Isaya 28:15 - Siswati 1996 Bible

¹⁵ Niyatigabatisa nitsi: “Sesente sivumelwane nekufa, sente sivumelwane nelithuna. Ngesikhatsi sivunguvungu lesishisako siphephula sendlula kitsi, singeke sisitsintse tsine, ngobe sente emanga aba siphephelo setfu, sente emacebo aba yindzawo yetfu yekubhaca.”

Isaya 28:15 Referencias Cruzadas

Genesisi 37:20

Wotani simbulale, sidvumbu sakhe sisilahle kuleminye yalemigodzi. Sitabe sesitsi ubulewe tilwane tesiganga. Sitase sibone kutsi lamaphupho akhe atawugcinwa yini.”

Jobe 5:23

Ngobe uyakuba nesivumelwane nematje asematsafeni, netilwane tesiganga tiyawuhlalisana nawe ngekuthula.

Umshumayeli 8:8

Kute umuntfu lonemandla ekubamba umoya, futsi kute nalonemandla ekujikisa lilanga lekufa kwakhe. Njengobe kute umuntfu lokhululekile nakuliwa imphi, kanjalo futsi nebubi bungeke bubakhulule labo lababentako.

Isaya 28:18

Sivumelwane senu lenisente nekufa siyakwentiwa sibe lite; sivumelwane senu lenisente nelithuna singeke sime. Kuyawutsi sivunguvungu sekushisa nasiphephula sendlula kini, sinishaye sinilahle phansi.

Isaya 28:2

Buka la, Simakadze unaye lonemandla nalocinile. Njengesangcotfo nesivunguvungu lesibhubhisako, nanjengemvula lekhukhulako, nesihhuhhula semanti, uyakulisacata phansi emhlabatsini ngemandla lamakhulu.

Isaya 29:15

Maye kulabo labaya ematfunjini emhlaba, bayewufihla emasu abo, bawafihlele Simakadze, labentela imisebenti yabo ebumnyameni, bacabange batsi: “Ngubani nje losibonako? Ngubani loyawukwati?”

Isaya 3:12

Awu, sive sami, nicindzetelwa bantfwana, bafati babusa etikwenu. Awu, sive sami, labo baholi benu bayanedukisa; banikhipha endleleni, lenifanele nihambe ngayo.

Isaya 30:10

Bakhuluma kubaboniswa batsi: “Sale ningabe nisayibona imibono,” nakubaphrofethi batsi: “Sale ningabe nisasitjela tembulo talokungiko. Sitjeleni tintfo letikitalakitanako, phrofethani emanga.

Isaya 30:12

Ngako-ke naku lokushiwo nguLongcwele waka-Israyeli, utsi: “Ngobe niwalile lomlayeto, netsembela kumcindzeteli, natesekela ngekuyengwa,

Isaya 30:28

Kuphefumula kwakhe kunjengesikhukhula semanti lesigeletako, nasikhuphuka size sifike ngasentsanyeni. Unyakatisa tive esisefeni sakhe sembhubhiso; ubeka emihlatsini yebantfu litomu lekubaholela ekwedukeni.

Isaya 30:9

Babantfu labahlubukako, bantfwana labanemanga, nalabangafuni kulalela imiyalo yaSimakadze.

Isaya 44:20

Utondla ngemlotsa, edukiswe yinhlitiyo lekhohlisiwe; angeke atisindzise nome atsi: “Lentfo lesesandleni sami sangesekudla ayisiwo yini emanga?”

Isaya 59:3

Ngobe tandla tenu tingcoliswe yingati, nemino yenu igcwele emacala. Imilomo yenu ikhulume emanga, netilwimi tenu tihebeta tintfo letimbi.

Isaya 59:4

Kute kini lofuna umtsetfocotfo, kute lowehlulela ngebucotfo beliciniso. Bonkhe betsembele ekuphikisaneni kwelite, bakhuluma emanga, bemitsa inhlupho, batale bubi.

Isaya 9:15

Labadzala nemadvodza langimisumphe ngubona bayinhloko. Baphrofethi labafundzisa emanga bona bangumsila.

Jeremiya 13:25

Loku ngulokusabelo sakho, sabelo lese ngikumisele sona, ngobe sewungikhohliwe, wetsemba bonkulunkulu,” kusho Simakadze.

