Isaya 26:19 - Siswati 1996 Bible

¹⁹ Kodvwa labafile bakho bayawuphila; imitimba yabo iyawuvuka. Nine lenihleti elutfulini lwemhlaba, vukani nimemete ngenjabulo. Ematolo akho anjengematolo asekuseni laphilisako, umhlaba uyawubakhipha labafile bawo.

Isaya 26:19 Referencias Cruzadas

Jobe 14:8

Timphandze taso tingaguga emhlabatsini nesiphunti saso sife lapha phansi,

Jobe 29:19

Timphandze tami titawutfunguluta tize tifike emantini, ematolo alale emagaleni ami busuku bonkhe.

Tihlabelelo 110:3

Sive sakho siyawutinikela mhlazana ulwa netitsa takho, emabutfo akho ayawuta kuwe ahlobe ngemvunulo lengcwele, ayawuvela njengematolo asentsatsakusa.

Tihlabelelo 22:15

Emandla ami ome njengeludzengelo, lulwimi lwami lunamatsele elwangeni; wena ungilalisa phansi elutfulini lwekufa.

Tihlabelelo 22:29

Yebo, bonkhe labacebile emhlabeni, bayawudla bakhotsame embikwakhe; bonkhe labayakuya phansi elutfulini, bayawuguca embikwakhe bakhonte, yebo, nabo bonkhe labangeke batibambe kutsi bafe.

Tihlabelelo 71:20

Nguwe lowentile kutsi ngibone tinsizi letinyenti naletibuhlungu, wangihlumelelisa futsi; wabuye wangimonyula ekujuleni kwemhlaba, wangikhiphela ngetulu kwawo.

Tihlabelelo 88:11

Umusa wakho kungakhulunywa yini ngawo ethuneni? Kwetsembeka kwakho kungakhulunywa yini ngako ekubhujisweni?

Isaya 18:4

Naku lokushiwo nguSimakadze kimi: ‘Ngitawuhlala nje ngithule, ngibuke nje ngisendzaweni yami yekuhlala, nakuphakama sivuvu ekushiseni kwelilanga, yebo, sivuvu sematolo lakhuntsisa sivuno.’

Isaya 25:8

amite kufa phakadze naphakadze. Somandla longuSimakadze uyawukwesula tinyembeti kubo bonkhe buso; uyawususa lihlazo lesive sakhe emhlabeni wonkhe. Simakadze sewukhulumile.

Isaya 51:17

Vuka, vuka, sukuma, wena Jerusalema, wena lonatse esandleni saSimakadze indzebe yentfukutselo yakhe, wena lominyele sinatfo lesiseludziweni lesenta bantfu badzayitele.

Danyela 12:2

Ticumbi ngeticumbi lesetalala elutfulini lwemhlaba tiyawuvuka, labanye bavukele ekuphileni kwaphakadze, labanye ehlazweni nasekwedzelelekeni kwaphakadze.

Hoseya 13:14

“Ngiyawubahlawulela yini emandleni elithuna ngibahlenge ekufeni? Ye Kufa, tiphi tifo takho letibulalanako? Ye Thuna, kuphi kubhubhisa kwakho? “Ngiyawubate sihawu.

Hoseya 14:5

Ngiyawufanana nematolo ku-Israyeli; uyawuchakaza njengembali. Njengemsedari waseLebanoni uyawutishonisa phansi timphandze takhe;

Hoseya 6:2

Emvakwemalanga lamabili utasiphilisa, ngelilanga lesitsatfu utasivusa, khona sitewuphila ebukhoneni bakhe.

Zakhariya 8:12

“Inhlanyelo seyiyawukhula kahle, sivini siyawutsela titselo taso, umhlaba uyawuveta sivuno sawo, nemazulu ayakwehlisa ematolo awo. Tonkhe letintfo ngiyawutipha insali yalesive tibe lifa laso.

Matewu 27:52

emathuna avuleka, bantfu labanyenti baNkulunkulu labebafile bavuswa ekufeni.

Matewu 27:58

Waya kuPhilatu kuyawucela sidvumbu saJesu. Philatu wakhipha livi watsi akanikwe.

Imisebenti yebaPhostoli 24:15

ngekubeka litsemba kuNkulunkulu lababambelele kulo nabo lekutsi bonkhe bantfu, labalungile nalabangakalungi, bayawuvuka ekufeni.

1 kubaseKorinthe 15:20

Kepha manje Khristu wavuswa kulabafile, waba ngumvuli wendlela kulabo labatawuvuka kulabafile.

Kubase-Efesu 5:14

ngobe konkhe lokuvetwa kukhanya kuyabonakala. Ngako-ke kutsiwa: “Phaphama, wena lolele, uvuke kulabafile, naKhristu utakukhanyisa.”

Dutheronomi 32:2

Imfundziso yami ayehle njengemvula, emavi ami ahhohloke njengematolo; yebo, njengemabhudlo etjanini lobuluhlata, nanjengemvula lenkhulu etikwalokumilile.

Dutheronomi 33:13

NgaJosefa wakhuluma watsi: “Simakadze akabusise live lakhe ngematolo laligugu asezulwini nangemanti lajulile langaphansi kwemhlaba.

Dutheronomi 33:28

Ngako Israyeli uyawuhlala aphephile, umtfombo waJakobe uvikelekile, eveni lemabele neleliwayini lelisha, lapho emazulu ehlisela khona ematolo.

KubaseFiliphi 3:10

Lengikufunako kutsi ngimati yena, nemandla ekuvuka kwakhe, nekuhlanganyela etinhluphekweni takhe, ngimfute ngekufa kwakhe,

KubaseFiliphi 3:21

Nguye loyawugucula simo sebuphansi bemtimba wetfu, ufane nemtimba wakhe wenkhatimulo, ngemandla akhe langahlela ngawo konkhe ngephansi kwakhe.

1 Samuweli 2:6

Simakadze uyabulala, aphindze aphilise. Wehlisela phansi emadlizeni, aphindze akhuphulele ngetulu.