Isaya 24:12 - Siswati 1996 Bible

¹² Lidolobha selisele litindzala, emasango alo abhidlitwe aba ticucu.

Isaya 24:12 Referencias Cruzadas

Isaya 14:31

“Awu, sango, lila! Awu, dolobha, hhewula! Ttutfumela, wena Filistiya! Ngobe emabutfo emphi lenemandla ayeta, aphuma ngasenyakatfo; ate ngisho nome linye lisotja leliligwala.

Isaya 32:14

Inqaba iyawusala yodvwa, lidolobha lemsindvo lisale likhala libhungane, indlu leyinqaba kanye nembhoshongo kuyawuba lihlane lelingenalutfo phakadze naphakadze, kube kujabula kwetimbongolo nelidlelo lemihlambi,

Isaya 32:19

Nome sangcotfo singalivitsita lihlatsi, nelidolobha silibhidlite liphele nya,

Isaya 45:2

Ngiyawuhamba embikwakho ngente tintsaba tibeke. Ngiyakwephula emasango elitfusi, ngijube imigcala yetinsimbi lengimishudvo.

Jeremiya 9:11

“IJerusalema ngitayenta indvundvuma yematje, ngiyente umgedze wetimphungutja. Emadolobha akaJuda ngiyakuwenta abe tindzala, kuze kubete muntfu lohlala kuwo.”

Sililo 1:1

Maye! laze lasala likhala libhungane lidolobha, yebo, lidolobha lelake lanyakatela bantfu! Awu! laze lafanana nemfelokati, lidolobha lelake ladvuma emkhatsini wetive! IJerusalema leyake yaba yindlovukazi emkhatsini wemave, nyalo seyigucuke yaba sigcili.

Sililo 1:4

Imigwaco leya eSiyoni iyalila, ngobe sekwabate namunye lota emikhosini yayo lemisiwe. Onkhe emasango ayo asasala anesitunge, baphristi bayo bayabubula, emantfombatana ayo ayadzabuka, isebuhlungwini lobumatima kakhulu.

Sililo 2:9

Emasango ayo ashone emhlabatsini; imicabo yayo wayifohlota wayibhubhisa. Inkhosi yayo netikhulu tayo tahlakatwa tayiswa etiveni, umtsetfo sekwabate, Nebaphrofethi bayo abasayitfoli imibono levela kuSimakadze.

Sililo 5:18

ngobe intsaba iSiyoni seyisele ikhala libhungane, timphungutja tiyajangaza kuyo.

Mikha 1:12

Takhamiti taseMarothi timele kusitakala kwato ngekulangatelela lokukhulu, ngobe Simakadze usondzete sigemegeme emasangweni aseJerusalema.

Mikha 1:9

Emanceba ekushaywa nguSimakadze, ashaya iSamariya, angeke elapheke; yebo, naJuda utakwehlelwa ngulawo manceba. Kubhujiswa sekusemasangweni eJerusalema, lapho kuhlala khona bantfu bami.”

Matewu 22:7

Inkhosi yatfukutsela kakhulu, yaze yakhipha imphi yemasotja leyafike yabulala bonkhe labo babulali, yashisa nelidolobha labo.