Jeremiya 14:13

Kodvwa ngatsi: “Awu Nkhosi Simakadze, baphrofethi balibala kubatjela, batsi: ‘Ningeke niyibone inkemba nome nihlushwe yindlala. Impela, ngiyakuninika kuthula lokungeke kuphele kulendzawo.’ ”

Jeremiya 16:19

Awu Simakadze, mandla ami nesiphephelo sami, nqaba yami ngesikhatsi sekuhlupheka, tive tiyakuta kuwe tisuka emikhawulweni yonkhe yemhlaba, titsi: “Bobabe betfu babengenalutfo ngaphandle kwabonkulunkulu labalite, tithico letingenamsebenti letingazange setibentele lutfo loluhle.

Jeremiya 44:17

Nakanjani sitawukwenta konkhe lesitsite sitakwenta: Sitawutfuncisela imphepho kuyo iNkhosikati yeLizulu, sitfululele iminikelo yesinatfo kuyo, njengobe tsine nabobabe, nemakhosi etfu, netiphatsimandla tetfu tatenta emadolobheni akaJuda nasetitaladini taseJerusalema. Ngaleso sikhatsi sasinekudla lokunyenti kakhulu, sime kahle, singahlushwa lutfo.

Jeremiya 5:12

Bacale emanga ngaSimakadze batsi: “Kute latakwenta! Kute lokubi lokutasehlela, singeke siyibone inkemba nome indlala.

Jeremiya 5:31

Baphrofethi baphrofetha emanga, baphristi baphetse ngeligunya labo, nebantfu bami bakutsandza ngaleyo ndlela. Kodvwa nitakwenta njani ekupheleni?”

Hezekeli 13:16

kanye nebaphrofethi baka-Israyeli labaphrofetha kuyo iJerusalema, babona nemibono yekuthula kwayo, kube kona kungekho kuthula, kusho iNkhosi Simakadze.” ’ ”

Hezekeli 13:22

Njengobe nibajabhisile labalungile ngalamanga enu, ngibe mine ngingakabadzabukisi, nangenca yekutsi nikhutsate lababi kutsi bangaphendvuki etindleleni tabo letimbi kuze basindzise timphilo tabo,

Hezekeli 22:28

Baphrofethi balo bahuca letento tabo ngemcakaco ngemibono leyinkhohliso nekubhula lokungemanga. Batsi: ‘Naku lokushiwo yiNkhosi Simakadze,’ kube Simakadze angakaze wakhuluma lutfo.

Hezekeli 8:12

Watsi kimi: “Ndvodzana yemuntfu, ubonile kambe kutsi bentani baholi bendlu yaka-Israyeli lapha entimeni, nguloyo endvumbeni yesithico sakhe? Batsi: ‘Simakadze akasiboni. Simakadze sewulishiyile lelive.’ ”

Danyela 11:22

Sikhukhula semphi lenkhulu siyawukhukhuleka sisuswe embikwakhe; kokubili, imphi kanye nesikhulu sesivumelwane, kuyawubhujiswa.

Danyela 9:27

Lombusi uyawuvumela sivumelwane nalabanyenti ngesikhatsi sinye, kodvwa ekhatsi naleso sikhatsi uyawucedza umhlatjelo nemnikelo. Uyawubeka sinengisoncitsakalo esicongweni selithempeli, kuze sitfululelwe kuye siphetfo lesimisiwe.”

Hoseya 2:18

Ngalelo langa baka-Israyeli ngiyawubentela sivumelwane netilwane tesiganga netinyoni temoya kanye netidalwa letinwabutela phansi emhlabatsini. Butjoki, nenkemba, nemphi ngiyawukususa eveni, kuze kutsi bonkhe batewulala phansi baphephile.

Amose 2:4

Naku lokushiwo nguSimakadze, utsi: “Bantfu bakaJuda bone kwaze kwengca, ngaleso sizatfu ngingeke ngihlale ngingabajezisi. Bawulahlile umtsetfo waSimakadze, bangete batigcina timiso takhe, bedukiswe tithico, lekutithico letatikhontwa boyisemkhulu.

Amose 6:13

nine lenijabulela kwehlulwa kweLo Dabari bese nitsi: “Asiyitsatsanga yini iKhanayimu ngemandla etfu?”

Jona 2:8

Labo labakhonta bonkulunkulu labalite bamshiyile Nkulunkulu sibili lophatsana ngemusa.

Zefaniya 1:12

“Ngaleso sikhatsi ngiyakuyiphenya ngetibane iJerusalema, ngijezise labo labatesutsisako, labafanana neliwayini lelisele emashiceni alo, bacabange batsi: ‘Simakadze angeke ente lutfo, loluhle nome lolubi.’