Isaya 28:19 - Siswati 1996 Bible

¹⁹ Njalo nje nasifika nome nini, siyakwendlula nani sinitfumbe kusa ngekusa, busuku nemini.” Kuvakala kwalomlayeto kuyawuletsa kwesaba nekutfutfumela kuphela nje.

Isaya 28:19 Referencias Cruzadas

2 Emakhosi 17:6

Kwatsi ngemnyaka wemfica wekubusa kwaHosheya, inkhosi yase-Asiriya yatfumba iSamariya, yase itfumba baka-Israyeli yabayisa e-Asiriya. Yabeka labanye eHala, labanye eGozani ngasemfuleni iHabori, nalabanye emadolobheni emaMede.

2 Emakhosi 18:13

Ngemnyaka weli-14 wekubusa kwenkhosi Hezekiya, kwesuka Senaheribi, inkhosi yase-Asiriya, wahlasela onkhe emadolobha latinqaba akaJuda, wawatfumba.

2 Emakhosi 21:12

Ngako-ke naku lokushiwo nguSimakadze Nkulunkulu wema-Israyeli, utsi: ‘Ngitakwehlisela inhlekelele eJerusalema nakaJuda, kangangekutsi tindlebe talowo loyawuva ngayo tiyawuncencetsa.

2 Emakhosi 24:2

Simakadze wamtfumelela emaBhabhulona, nemaSiriya, nemaMowabi, nema-Amoni kutsi atemhlasela. Wabatfumela kutsi batewubhubhisa Juda, ngekulandzela livi laSimakadze lalikhuluma ngetinceku takhe baphrofethi.

Jobe 18:11

Tesabiso timetfusa ndzawana tonkhe, timhleli etitsendzeni.

Jobe 24:17

Ngobe kubo bonkhe bumnyama lobukhulu ngusekuseni ngeluvivi, batente bangani netesabiso tebumnyama.”

Jobe 41:9

“Usuke utiyenga nawungatsi ungenta nome yini ngaye, kumbuka nje kukucedza emandla.

Jobe 6:4

Imicibisholo yaSomandla ingekhatsi, ingihlabile, umoya wami sewunatse shevu wayo. Tesabiso taNkulunkulu ticondzane nami ngco.

Tihlabelelo 55:4

Inhlitiyo yami iyatfutfumela ngekhatsi kwami, sengiseluvalweni lwekufa.

Tihlabelelo 88:15

Ngihlupheke kakhulu ngabasengotini yekufa, kwasebusheni bami; ngashaywa luvalo, ngasangana.

Isaya 33:7

Buka la, emadvodza akubo lanesibindzi akhala kakhulu ngephandle; emancusa ekuthula akhala kabuhlungu.

Isaya 36:22

Bo-Eliyakimu, umsa waHilkiya, labeyindvuna yesigodlo, naShebna, labengumabhalane, kanye naJowa, umsa wa-Asafa, labengulobhalisako, bahamba bayawubikela Hezekiya sebadzabule tingubo tabo, bafike bamtjela konkhe lokwakushiwo yindvuna lenkhulu yemphi yase-Asiriya.

Isaya 37:3

Bamtjela batsi: “Naku lokushiwo nguHezekiya, utsi: ‘Lelilanga lalamuhla lilanga lenjabhiso, nekutsetsiswa, nelihlazo, njenganakufika tikhatsi tekubelekwa kwebantfwana kube kute emandla ekubabeleka.

Isaya 50:4

INkhosi Simakadze inginike lulwimi lolufundzisiwe, kuze ngati livi lekucinisa labamadvolo abo asaceka. Ungivusa njalo nje, ekuseni avuse indlebe yami itewulalela, njengemuntfu nakafundziswa.

Jeremiya 19:3

utsi: ‘Vanini nali livi laSimakadze, nine makhosi akaJuda, nani bantfu baseJerusalema. Naku lokushiwo nguSimakadze longuSomandla, Nkulunkulu wesive sema-Israyeli, utsi: Lalelani! Ngitakwehlisela inhlekelele kulendzawo letakwenta kutsi tonkhe tindlebe letiyakuva ngayo tilume.

Jeremiya 4:5

“Memetelani kaJuda nibatjele nebaseJerusalema, nitsi: “ ‘Shayani licilongo kulo lonkhe live!’ Memetani kakhulu nitsi: ‘Butsanani ndzawonye! Asibalekeni siye emadolobheni labiyelwe.’

Jeremiya 4:9

Simakadze utsi: “Ngalelo langa, inkhosi netindvuna bayawuphelelwa ngemandla, baphristi bayawukwesaba, nebaphrofethi bayawutfutfumela.”

Jeremiya 6:24

Siyivile imibiko ngabo, saphela emandla, imikhono yetfu iyalenga nje kitsi, sibanjwe kudzabuka nekwesaba lokukhulu, tinhlungu letifanana netemfati lobelekako.

Sililo 2:22

“Wabutsisa tesabiso tami ndzawo tonkhe, kwaba shangatsi umemela bantfu edzilini. Ngelilanga lentfukutselo yaSimakadze kute namunye lowaphunyula nalowasindza. Titsa tami tibashaye tabacotfula labo lengangibongile ngabanakekela.”

Danyela 7:28

“Loku-ke kuphela kwendzaba yonkhe. Mine Danyela, ngakhatsateka kakhulu ngimicabango yami, buso bami baze baphaphatseka, kodvwa lendzaba yaba sifuba sami ngedvwa.”

Danyela 8:27

Mine Danyela ngaphela emandla, ngalala ngigula emalanga lamanyenti. Ngase ngiyavuka ngachubeka nemsebenti wenkhosi. Ngangimangaliswe ngulombono, futsi wawungetulu kwengcondvo yemuntfu.

Habakhuki 3:16

Ngeva, nenhlitiyo yami yabhakuta, netindzebe temlomo wami tavevetela ngalomsindvo, kubola kwakhasabela ematsanjeni ami, imilente yami yachachatela. Noko ngiyakulilindzela ngekubeketela lilanga lesehlakalo leliyawusifikela sive lesisihlasele.

1 Samuweli 3:11

Simakadze wakhuluma kuSamuweli, watsi: “Lalela la, kukhona lengitakwenta lapha ka-Israyeli lokutakwenta kutsi tindlebe talabo labatawuva ngako tincencetse.