkulunkulu uyakwesula tonkhe tinyembeti tabo emehlweni abo.”