Isaya 28:4 - Siswati 1996 Bible

⁴ Leyo mbali lebunako, bukhatikhati bebuhle bakhe lobumiswe enhloko yesigodzi lesivundzile, iyawuba njengelikhiwa lelivutfwe kungakavunwa, lekutsi lowo nje lolibone kucala alikhe ngesandla sakhe, alifake emlonyeni, alimite masinyane.

Isaya 28:4 Referencias Cruzadas

Isaya 28:1

Maye kulowo mchele letitigabatisa ngawo tidzakwa taka-Efrayimu, nakuleyo mbali lebunako, bukhatikhati bebuhle bakhe lobumiswe enhloko yesigodzi lesivundzile; maye kulelo dolobha, ligcabho lalabo lasebalaliswa phansi liwayini!

Isaya 8:4

Kwatsi lomfanyana asengakakwati nakahle kutsi ‘Babe’ nome ‘Make’, umcebo waseDamaseko nemphango yaseSamariya kuyawube sekutfunjwa yinkhosi yase-Asiriya.”

Hoseya 13:1

Abetsi Efrayimu nakakhuluma, kutfutfumele emadvodza; abephakanyisiwe ka-Israyeli. Kodvwa waba nelicala lekukhonta Bhali, wafa.

Hoseya 13:15

Ngisho nome angahluma njengembali emkhatsini wetinhlanga, umoya waSimakadze, wangasemphumalanga, uyakuta, uhhusha uchamuka ngasehlane, umtfombo waka-Efrayimu uyawuphelelwa ngemanti, nesicobho sakhe some. Likamelo lakhe lekulondvolota liyawuphangwa tonkhe tintfo talo letingemagugu.

Hoseya 6:4

“Ngingentani ngawe, Efrayimu? Ngingentani ngawe, Juda? Lutsandvo lwenu lufanana nenkhungu yasekuseni, lunjengematolo asekuseni lanyamalalako.

Hoseya 9:16

Efrayimu uhushekile, imphandze yakhe ibunile, akasatseli titselo. Ngisho nome bangatala bantfwana, ngiyakuyibulala leyo mbewu yabo labayitsandzako.”

Mikha 7:1

Kute litsemba! Mine ngifanana nemuntfu lolambile lotfole tihlahla tite titselo nemagelebisi kute emvinini. Onkhe emagelebisi kanye nemakhiwa lamnandzi bawakhe bawacedza.

Nahume 3:12

Tonkhe tinqaba takho tinjengemikhiwa lenemakhiwa ayo ekucala lasavutsiwe; nangabe inyakatiswa, lamakhiwa adzilikela emlonyeni walowo lowadlako.

Sembulo 6:13

Tinkhanyeti tesibhakabhaka tavutfuteleka emhlabeni njengekuhhohloka kwemakhiwa lasengakavutfwa emkhiweni, nakuhhusha umoya lomkhulu.