Isaya 24:13 - Siswati 1996 Bible

¹³ Kuyawuba njalo emhlabeni, nakuto tonkhe tive kube njengesihlahla semncumo nasivitsitiwe, nanjengaloko lokusele nakuvunwa emagelebisi.

Isaya 24:13 Referencias Cruzadas

Isaya 1:9

Kube Simakadze longuSomandla akasishiyelanga insali, ngabe sesifanana neSodoma, yebo, ngabe sesifanana neGomora.

Isaya 17:4

“Ngalelo langa bukhosi bakaJakobe buyawunyamalala; nemitsebe lebhubuka emtimbeni wakhe iyawuhusheka iphele.

Isaya 27:12

Ngalelo langa Simakadze uyawubabhula kusukela emfuleni iYufrathe kuze kuyewufika emfuleni waseGibhithe, nine-ke ma-Israyeli, niyawubutfwa ngamunye ngamunye.

Isaya 6:13

Nome ngabe kusekhona kwelishumi lokusasele kulo live, nako futsi kuyawulahlwa kungabi namsebenti. Kodvwa-ke njengobe umtherebinte nem-okhi kushiya tiphunti nakugawuliwe, kanjalo nenhlanyelo lengcwele iyawuba siphunti eveni.”

Jeremiya 44:28

Labo labayawubalekela inkemba babuyele eveni lakaJuda besuke eGibhithe, bayawuba mbalwa kakhulu. Kuyawutsi-ke yonkhe insali yakaJuda leyeta kutawuhlala eGibhithe iyawukwati kutsi labani livi leliyawuma, lingagucuki, lami nome labo.

Hezekeli 7:16

Bonkhe labasele labaphunyulile bayawubasetintsabeni babubule njengematuba asetihosheni, ngulowo ngenca yetono takhe.

Levithikusi 19:9

“ ‘Nanivuna sivuno selive lenu, aniyiwuvuna eminyeleni yemasimi enu, ningakhwimiti ngisho nekukhwimita emvakwekuvuna kwenu.

Mikha 2:12

“Kodvwa ngiyakunibutsela ndzawonye, nonkhe nine sive saka-Israyeli lenisasele. Ngiyawunibutsela nonkhe ndzawonye njengetimvu tibuyela esibayeni sato; nanjengelidlelo leligcwele timvu, live lenu lisetawubuye ligcwale bantfu labanyenti.”

Mikha 7:1

Kute litsemba! Mine ngifanana nemuntfu lolambile lotfole tihlahla tite titselo nemagelebisi kute emvinini. Onkhe emagelebisi kanye nemakhiwa lamnandzi bawakhe bawacedza.

Matewu 24:22

Kube lawo malanga akafinyetwanga bekuyakubate longasindziswa; kepha ngenca yalabakhetsiwe lawo malanga ayawufinyetwa.

Sembulo 3:4

Noko usenabo bantfu labambalwa lapho eSadesi labangakatingcolisi tingubo tabo, bayawuhamba nami bagcoke letimhlophe, ngobe vele bakufanele.