Isaya 26:14 - Siswati 1996 Bible

¹⁴ Nyalo asafile lawo makhosi, akasaphili, lowo moya wawo lowanyamalala awube usaphindza uvuke. Wawajezisa wawabhubhisa, wesula konkhe kukhunjulwa kwawo.

Isaya 26:14 Referencias Cruzadas

Jobe 18:17

Kukhunjulwa kwakhe sekuyafiphala kulomhlaba, akasenabito lapha emhlabeni.

Jobe 24:20

Sibeletfo siyabakhohlwa, badliwe timphetfu; lababi abasakhunjulwa, kodvwa babhidlika njengesihlahla lesibolile.

Jobe 7:9

Njengelifu lelinyamalalako ligcina lingasekho, unjalo-ke nemuntfu losaya ethuneni, akaphindzi abuye.

Tihlabelelo 106:28

Base batihlanganisa nalababekhonta sithico lesasinguBhali wasePheyori, badla lokwakuhlatjelwe labaphansi,

Tihlabelelo 109:13

Shangatsi intalelwane yakhe ingaphela nya; libito lakhe lesulwe esitukulwaneni lesitako.

Tihlabelelo 135:17

tinetindlebe, kodvwa ativa, atikwati ngisho nekuphefumula imbala.

Tihlabelelo 36:12

Lababi bawe khona lapho bawiswe phansi, bangeke bavuke.

Tihlabelelo 59:5

Wena, Simakadze, Nkulunkulu Somandla, unguNkulunkulu waka-Israyeli; vuka-ke utewujezisa tonkhe tive, ungahawukeli ngisho namunye kulaba labangemambuka. Cabanga.

Tihlabelelo 9:6

Sitsa sibhujiswe phakadze naphakadze, emadolobha aso uwabhidlitile, angeke asaphushwa nakuphushwa.

Eksodusi 14:30

Kungalelo langa-ke lapho Simakadze asindzisa ema-Israyeli esandleni semaGibhithe. Ema-Israyeli abona tidvumbu temaGibhithe elugwini lwelwandle.

Taga 10:7

Kukhunjulwa kwemuntfu lolungile kuyawuba sibusiso; kodvwa libito lalomubi liyawubhubha.

Umshumayeli 9:5

Liciniso, labaphilako bayati kutsi batakufa, kodvwa labafile abati lutfo; sebate umvuzo, abasakhunjulwa ngisho nekukhunjulwa.

Isaya 10:3

Niyakwenta njani ngelilanga lekwehlulelwa, ngesikhatsi sehlakalo sichamuka khashane? Niyawubalekela kubani nicele lusito? Niyakuwushiya nabani lomcebo wenu?

Isaya 26:19

Kodvwa labafile bakho bayawuphila; imitimba yabo iyawuvuka. Nine lenihleti elutfulini lwemhlaba, vukani nimemete ngenjabulo. Ematolo akho anjengematolo asekuseni laphilisako, umhlaba uyawubakhipha labafile bawo.

Isaya 29:6

Simakadze longuSomandla uyakuta ngekudvuma nangekutamatama kwemhlaba, nangemsindvo lomkhulu, nangesikhukhula semoya nesihhushuhhushu, nangemalangabi emlilo lodlako.

Isaya 37:19

Bajikijele bonkulunkulu bato emlilweni, bababhubhisa, ngobe bebangesibo bonkulunkulu sibili, bekutingodvo nje nematje labatwe tandla tebantfu.

Isaya 8:19

Bantfu batanitjela kutsi: “Yanini etangomeni nakulababhulako, labo labahlebako banhhinklile.” Batsi: “Sive akukafaneli yini kutsi sibute kuNkulunkulu waso?” Indlela ifunelwani kulabafile egameni lalabaphilako?

Matewu 2:20

itsi: “Vuka! Tsatsa umntfwana nenina, ubuyele eveni laka-Israyeli, ngobe labo bebafuna kubulala umntfwana sebafile.”

Dutheronomi 4:28

Kuleto tive niyawukhonta tithico letentiwe bantfu ngetingodvo nangematje, letingaboni naletingeva, naletingadli, naletingakwati kunuka.

Sembulo 20:5

Laba labanye lababefile abazange bavuke ekufeni, kwadzimate kwaphela iminyaka leyinkhulungwane. Loku kuvuka ekufeni kwekucala.