Isaya 24:20 - Siswati 1996 Bible

²⁰ Umhlaba uyadzayitela njengesidzakwa, ujikita njengesidleke senyoni emoyeni. Umhlaba usindvwa kakhulu licala lawo lekuhlubuka, sewuze uyawa, futsi ungeke uphindze usukume.

Isaya 24:20 Referencias Cruzadas

Genesisi 41:31

Inala ingeke iphindze ikhunjulwe eveni, ngenca yendlala letawulandzela, ngobe itawuba matima kakhulu.

Jobe 12:25

badvukute ebumnyameni nekukhanya kungekho, abente badzayitele njengetidzakwa.”

Tihlabelelo 107:27

Badzayitela, bayendza, njengemuntfu nadzakiwe, lwati lwabo lwefika lapho luphela khona.

Tihlabelelo 38:4

Tono tami tingigabhile, ngisesiswa ngumtfwalo wato losindzako.

Isaya 1:28

Kodvwa bahlubuki netoni bayawufohlotwa bonkhe kanyekanye, nalabo labalahla Simakadze bayawubhubha.

Isaya 1:8

INdvodzakati yaseSiyoni seyisele njengendlu yekukhosela esivinini, nanjengelichugwana ensimini yemajoti, yebo, njengelidolobha lelivinjetelwe.

Isaya 19:14

Simakadze sewutfululele kubo umoya wekudzidzeka; benta iGibhithe iyendze kuko konkhe leyikwentako, iyendze njengesidzakwa emahlanteni aso.

Isaya 24:1

Bukani la, Simakadze utawubhubhisa umhlaba, awente ube lihlane. Umhlaba utawenta ubhidlike, asakate bonkhe labahlala kuwo.

Isaya 28:7

Nabo labo bayayendza ngenca yeliwayini, babhadzatele ngenca yetjwala, baphristi nebaphrofethi bayayendza ngenca yetjwala, basangene ingcondvo ngenca yeliwayini, badzayiteliswa tjwala, bayayendza nababona imibono, bayakhubatela nabakhipha tincumo.

Isaya 29:9

Yetfukani nimangale, banini timphumphutse nibe ngulabangenamehlo, dzakwani, kodvwa hhayi ngenca yeliwayini, yendzani, kodvwa ningayendziswa tjwala.

Isaya 38:12

Njengelithende lemelusi, indlu yami ihhihlitelwe phansi yesuswa kimi. Njengemeluki imphilo yami uyisongile, ungincamulile emculwini webudze bemphilo, busuku nemini wetamana nekungicedza.

Isaya 43:27

Uyihlomkhulu wekucala wenta sono; nalabo lababengumlomo wakho bangivukela.

Isaya 66:24

“Bayawuphumela ngephandle babuke tidvumbu talabo labangihlubukile; imphetfu lebadlako ngeke ife, kanjalo nemlilo lobashisako ungeke ucinywe, bayakwenyanyeka kubo bonkhe bantfu.”

Jeremiya 25:27

“Uyawubatjela-ke utsi: ‘Naku lokushiwo nguSimakadze Somandla, longuNkulunkulu wema-Israyeli, utsi: Natsani, nidzakwe, nihlante, bese niyawa ningaphindzi nivuke, ngenca yenkemba lengitayitfumela emkhatsini wenu.’

Jeremiya 4:24

Ngabuka tintsaba, nato tatinyikanyika, onkhe emagcuma abeyendza.

Jeremiya 51:29

Live liyatfutfumela ligidzitele, ngobe injongo yaSimakadze ngeBhabhulona imile, kutsi abhubhise live laseBhabhulona, kuze kutsi kubete namunye longahlala kulo.

Jeremiya 8:4

“Khuluma kubo utsi: ‘Naku lokushiwo nguSimakadze, utsi: “ ‘Bantfu nabawa, bayaye bangabe basavuka yini? Umuntfu nakahlubuka, uyaye angabe asabuya yini?

Sililo 1:14

“Tono tami taboshwa ngesandla sakhe taba lijoko. Watephotsela yena watihlanganisa, setikhuphukele entsanyeni yami, naSimakadze uwesusile emandla ami. Unginiketele kulabo lengingeke ngikhone kumelana nabo.

Danyela 11:19

Emvakwaloko uyawujikela ngasetinqabeni taseveni lakhe, kodvwa uyawukhubatela awe, angasayiwuphindza abonwe.

Amose 8:14

Labo labafunga ngetithico taseSamariya nome batsi: ‘Ngekuphila kwankulunkulu wakho, Dani,’ nome: ‘Ngekuphila kwankulunkulu wakho, Bherisheba,’ bayakuwa phansi, bangaphindzi bavuke.”

Nahume 1:5

Tintsaba tiyatfutfumela embikwakhe, nemagcuma ancibilike aphele. Umhlaba nalabahlala kuwo kuyatfutfumela, nakuchamuka yena.

Sembulo 18:21

Kwase kusuka ingilosi lenemandla yatsatsa inguzanguza yelitje lelingangelekusila, yalijikijela elwandle, ikhuluma itsi: “Iyakwentiwa njalo-ke neBhabhulona, lidolobha lelikhulu, iyawujikijelwa phansi ngemandla lamakhulu, ilahlwe, ingaphindzi ibonakale.