Isaya 26:16 - Siswati 1996 Bible

¹⁶ Simakadze, beta kuwe ekudzabukeni kwabo, ngesikhatsi ubajezisa babehluleka ngisho nekuhebeta umkhuleko.

Isaya 26:16 Referencias Cruzadas

Tihlabelelo 142:2

Ngititfululela kuye tonkhe tikhalo tami, ngimtjele tonkhe tinhlupheko tami.

Tihlabelelo 27:8

Wena utsite: “Funani buso bami.” Mine-ke enhlitiyweni yami ngitsi: “Buso bakho, Simakadze, ngiyabufuna.”

Tihlabelelo 42:4

Nangikhumbula emuva, inhlitiyo yami iyabibitseka ngekhatsi kwami. Ngangihamba nesicuku lesikhulu ngisihola embili ngiya endlini yaNkulunkulu sihlabela ngekujabula lokukhulu.

Tihlabelelo 50:15

Khala kimi ngetikhatsi tekuhlupheka, ngiyawukukhulula, bese uyangidvumisa.”

Tihlabelelo 77:3

Ngiyamkhumbula Nkulunkulu bese ngiyabubula; ngiyacabangisisa, bese umoya wami uphelelwa ngemandla. Cabanga.

Tihlabelelo 78:34

Ngesikhatsi ababhubhisa babetiletsa kuye, baphendvuke bafunisise Nkulunkulu.

Tihlabelelo 91:15

Uyawungibita ngiphendvule ngibe naye ekuhluphekeni, ngimuphe kuphepha nekuhlonipheka.

Isaya 37:3

Bamtjela batsi: “Naku lokushiwo nguHezekiya, utsi: ‘Lelilanga lalamuhla lilanga lenjabhiso, nekutsetsiswa, nelihlazo, njenganakufika tikhatsi tekubelekwa kwebantfwana kube kute emandla ekubabeleka.

Jeremiya 2:27

Bakhuluma elugodvweni batsi: ‘Wena ungubabe wami,’ nasetjeni bakhulume batsi: ‘Wena wangitala.’ Bangifulatsele, bafihla buso babo kimi, kodvwa batsi nase bahluphekile bese batsi: ‘Kota utesisindzisa!’

Jeremiya 22:23

Wena lohlala ‘eLebanoni,’ lotitfukuse etindlini temisedari, maye uyawufa kuquma kanjani nase wehlelwa tinhlungu, tinhlungu letifanana netemhelo wemfati nakabeleka!”

Jeremiya 29:12

Niyawube seniyangibita-ke nite nitewuthandaza kimi, mine ngiyawuniva.

Sililo 2:19

Vuka ukhale kusengusebusuku, ngesikhatsi balindzi bangena emsebentini wabo, utfulule inhlitiyo yakho njengemanti ebukhoneni baSimakadze. Phakamisela tandla takho kuye ngenca yetimphilo tebantfwana bakho lasebacaleka ngenca yendlala, ekucaleni nasekupheleni kwato tonkhe titaladi.

Hoseya 5:15

Ngiyawube sengibuyela endzaweni yami, baze balivume licala labo. Bayawufuna buso bami; baseselusizini lwabo bayawungifunisisa.”

Hoseya 7:14

Abakhali kimi ngalokusuka etinhlitiyweni tabo, kodvwa balila emibhedzeni yabo. Babutsana ndzawonye babutsanele emabele neliwayini lelisha, kodvwa bangifulatsele mine.

Numeri 21:7

Bantfu beta kuMosi, bafike batsi: “Sonile ngekukhuluma kabi ngaSimakadze nangawe. Thandaza kuSimakadze kutsi esuse letinyoka lapha kitsi.” Ngako-ke Mosi wabathandazela labantfu.

Sembulo 3:19

Labo lengibatsandzako ngiyabakhalimela ngibajezise; ngako-ke shisekela lokuhle, uphendvuke.

Tikhulu 10:15

Kodvwa baka-Israyeli bachubeka bakhala kuSimakadze, batsi: “Sonile! Yenta lokutsandzako ngatsi, kodvwa nje mane usephule kwanyalo.”

1 Samuweli 1:15

Kodvwa Hana waphendvula watsi: “Cha, nkhosi yami, angikadzakwa, ngingumfati loselusizini lolukhulu, angikaze ngilinatse liwayini nome tjwala, bengisatfulula inhlitiyo yami kuSimakadze.