Isaya 3:24 - Siswati 1996 Bible

²⁴ Esikhundleni sekunuka kwemakha, kutawunuka luboti; esikhundleni semijijimba kube tintsambo, esikhundleni setinwele letentiwe kahle kutawuba nemphandla; esikhundleni setembatfo letinhle kutawuba ngemasaka; esikhundleni sebuhle kutawuba nesishadza.

Isaya 3:24 Referencias Cruzadas

Esta 2:12

Ngaphambili kwekutsi intfombatana ingene enkhosini Ahashiveroshi kwakufanele itsatse umnyaka isaticola ngemafutsa lakhetsiwe lagcotjiswa ngemantfombatana; tinyanga letisitfupha bekuba tekuticola nekutilolonga ngemafutsa elikhetselo, bese kutsi letisitfupha letilandzelako tibe tekutigcobisa nekutitsela ngemakha nangetimonyo.

Jobe 16:15

“Ngiyatililela, ngembetse tingubo temasaka. Ngihleti lapha elutfulini, ngiyabhuquta njengalosehlulekile.

Taga 31:24

Utfunga tingubo ngendvwangu lecolisakele, bese utsengisela bahwebi.

Taga 7:17

Ngiwufake emakha emure, nenhlaba, nesinamoni.

Isaya 15:2

IDiboni seyenyukele ethempelini, endzaweni lephakeme yekukhontela, kuyawukhala. Sive sakaMowabi sikhalela iNebo neMedeba. Tonkhe tinhloko tihhuliwe, tonkhe tilevu tihhuliwe.

Isaya 15:3

Etitaladini bembetse emasaka, bakhala etikwetindlu, bakhale nasetinkhundleni, etihlatsini tabo kugeleta tinyembeti.

Isaya 22:12

INkhosi Simakadze lenguSomandla yanibita ngalelo langa kutsi nitewukhala nilile, kutsi nitewuhhula tinwele tenu, nembatse emasaka.

Isaya 3:23

netibuko, netingubo telineni lecolisakele, nemishuculo kanye nematjalo.

Isaya 4:4

Simakadze uyawukugeza kungcola kwalabasikati baseSiyoni; uyawuhlanta emacabhacabha engati aseJerusalema ngemoya wekwehlulela nangemoya wemlilo.

Isaya 57:9

Waya kuMoloki nemafutsa emncumo, wandzisa emakha akho. Watfumela emancusa akho khashane, wehlela edlizeni cobo lwalo!

Jeremiya 4:8

Ngako yembatsani emasaka, khalani, nilile, ngobe intfukutselo leyesabekako yaSimakadze ayikesuki kitsi.

Jeremiya 48:37

Tonkhe tinhloko tawo titimphandla, nato tonkhe tilevu tihhuliwe, tonkhe tandla tijutjiwe, nato tonkhe tinkhalo tembeswe emasaka.

Jeremiya 49:3

“Khala, wena Heshboni, ngobe i-Ayi ibhujisiwe! Khalani nimemete, nine lenihlala eRabha! Yembatsani emasaka nilile, gijimani lapha nalapha ekhatsi emitsangaleni, ngobe Moloki utawuyiswa ekudzingisweni, yena kanye nebaphristi bakhe netiphatsimandla takhe.

Jeremiya 6:26

Awu, sive sami, yembatsani emasaka, nitiphucaphuce emlotseni; lilani ngekudzabuka lokukhulu, kube shangatsi kwendvodzana lekukuphela kwayo, ngobe umbhubhisi uyakusitselekela ngekushesha lokukhulu.

Sililo 2:10

Babusi beNdvodzakati yaseSiyoni bahlala phansi bathule, batsele lutfuli etinhloko tabo, bembatse emasaka. Emantfombatana aseJerusalema atfobile, abhekisa tinhloko tawo phansi.

Hezekeli 27:31

Bayawuhhula tinhloko tabo ngenca yakho, bembatse emasaka. Bayawukukhalela tinyembeti ngemiphefumulo ledzabukile nangekulila lokumunyu.

Hezekeli 7:18

Bayawukwembatsa emasaka, bagcokiswe lusizi. Buso babo bonkhe buyakwembatsa emahloni, netinhloko tabo bonkhe tiyawuhhulwa.

Joweli 1:8

Lilani njengentfombi leyembetse emasaka, iwavunulele umyeni wayo webusha.

Levithikusi 26:16

ngiyawunijezisa nganaku: Ngiyawunehlisela kutfutfumela lokwesabekako, netifo letingelapheki, nemikhuhlane lephumphutsekisa emehlo, nginente nihusheke. Niyawulima nihlanyelele lite, ngobe titsa tenu tiyawunehlula tidle konkhe loko kudla.

Amose 8:10

Emadzili enu enkholo ngiyakuwagucula abe sililo, nako konkhe kuhlabela kwenu kube kukhala. Ngiyawunenta nonkhe nembatse emasaka, nihhule tinhloko tenu. Leso sikhatsi ngiyawusenta sifanane nesekulilela indvodzana letelwe yodvwa kabo. Lelo langa liyawugcina kabuhlungu kakhulu.”

Mikha 1:16

Takhamiti takaJuda, hhulani tinwele tenu, nililele bantfwabenu lenibatsandzako. Singani tinhloko tenu tibe tincacadvu njengemphandla, ngobe bantfwabenu batawutfunjwa.

Dutheronomi 28:22

Simakadze uyawunishaya ngetifo letibulalanako naletingelapheki, nangemikhuhlane kanye nangekushisa lokucacabukisa sikhumba; uyakunitfumelela somiso semoya loshisako nesikhutsa. Letintfo tiyakunihlasela niphele nya.

Dutheronomi 32:24

Ngiyawubahlasela ngendlala lephundlako, namashaya acotfule wetifo letibulalanako, kanye netijeziso letibulalako. Ngiyawubahlasela ngetidladla tetilwane tesiganga, nangesihlungu setindlondlo letintjuma elutfulini.

1 yaPhetro 3:3

Kuhloba kwenu kungabi kwekubukisa ngemichino, nangekugaba, nangekufaka imihlobohlobo yegolide, nome-ke ngekugcoka.

Sembulo 11:3

Bofakazi bami lababili labembetse emasaka ngiyawubanika emandla ekuphrofetha emalanga layi-1 260.”

Sembulo 16:9

Bantfu bashiswa kakhulu, badzimate bacalekisa libito laNkulunkulu lonemandla etikwaletinhlupho; kodvwa abazange baphendvuke badvumise nebukhosi bakhe.

Sembulo 18:9

“Emakhosi emhlaba labephinga nayo atamase nayo ayawukhala alile kamatima ngayo, nasabona intfutfu yekusha kwayo.