Isaya 26:1 - Siswati 1996 Bible

¹ Ngalelo langa kuyawuhlatjelelwa ingoma kaJuda, letsi: “Sinelidolobha lelicinile; Nkulunkulu usentela insindziso ngetibondza talo netinqaba talo.”

Isaya 26:1 Referencias Cruzadas

Ezra 3:11

Badvumisa, babonga ngekuhlabela kuSimakadze, batsi: “Ulungile; umusa wakhe ku-Israyeli uyakuma kuze kube phakadze.” Bonkhe bantfu bamemeta kakhulu badvumisa Nkulunkulu, ngobe sisekelo sendlu yaSimakadze sasesibekiwe.

Tihlabelelo 31:21

Akadvunyiswe Simakadze, ngobe umusa wakhe lomangalisako uwentile kimi ngesikhatsi bangivimbetela edolobheni.

Tihlabelelo 48:12

Hambani nitungelete iSiyoni, nijikelete nibale imibhoshongo yayo.

Tihlabelelo 48:4

Emakhosi-ke wona abutsana, ayawuhlasela iNtsaba iSiyoni.

Isaya 12:1

Ngalelo langa uyakutsi: “Ngiyakudvumisa, wena Simakadze, lite nome bewungitfukutselele, kodvwa kutfukutsela kwakho akusekho, esikhundleni saloko sewungidvudvutile.

Isaya 14:31

“Awu, sango, lila! Awu, dolobha, hhewula! Ttutfumela, wena Filistiya! Ngobe emabutfo emphi lenemandla ayeta, aphuma ngasenyakatfo; ate ngisho nome linye lisotja leliligwala.

Isaya 2:11

Emehlo ebantfu labatikhukhumetako ayawutfotjiswa, kutsi kutigcabha kwebantfu kwehliswe; Simakadze yena yedvwa uyawuphakanyiswa ngalelo langa.

Isaya 2:20

Ngalelo langa bantfu bayawulahla tithico tabo emagundvwaneni nasemalulwaneni; yebo, tithico tabo tesiliva kanye netithico tabo tegolide, lababetentele kutikhonta.

Isaya 25:9

Ngalelo langa bayakutsi: “Ngempela, lona nguNkulunkulu wetfu, besetsembela kuye, naye wasisindzisa. Lona nguSimakadze lebesetsembele kuye; asijabule sitfokote ngensindziso yakhe.”

Isaya 31:5

Njengenyoni lendizela etikwesidleke sayo, Simakadze longuSomandla uyakuvikela iJerusalema; uyakuyivikela abuye ayisindzise, uyakwendlula kuyo, ayilamulele.”

Isaya 31:9

Inqaba yawo iyawudzilika ngenca yekwesaba, netindvuna tawo tiyawutfutfumela kakhulu ekubonakaleni kwesiboniso semphi,” usho Simakadze, lomlilo wakhe useSiyoni, nembutfuma yakhe yemlilo iseJerusalema.

Isaya 33:5

Simakadze uphakeme, ngobe uhlala endzaweni lephakeme, utawugcwalisa iSiyoni ngekwehlulela ngemtsetfocotfo nangekulunga.

Isaya 33:6

Utawuba sisekelo sakho lesingusonasona ngawo onkhe emalanga akho, abe lifa lakho lensindziso, nelekuhlakanipha, nelwati. Kwesaba Simakadze kungumcebo wakhe.

Isaya 4:2

Ngalelo langa Ligala laSimakadze liyawuba lihle likhatimule, netitselo talelo live tiyawuba ludvumo nebuhle betinsali taka-Israyeli.

Isaya 5:1

Ngitawuhlabelela lowo lengimtsandzako ingoma ngesivini sakhe, ngitsi: Lowo lengimtsandzako abenesivini egcumeni lelivundzile.

Isaya 56:5

labo ngiyakubanika sikhumbuto ekhatsi ethempelini lami nasemkhatsini wetibondza talo, ngiyakubanika nelibito lelihle kwengca emadvodzana nemadvodzakati. Ngiyakubanika libito laphakadze, libito lelingasoze laphela nakadzeni.

Isaya 60:18

Akuseyiwuba nekulwa eveni lakho, kuyawubate incitsakalo nembhubhiso emikhawulweni yelive lakho. Kodvwa uyawubita tibondza takho ngekutsi yiNsindziso, nemasango akho ngekutsi Ludvumo.

Isaya 62:10

Phumani, phumani emasangweni! Lungiselelani bantfu umgwaco! Yakhani, yakhani umgwaco lomkhulu! Susani ematje. Phakamiselani tive siboniso sekuncoba, titesibona.

Isaya 62:11

Lalelani la: Simakadze sewente simemetelo lesiya emikhawulweni yonkhe yemhlaba, lesitsi: “Tjela iNdvodzakati yaseSiyoni, utsi: ‘Buka, nanguya uMsindzisi wakho uyeta! Bukela, umvuzo wakhe ukuye, nenkhokhelo yakhe ihamba embikwakhe.’ ”

Jeremiya 33:11

imisindvo yenjabulo neyentfokoto, nemaphimbo abomakoti nemyeni, kanye nemaphimbo alabo labaletsa iminikelo yekubonga endlini yaSimakadze, batsi: “ ‘ “Bongani Simakadze longuSomandla, ngobe Simakadze ulungile; umusa wakhe ume kuze kube phakadze.” Ngobe ngiyakutibuyisela tibusiso talelive tibe njengobe tatinjalo kucala,’ kusho Simakadze.

Hezekeli 40:5

Ngabona lubondza lolutungelete yonkhe lendzawo yelithempeli. Budze balendvuku yekulinganisa leyayisesandleni salendvodza babungemamitha labengaba matsatfu, wakala lolubondza. Lwalungemamitha labengaba matsatfu kuphakama, nemamitha labengaba matsatfu bucinsi balo.

Zakhariya 2:5

Mine matfupha ngiyawuba lubondza lwemlilo loluyitungeleta luyivikele, ngibe yinkhatimulo yayo ngekhatsi kwayo,’ kusho Simakadze.”

Zakhariya 2:9

Utsi: “Impela ngiyawuphakamisa sandla sami ngimelane nato, khona titewuba yimphango yetigcili tato. Ngulapho-ke niyawukwati khona kutsi nguSimakadze longuSomandla longitfumile.

Numeri 21:17

Ngaso sona leso sikhatsi ema-Israyeli ahlabela ingoma atsi: “Geletisa emanti, wena mtfombo! Sitakwemukela ngekuhlabela,

Matewu 16:18

Nami-ke ngitsi: UnguPhetro . Etikwalelidvwala ngiyakulakha libandla lami, nemandla ekufa angeke alehlule.