Isaya 29:4 - Siswati 1996 Bible

⁴ Uyawukhuluma sewulele phansi sengikwehlisile; inkhulumo yakho kuyawuba kuvungama nje kwaselutfulini. Liphimbo lakho liyawuvakala njengelesipoko emhlabatsini; livi lakho liyawuvumbuka livela elutfulini.

Isaya 29:4 Referencias Cruzadas

Tihlabelelo 44:25

Sidzicilelwe phansi elutfulini, tisu tetfu tinamatsele emhlabatsini.

Isaya 3:8

IJerusalema iyayendza, Juda uyawa; emavi abo kanye netento tabo kuphambene naSimakadze, bedzelela nebukhosi bakhe.

Isaya 32:19

Nome sangcotfo singalivitsita lihlatsi, nelidolobha silibhidlite liphele nya,

Isaya 51:23

Ngiyakuyifaka etandleni tebahluphi bakho, labakhuluma kuwe batsi: ‘Khotsama phansi, khona sitewuhamba etikwakho.’ Umhlane wakho uwente ufanane nesiyilo, ufanane nemgwaco lekungahanjwa etikwawo.”

Isaya 52:2

Titsintsitse lutfuli lokulo; sukuma, uhlale esihlalweni sebukhosi, wena Jerusalema. Tikhulule etinketaneni letisentsanyeni yakho, wena Ndvodzakati yaseSiyoni letfunjiwe.

Isaya 8:19

Bantfu batanitjela kutsi: “Yanini etangomeni nakulababhulako, labo labahlebako banhhinklile.” Batsi: “Sive akukafaneli yini kutsi sibute kuNkulunkulu waso?” Indlela ifunelwani kulabafile egameni lalabaphilako?

Sililo 1:9

Kungcola kwayo kunamatsele etidvwabeni tayo; ayizange ilinakekele likusasa layo. Kuwa kwayo kwakumangalisa, kwabate labengayidvudvuta. “Awu Simakadze, buka kushaywa kwami, ngobe sitsa siyangehlula.”