Isaya 27:3 - Siswati 1996 Bible

³ Mine, longuSimakadze, ngiyaselusa, ngisinisela njalo nje, ngiselusa imini nebusuku, kuze kutsi kubete muntfu losonako.

Isaya 27:3 Referencias Cruzadas

Genesisi 6:17

Ngitawuletsa zamcolo emhlabeni, utawufika abulale yonkhe inyama lenemoya wekuphila, lengaphansi kwelizulu. Konkhe lokusemhlabeni kutawubhubha.

Genesisi 9:9

“Ase nibuke la, mine ngimisa sivumelwane sami nani netitukulwane tenu letiyawunilandzela,

1 Emakhosi 8:59

Shangatsi lamavi ami, lengiwathandaze lapha embikwaSimakadze, angaba sedvutane naSimakadze Nkulunkulu wetfu, emini nasebusuku, kuze asimise indlela yenceku yakhe, nendlela yesive sakhe, ema-Israyeli, njengekwemalanga onkhe,

Tihlabelelo 46:11

Nkulunkulu Somandla unatsi, Nkulunkulu waJakobe usiphephelo setfu. Cabanga.

Tihlabelelo 46:5

Nkulunkulu uhlala kulelo khaya, lingeke litanyatanyiswe, Nkulunkulu uyawulisita ekuseni entsatsakusa.

Isaya 31:5

Njengenyoni lendizela etikwesidleke sayo, Simakadze longuSomandla uyakuvikela iJerusalema; uyakuyivikela abuye ayisindzise, uyakwendlula kuyo, ayilamulele.”

Isaya 42:6

“Mine, Simakadze, ngikubite ngekulunga, ngiyawubamba sandla sakho. Ngitawugcina ngikwente kutsi ube sivumelwane sami nesive sami, ube kukhanya kubetive,

Isaya 44:3

Ngobe ngiyawutfululela emanti eveni lelomile, nemifula emhlabatsini lowomile; ngiyawutfululela Moya wami kubantfwana bakho, nesibusiso sami etitukulwaneni takho.

Isaya 46:4

Ngisho nasebudzaleni benu nome senimphunga, nginguye, nginguloyo loyakunisimisa. Nginentile, futsi ngitanetfwala; ngitanilondvolota, nginisindzise.

Isaya 46:9

Khumbulani tintfo takadzeni, leto takadzenidzeni. Ngobe nginguNkulunkulu, futsi kute lomunye; nginguNkulunkulu, futsi kute lonjengami.

Isaya 49:8

Naku lokushiwo nguSimakadze, utsi: “Ngiyawukuphendvula ngesikhatsi sami lengisitsandzako, nangelilanga lensindziso ngiyawukusita. Ngiyawukugcina, ngikwente ube sivumelwane sami nebantfu, kuze kubuyiselwe live, banikwe kabusha emafa labese acitsekile.

Isaya 5:6

Ngitawusenta sibe siganga lesingenalutfo, nemvini longatsenwa, nemhlaba waso awuyikulinywa. Kuyawukwena tinchachabutane nemanyeva. Ngitawuyala nemafu kutsi anganisi imvula kuso.”

Isaya 58:11

Simakadze uyawukuhola njalo, uyakwenetisa tidzingo takho, eveni lapho libalele likhipha inhlanti emantini, uyakucinisa ematsambo akho. Uyawuba njengengadze leniseleke kahle, nanjengemtfombo lapho emanti akhona angomi.

Isaya 60:16

Uyawunatsa lubisi lwetive, umunyiswe emabeleni ebukhosi. Uyawube sewuyati-ke kutsi mine, Simakadze, nginguMsindzisi wakho, nekutsi Somandla wakaJakobe unguMhlengi wakho.

Hezekeli 34:11

“ ‘Ngobe naku lokushiwo yiNkhosi Simakadze, itsi: Mine ngekwami ngitatifunela letimvu tami, ngitelusele.

Hezekeli 34:24

Mine Simakadze ngiyawuba nguNkulunkulu wato, nenceku yami Davide abe yinkhosi emkhatsini wato. Mine, Simakadze, sengikhulumile.

Hezekeli 37:14

Ngiyawufaka Moya wami kini, bese niyaphila, ngiyawunihlalisa eveni lenu. Lapho-ke niyawube seniyati kutsi mine Simakadze sengikhulumile, futsi sengikwentile, kusho Simakadze.’ ”

Hezekeli 37:28

Ngulapho-ke tive tiyawukwati khona kutsi mine Simakadze ngenta Israyeli kutsi abe ngcwele, ngesikhatsi indzawo yami lengcwele iyawuba kubo phakadze naphakadze.’ ”

1 Samuweli 2:9

“Uyakwelusa tinyawo talabangcwele bakhe, kodvwa lababi bona bayawubhujiswa ebumnyameni. Ngobe umuntfu akancobi ngetikhwepha takhe.