Isaya 27:7 - Siswati 1996 Bible

⁷ Kungabe kambe, Simakadze umgadlile, njengaloku agadla labo labamgadlako? Ngabe kambe sewubulewe yini njengekubulawa kwalabo lababulala yena?

Isaya 27:7 Referencias Cruzadas

Isaya 10:12

Simakadze nase acedzile yonkhe imisebenti yakhe lemelene nentsaba iSiyoni neJerusalema, uyakutsi: “Ngiyakuyijezisa inkhosi yase-Asiriya ngenca yeligcabho layo langemabomu lelisenhlitiyweni yayo nangenca yekutiphakamisa kwayo lokusemehlweni ayo.

Isaya 10:17

Kukhanya kwa-Israyeli kuyawuba ngumlilo, Longcwele wakhe abe lilangabi. Ngelilanga linye uyawuvutsa, udle emanyeva akhe netitfwetfwe takhe.

Isaya 17:14

Kutsi kungahlwa, bahlanyele budlova! Kutsi kusa, babe bangasekho! Lesi sabelo salabo labaphanga tsine, likoyi lalabo labasiphangako.

Isaya 17:3

Lidolobha leliyinqaba liyawunyamalala kulaka-Efrayimu, kuphele nebukhosi bendlunkhulu yaseDamaseko. Insali yaseSiriya iyawuba njengebukhosi baka-Israyeli,” kusho Simakadze longuSomandla.

Isaya 30:31

Livi laSimakadze liyawuphihlita i-Asiriya, ngendvuku yakhe yebukhosi uyakuyishaya ayilahle phansi.

Isaya 31:8

“Ema-Asiriya ayawubhujiswa ngenkemba, inkemba lengesiyo yendvodza, inkemba lengesiyo yebantfu lababhubhako, itawagwinya. Ayakuyibalekela lenkemba, nemajaha awo ayawusetjentiswa kamatima.

Isaya 31:9

Inqaba yawo iyawudzilika ngenca yekwesaba, netindvuna tawo tiyawutfutfumela kakhulu ekubonakaleni kwesiboniso semphi,” usho Simakadze, lomlilo wakhe useSiyoni, nembutfuma yakhe yemlilo iseJerusalema.

Jeremiya 50:40

Njengobe Simakadze agumbucela iSodoma neGomora kanye nemadolobha labomakhelwane bayo, kanjalo sekuyawubate namunye lohlala lapho, kute muntfu loyakwakha kuyo,” kusho Simakadze.

Jeremiya 51:24

“Embikwemehlo enu ngiyawutiphindzisela kuyo iBhabhulona, nakubo bonkhe labahlala eveni lemaBhabhulona ngako konkhe labona ngako eSiyoni,” kusho Simakadze.

Nahume 1:14

Simakadze sewukhiphe umyalo mayelana nawe, Nineve, lotsi: “Awusayikuba natitukulwane letiyawumisa libito lakho. Ngitawutibhubhisa tonkhe titfombe takho netithico takho letisemathempelini abonkulunkulu bakho. Ngitanilungiselela emathuna, ngobe nibabi kakhulu!”

Nahume 3:19

Kute lokungelapha lesilondza sakho, lelinceba lakho linengati yekufa. Bonkhe labo labeva letindzaba takho bagidza batibetsele. Utsi ukhona nje lowase waphunyula wasindza kulolunya lwakho lolungenamkhawulo?