Isaya 24:6 - Siswati 1996 Bible

⁶ Ngako-ke sicalekiso siyawushwabudzela umhlaba, bantfu bawo kufanele baletfwale licala labo. Ngako-ke labahlala emhlabeni bayashiswa, kusale babe mbalwa kakhulu.

Isaya 24:6 Referencias Cruzadas

2 Emakhosi 24:12

Jehoyakhini, inkhosi yakaJuda, nenina, netinceku takhe, netikhulu takhe, kanye netindvuna takhe bavele baphakamisa tandla bashweleta kuye. Ngemnyaka wesiphohlongo wekubusa kwenkhosi yaseBhabhulona, lenkhosi yatfumba Jehoyakhini, waba siboshwa.

2 Emakhosi 25:12

Kodvwa lendvuna yabashiya labanye lababemphofu bakulelo live, kuze batewulima tivini nemasimi.

Isaya 1:31

Emadvodza lanemandla ayawuba timbhaca, umsebenti wawo ufanane nenhlase: kokubili kuyawusha ndzawonye, kubete longawucisha lowo mlilo.”

Isaya 1:9

Kube Simakadze longuSomandla akasishiyelanga insali, ngabe sesifanana neSodoma, yebo, ngabe sesifanana neGomora.

Isaya 34:5

Inkemba yami seyinatse yenela emazulwini, bukani, yehla ngekwehlulela, yehlela kulaka-Edomu, sive lengitasibhubhisa ngisicedze.

Isaya 43:28

Ngako-ke nami ngitatihlazisa tikhulu telithempeli lenu, ngivele ngitfumele Jakobe ekubhujisweni, na-Israyeli kutsi edzelelwe.”

Isaya 5:24

Ngako-ke, njengobe lulwimi lwemlilo lukhotsa tibi, nanjengobe tjani lobomile bushona phansi, nabushiswa ngemalangabi, kanjalo timphandze tabo tiyawubola, netimbali tabo tiphephuke njengelutfuli; ngobe bawalile umtsetfo waSimakadze longuSomandla, bedzelela livi laLongcwele waka-Israyeli.

Isaya 9:19

Ngelulaka lwaSimakadze longuSomandla live liyawugagadzeka, nebantfu bayawuba tinkhuni temlilo; kute loyawuphephisa umnakabo.

Jeremiya 12:4

Kuyawudzimate kube ngunini solomane live lihleti ligagadzekile, netjani bawo onkhe emasimi bubunile? Njengobe labo labahlala kulo bakhohlakele, tilwane netinyoni sekubhubhe kwaphela. Ngetulu kwaloko bantfu batsi: “Angeke akubone loko lokwenteka kitsi.”

Jeremiya 5:14

Ngako naku lokushiwo nguSimakadze Nkulunkulu longuSomandla, utsi: “Njengobe bantfu bakhulume lamavi, emavi ami ngitawenta abe ngumlilo emlonyeni wakho, labantfu babe tinkhuni letitawudliwa ngiwo.

Hezekeli 5:3

Kodvwa ubotsatsa imicu lembalwa yaletinwele uyitfukuse emificitweni yalengubo yakho.

Levithikusi 26:22

Ngiyawunitfumelela tilwane tesiganga, tidle bantfwabenu netinkhomo tenu, nize nibe mbalwa, kangangekutsi ngisho nemigwaco yenu iyawubate bantfu.

Malakhi 2:2

Naningalaleli, futsi naningatimiseli ngenhlitiyo yenu kutsi nihloniphe Libito lami, ngitanitfumelela sicalekiso, netibusiso tenu ngiticalekise. Yebo, vele sengiticalekisile, ngobe anikatimiseli enhlitiyweni yenu kutsi ningihloniphe,” kusho Simakadze longuSomandla.

Malakhi 3:9

Ningaphansi kwesicalekiso, nonkhe nine sive, ngobe nichubeka nekungebela.

Malakhi 4:1

“Impela lilanga liyeta; liyawushisa njengemlilo lowesabekako nalohhumako. Bonkhe labatigcabhako bangangihloniphi nalabenta lokubi bayawuba tinhlanga, lelo langa lelitako liyawubalumekela ngemlilo,” kusho Simakadze longuSomandla. “Kute imphandze nome ligala leliyawusala kubo.

Malakhi 4:6

Uyawuguculela tinhlitiyo taboyise kubantfwababo, netinhlitiyo tebantfwana kuboyise; ngaphandle kwaloko ngiyawuta ngitewushaya lelive ngesicalekiso.”

Matewu 27:25

Sonkhe sive saphendvula satsi: “Ingati yakhe ayibesetikwetfu nasetikwebantfwana betfu!”

Matewu 7:14

Kepha lisango lincane nendlela yincane leyisa ekuphileni, nebantfu labayitfolako bambalwa.”

KubaseRoma 9:27

Na-Isaya wamemeta nga-Israyeli atsi: “Nome bantfu baka-Israyeli bangaba banyenti babe ngangesihlabatsi saselwandle, noko kuyawuba yinsali yabo kuphela leyawusindziswa;

Dutheronomi 28:62

“Nine lenanibanyenti ngangetinkhanyeti tesibhakabhaka niyawusala seniyingcosana, ngobe ningakamlaleli Simakadze Nkulunkulu wenu.

Dutheronomi 4:27

Simakadze uyawunisakatela etiveni letinye, bayawuba yingcosana benu labayawusala kuleto tive Simakadze layakube anisakatele kuto.

2 yaPhetro 3:10

Kepha lilanga leNkhosi liyawufika njengelisela, mhlazana emazulu ayakwendlula ngekuhlokoma; tonkhe tisekelo temkhatsi tiyakusha tincibilike, umhlaba nemisebenti lekuwo kuyawusha.