Isaya 3:25 - Siswati 1996 Bible

²⁵ Emadvodza akho ayawubulawa ngenkemba, tihlabani takho tifele emphini.

Isaya 3:25 Referencias Cruzadas

2 Tikhronike 28:6

Ngalanga linye nje Phekha, umsa waRemaliya, wabulala emasotja lati-120 000 akaJuda, ngobe phela Juda abesashiye Simakadze, Nkulunkulu waboyisemkhulu.

2 Tikhronike 29:9

Nguko nje bobabe betfu, sebabulawe ngenkemba, nekutsi nemadvodzana etfu, nemadvodzakati etfu, nebafati betfu sebatfunjiwe.

Isaya 1:20

kodvwa nanicinisa tinhloko nihlubuka, nitawudliwa yinkemba.” Umlomo waSimakadze sewukukhulumile loko.

Isaya 65:12

ngiyawunimisela inkemba, nonkhe niyawukhotsamela kuhlatjwa, ngobe nganibita, kodvwa anizange nisabele, ngakhuluma, kodvwa anizange nilalele. Nenta lokubi emehlweni ami, nakhetsa loko lokungangijabulisi.”

Jeremiya 11:22

ngako-ke naku lokushiwo nguSimakadze longuSomandla, utsi: “Ngitabajezisa. Emajaha abo atawubulawa ngenkemba, emadvodzana nemadvodzakati abo abulawe yindlala.

Jeremiya 14:18

Nangingena eveni, ngibona labo lababulewe ngenkemba; nangingena edolobheni, ngibona umonakalo lobangwe yindlala. Umphrofethi nemphristi bahambe kanyekanye, baya eveni labangalati.’ ”

Jeremiya 15:8

Ngiyakwenta bafelokati babo babe banyenti kwendlula sihlabatsi saselwandle. Emini ngiyawuletsa umbhubhisi loyawucondzana nabonina bemajaha, ngekushesha ngibehlisele buhlungu nekutfutfumela.

Jeremiya 18:21

Ngako-ke nikela bantfwababo endlaleni, banikele emandleni enkemba. Yenta bafati babo bemukwe bantfwababo babe bafelokati, emadvodza abo akabulawe ngesifo lesibulalanako, emajaha abo ajutjwe ngenkemba emphini.

Jeremiya 19:7

“ ‘Emacebo akaJuda ngiyakuwahhihlitela kulendzawo kanye newaseJerusalema. Ngiyawubenta bawe ngenkemba embikwetitsa tabo, ngetandla talabo labatfungatsana netimphilo tabo, ngiyawunika tidvumbu tabo tibe kudla kwetinyoni tasemoyeni kanye nekwetilwane tesiganga.

Jeremiya 21:9

Ngulowo nalowo loyawusala kulelidolobha uyakufa ngenkemba, nangendlala, nangesifo lesibulalanako. Kodvwa ngulowo nalowo lophuma atinikele kulamaBhabhulona lanivimbetele, uyawuphila; uyawusindzisa kuphila kwakhe.

Sililo 2:21

“Labasha nalabadzala kulale lunja kanyekanye elutfulini lwetitaladi; emajaha ami netintfombi tami kuwe ngelusiko lwenkemba. Ubabhubhisile ngelilanga lentfukutselo yakho; ubabulale ngenkemba ungenasihawu nabo.

Amose 9:10

Tonkhe toni letisemkhatsini wesive sami, tiyakufa ngenkemba; labo labakhuluma batsi: ‘Inhlekelele ingeke isehlele nome isikhandze.’ ”