Isaya 26:8 - Siswati 1996 Bible

⁸ Yebo, Simakadze, sihamba endleleni yemitsetfo yakho, silindzela wena; Libito lakho neludvumo lwakho ngutona tifiso tetinhlitiyo tetfu.

Isaya 26:8 Referencias Cruzadas

2 Samuweli 23:5

“Indlu yami ayikalungi yini kuNkulunkulu? Akenti nami yini sivumelwane saphakadze naphakadze, lesihlelwe kahle savikeleka macala onkhana? Akayikuphumelelisa yini kusindziswa kwami, anginike konkhe lengikufisako?

Tihlabelelo 106:3

Babusisiwe labo labahamba ngebucotfo bente kulunga ngato tonkhe tikhatsi.

Tihlabelelo 130:5

Lusito lwaSimakadze, ngilubheke ngalabovu, umphefumulo wami uyawumlindzela. Ngiyaletsemba livi lakhe.

Tihlabelelo 18:23

Bengisolo ngite sici embikwakhe, ngitigcinile ngangete ngona.

Tihlabelelo 42:2

Umphefumulo wami womele Nkulunkulu, yena lowo Nkulunkulu lophilako. Ngiyawufika nini ngibonakale embikwaNkulunkulu?

Tihlabelelo 65:6

Wena lowamisa tintsaba ngemandla akho, watimisa uvunule emandla.

Tihlabelelo 73:25

Ngubani lenginaye ezulwini ngaphandle kwakho? Nanginawe, kute lengikufunako la emhlabeni.

Tihlabelelo 84:2

Umphefumulo wami ulangatelela emagceke akho, inhlitiyo yami nemtimba wami kuhlabela kumemete ngekujabula lokukhulu kuNkulunkulu lophilako.

Eksodusi 3:15

Nkulunkulu waphindze watsi kuMosi: “Ubokhuluma kuma-Israyeli utsi: ‘Simakadze, Nkulunkulu wabokhokho benu, naNkulunkulu wabo-Abrahama, naNkulunkulu wa-Isaka, naNkulunkulu waJakobe, ungitfume kini.’ Leli-ke libito lami phakadze naphakadze, tonkhe titukulwane tiyawungibita kanjalo.

Ingoma Yetingoma 5:8

Ngiyaniyala, madvodzakati aseJerusalema, nanimtfola longitsandzako, nitamtjela kutsini? Nibomtjela kutsi ngiyafa lutsandvo.

Isaya 12:4

Ngalelo langa niyawutsi: “Bongani Simakadze, nibite Libito lakhe; yatisani tive ngaloko lakwentile, nimemetele kutsi Libito lakhe liphakeme.

Isaya 24:15

Ngako-ke nine basemphumalanga, nikani Simakadze ludvumo, niphakamise Libito laSimakadze, longuNkulunkulu wema-Israyeli, nimphakamise etichingini taselwandle.

Isaya 25:1

Awu, Simakadze, wena unguNkulunkulu wami, ngiyakukuphakamisa, ngilidvumise Libito lakho, ngobe ngekwetsembeka kwakho lokuphelele wente tintfo letimangalisako, tintfo letahlelwa endvulo.

Isaya 25:9

Ngalelo langa bayakutsi: “Ngempela, lona nguNkulunkulu wetfu, besetsembela kuye, naye wasisindzisa. Lona nguSimakadze lebesetsembele kuye; asijabule sitfokote ngensindziso yakhe.”

Isaya 26:13

Awu, Simakadze, Nkulunkulu wetfu, lamanye emakhosi langasiye wena abusile etikwetfu; kodvwa Libito lakho, ngilo lodvwa lesilihloniphako.

Isaya 30:18

Noko Simakadze ulangatelela kangaka kutsi abe nemusa kini. Uyaphakama kutsi anihawukele, ngobe Simakadze nguNkulunkulu lowehlulela ngemtsetfocotfo. Babusisiwe bonkhe labalindzela yena.

Isaya 33:2

Awu Simakadze, bani nemusa kitsi; tsine silangatelela wena. Bani ngemandla etfu njalo nje ekuseni, nensindziso yetfu ngesikhatsi selusizi.

Isaya 49:23

Emakhosi ayawuba bacizeli bakho, nemakhosikati awo amunyise bantfwabakho. Bayawuguca embikwakho, buso babo bubheke phansi emhlabatsini, bayawukhotsa lutfuli lwetinyawo takho ngelulwimi. Uyawube sewuyati-ke lapho kutsi mine nginguSimakadze. Labo labetsembela kimi bangeke bajabhiswe.”

Isaya 51:4

“Lalelani kimi, bantfu bami, ngiveni, sive sami: Umtsetfo uyawuphuma kimi, umtsetfocotfo wami uyawuba kukhanya etiveni.

Isaya 56:1

Naku lokushiwo nguSimakadze, utsi: “Yentani umtsetfocotfo ningawuyekeleli, nente lokulungile, ngobe insindziso yami seyisedvute, kulunga kwami kutakwembulwa masinyane.

Mikha 4:5

Tonkhe tive tikhonta tihloniphe bonkulunkulu bato, kodvwa tsine siyawukhonta Simakadze Nkulunkulu wetfu phakadze naphakadze.

Mikha 7:7

Kodvwa mine ngitakwetsembela kuSimakadze, ngilindzele Nkulunkulu ngesibindzi, ngobe nguye lotangiphephisa. Nkulunkulu wami utangiva.

Malakhi 4:4

“Khumbulani umtsetfo wenceku yami Mosi, timiso nemitsetfo lengamnika kona eHorebe kuwo onkhe ema-Israyeli.”

Numeri 36:13

Ngiyo lena-ke imiyalo nemitsetfo yaSimakadze layinika ema-Israyeli ngesandla saMosi ngesikhatsi asemise ematsafeni akaMowabi ngaseJordane ngesheya kwemfula iJordane malungana neJerikho.

Lukha 1:6

Bobabili babephila imphilo lengcwele kuNkulunkulu, babeyigcina yonkhe imiyalo nemitsetfo yeNkhosi.

Imisebenti yebaPhostoli 1:4

Kwatsi nase bahlangene ndzawonye, wabanika umyalo lotsi: “Ningesuki eJerusalema, kodvwa hlalani nimele sipho lenetsenjiswa sona nguBabe, lenganitjela ngaso.

KubaseRoma 8:25

Kodvwa nasetsemba loko lesingakuboni, sikulindzela ngekubeketela.

2 kubaseThesalonika 3:5

Shangatsi iNkhosi ingacondzisa tinhlitiyo tenu elutsandvweni lwaNkulunkulu nasekubeketeleni kwaKhristu.