Isaya 30:14 - Siswati 1996 Bible

¹⁴ Lutawucetuka tincetu njengeludziwo loluphihlitwe ngelunya, kangangekutsi emkhatsini wetincetu talo ungeke sewutfole ngisho neludzengelo lwekubutsa emalahle etiko, nome nje lwekukhelela emanti emgodzini.”

Isaya 30:14 Referencias Cruzadas

Jobe 27:22

Lomoya utijikijela etikwakhe ungasenamusa kuye, agijime ashiye inyosi abalekela emandla awo.

Tihlabelelo 2:9

ubaphahlate ngentfonga yensimbi, ubaphihlite njengeludziwo lwembumbi.”

Tihlabelelo 31:12

Angisakhunjulwa ngumuntfu, ngifana nalofile; senginjengembita lefile yalahlwa etaleni.

Taga 6:15

Ngenca yaloku siyakwehlelwa yingoti masinyane sipitjitwe ngaphandle kwesecwayiso, singaphindzi sisindze.

Isaya 27:11

Kuyawutsi emagala akhona nasomile, ephulwe, kufike bafati bawatfote, bayekuwabasa. Ngobe lesi sive lesingeva emadlebeni, ngako, uMenti waso akasenamunyu ngaso, uMdali waso akasenasihawu ngaso.

Isaya 30:26

Inyanga iyawukhanya njengelilanga, nekukhanya kwelilanga kuyawuphindvwa kasikhombisa, ngangekukhanya kwemalanga lagcwele lasikhombisa, ngesikhatsi Simakadze nakabopha emanceba esive sakhe, elapha tilondza letavetwa nguye.

Isaya 47:14

Empeleni banjengemabibi etinhlanga layakusha onkhe ngemlilo, bangeke batisindzise kwabona kulamandla elilangabi. Lapha kute emalahle ekufutfumeta umuntfu, kute nemlilo longawotsa.

Isaya 65:7

yebo, tono tabo netono taboyise,” kusho Simakadze. “Njengobe bashisa imihlatjelo etintsabeni, bangihlambalata emagcumeni, ngiyawukala umvuzo wabo ngiwehlisele ematsangeni abo ngalokuphelele, ngenca yetono tabo takadzeni.”

Jeremiya 13:14

Ngitabashayanisa lomunye kulomunye, boyise nemadvodzana ngalokufananako, kusho Simakadze. Ngingeke ngisivumele sihe nome sihawu nome luvelo kutsi kungivimbele ngingababhubhisi.’ ”

Jeremiya 48:38

Kulo lonkhe luphahla lwakaMowabi nasetinkhundleni tesive kute lokunye ngaphandle kwesililo, ngobe sengiyephulile iMowabi njengeludziwo lolungafunwa ngumuntfu,” kusho Simakadze.

Sililo 4:2

Maye, emadvodzana labalulekile aseSiyoni, noko nawo ake alingana negolide lecengekile, njengaloku nyalo asatsatfwa njengetindziwo telibumba nje, umsebenti wetandla tencondzi yetekubumba ngelibumba!

Hezekeli 24:14

“ ‘Mine Simakadze sengikhulumile. Sikhatsi sami sesifikile sekutsi ngikwente. Ngingeke ngisatibamba; ngingeke ngisaba nesihawu, futsi nenhlitiyo yami ingeke isabohla. Uyakwehlulelwa ngangekutiphatsa kwakho nangekwetento takho, kusho iNkhosi Simakadze.’ ”

Hezekeli 5:11

Ngako-ke ngifunga kuphila kwami, kusho iNkhosi Simakadze, njengobe ungcolise indzawo yami lengcwele ngato tonkhe letitfombe takho letingemanyala nangetento takho letinengekako, ngitakususa lokukubonelela kwami kuwe; ngingeke ngisakubuka ngesihawu nome ngikuphephise.

Hezekeli 7:4

Angiyikukubuka ngesihawu, nome ngikushiye, ngempela ngiyakukubuyisela njengekutiphatsa kwakho nangaletinengiso letisemkhatsini wenu. Ngulapho-ke niyawukwati khona kutsi mine nginguSimakadze.

Hezekeli 7:9

Ngingeke ngikubuke ngesihawu nome ngikushiye, ngitakukhokhela njengekutiphatsa kwakho nangaletinengiso letisemkhatsini wenu. Khona-ke utawube sewuyati kutsi mine Simakadze ngimi lona logalela ngalendvuku.

Hezekeli 8:18

Ngako-ke ngitawubesukela ngente kubo njengekwentfukutselo yami; ngingeke ngibabuke ngemehlo esihawu, futsi ngeke ngibayekele. Nome bangamemeta badzatimule etindlebeni tami, ngingeke ngibeve.”

Hezekeli 9:10

Ngako ngingeke ngibabuke ngemehlo esihawu, futsi ngeke ngibayekele, kodvwa ngiyakwehlisela etinhloko tabo loko labakwentile.”

Lukha 4:2

lapho alingwa nguSathane emalanga langema-40. Abengadli lutfo kulawo malanga, kodvwa indlala wayiva ekupheleni kwawo.

KubaseRoma 11:21

Ngobe nangabe Nkulunkulu angazange awaphephise emagala emvelo, kuyakhanya kutsi nawe angeke akuphephise.

KubaseRoma 8:32

Yena longazange ayigodle iNdvodzana yakhe, kodvwa wayinikela ngenca yetfu sonkhe, pho, akayusinika yini tonkhe tintfo mahhala kanye nayo?

Dutheronomi 29:20

Simakadze akayiwuze avume kumcolela, intfukutselo yaSimakadze nelulaka lwakhe luyakumvutsela lowo muntfu. Tonkhe ticalekiso letibhalwe kulencwadzi tiyawukwehlela etikwakhe. Simakadze uyawulesula libito lakhe emhlabeni.

Sembulo 2:27

“atibuse ngendvuku yensimbi, atiphihlite tidzimate tibe ticucu njengetincetu tembita leyakhiwe ngelibumba,”