Isaya 26:17 - Siswati 1996 Bible

¹⁷ Njengemfati lokhulelwe nasatawubeleka, uyajilajileka, akhale ngenca yemihelo, natsi sasinjalo ebukhoneni bakho, awu, Simakadze!

Isaya 26:17 Referencias Cruzadas

Genesisi 3:16

Watsi kumfati: “Ngitakwandzisa buhlungu ekukhulelweni kwakho, bube bukhulu kakhulu; uyawutala bantfwana kabuhlungu. Kufisa kwakho kuyawubasendvodzeni yakho, yona iyakukubusa.”

Tihlabelelo 48:6

Agcwala emanti emadvolweni, efikelwa buhlungu lobukhulu, njengebemfati lobelekako.

Isaya 13:8

kutfutfumela kubabambe, tinhlungu nekucacamba kubantfonye, bajilajileke njengemfati aphetfwe ngumhelo. Bayawubukana ngekumangala, buso babo buvutse emalangabi.

Isaya 21:3

Nginelusizi ngalombono lengiwubonile, buhlungu bungibambile, njengemhelo ufikela umfati nasatawubeleka. Kuyangetfusa loko lengikuvako, ngiyamangala ngaloko lengikubona ngemehlo ami.

Isaya 37:3

Bamtjela batsi: “Naku lokushiwo nguHezekiya, utsi: ‘Lelilanga lalamuhla lilanga lenjabhiso, nekutsetsiswa, nelihlazo, njenganakufika tikhatsi tekubelekwa kwebantfwana kube kute emandla ekubabeleka.

Jeremiya 30:6

Butani nibone: Umuntfu lomdvuna wake wamtala yini umntfwana? Manje-ke kwenteka kanjani lokutsi ngibone onkhe emadvodza lanemandla abambe tisu njengemfati nakaphetfwe ngumhelo, onkhe anebuso lobugcungce kwekufa?

Jeremiya 4:31

Ngiva kukhala lokunjengekwemfati lophetfwe ngumhelo, kuquma lokunjengekwalowo lobeleka litubulo lakhe, kukhala kweNdvodzakati yaseSiyoni, lephefumulela etulu, leyelula tandla tayo itsi: “Maye, ngiyacaleka, kuphila kwami kunikelwe etandleni tebabulali.”

Jeremiya 6:24

Siyivile imibiko ngabo, saphela emandla, imikhono yetfu iyalenga nje kitsi, sibanjwe kudzabuka nekwesaba lokukhulu, tinhlungu letifanana netemfati lobelekako.

Johane 16:21

Nangabe umfati asatawubeleka, ubaselusizini, ngobe sikhatsi sebuhlungu sesifikile. Kodvwa nasambelekile umntfwana, ubukhohlwa bonkhe lobo buhlungu, ngobe ujatjuliswa kutalwa kwemntfwana.

1 kubaseThesalonika 5:3

Ngesikhatsi bantfu batsi: “Kunekuthula nenhlalakahle,” ngekushesha lokukhulu kubhujiswa kuyawubatuma njengemhelo ufikela umfati nasatawubeleka; futsi kute loyawusindza.

Sembulo 12:2

Abetetfwele, wakhala ngenca yemihelo, nekusikwa buhlungu bekubeleka.