Isaya 24:11 - Siswati 1996 Bible

¹¹ Etitaladini bakhalela liwayini; konkhe kujabula sekugucuke kwaba lusizi, konkhe kutsakasa sekudzingisiwe emhlabeni.

Isaya 24:11 Referencias Cruzadas

Tihlabelelo 144:14

Shangatsi tinkhomo tetfu tingawatsela emankhonyane, kubete letiphuntako naletilatelwako, shangatsi kungabate kukhala nekuhlupheka eveni letfu.

Taga 31:6

Tjwala bebantfu labafako kanye nalabo labaselusizini.

Isaya 16:10

Injabulo nekutsakasa kususiwe emahlatsini etitselo lahlanyelwe; kute namunye losahlabela amemete etivinini, sekute losahluta liwayini ematjeni ekulihluta, ngobe ngikucedzile kumemeta.

Isaya 32:10

Ngesikhatsi nje lesingetudlwana kwemnyaka nine lenitiva niphephile nitawutfutfumela; sivuno semagelebisi siyawuba sibi, kutawubate nesivuno setitselo.

Isaya 32:13

nangenca yelive lesive sami, live lelene emanyeva netinchachabutane, yebo, lilelani tonkhe tindlu tekutijabulisa kanye nalelidolobha lekutijabulisa.

Isaya 8:22

Bayawube sebabuka phansi emhlabatsini babone inhlupheko yodvwa nebumnyama nelitfunti lelesabekako, nabo bayawulahlelwa ebumnyameni lobesabekako.

Isaya 9:19

Ngelulaka lwaSimakadze longuSomandla live liyawugagadzeka, nebantfu bayawuba tinkhuni temlilo; kute loyawuphephisa umnakabo.

Jeremiya 14:2

“Juda uyalila, emadolobha akhe ayajanqula akhalela live, yebo, kukhala kuqubuka eJerusalema.

Jeremiya 46:12

Tive tiyawuva ngelihlazo lakho, kukhala kwakho kuyawugcwalisa wonkhe umhlaba. Ingwazi lenye iyawugilwa ngulenye, tikhubatele tiwe tonkhe kanyekanye.”

Jeremiya 48:33

Kutsakasa nenjabulo sekusukile emahlatsini etitselo nasemasimini akaMowabi. Ngikumisile kugeleta kweliwayini ematjeni ekuhlutela, kute nalosawagcobagcoba ngekumemeta kwenjabulo. Nome-ke kukhona lokumemeta, kodvwa akusiko kwenjabulo.

Hoseya 7:14

Abakhali kimi ngalokusuka etinhlitiyweni tabo, kodvwa balila emibhedzeni yabo. Babutsana ndzawonye babutsanele emabele neliwayini lelisha, kodvwa bangifulatsele mine.

Joweli 1:12

Umvini sewomile, nemkhiwa sewubunile kanjalo nemahananandza, nemasundvu, nesihlahla semahhabhula kanye nato tonkhe tihlahla tensimi setomile. Ngempela kujabula kweluntfu sekuphelile.

Joweli 1:15

Maye, lilanga lelesabekako! Ngobe lilanga laSimakadze lisedvute, lilanga Somandla layawuletsa ngalo imbhubhiso.

Lukha 16:25

“Kodvwa Abrahama watsi: ‘Khumbula, ndvodzana yami, kutsi usaphila emhlabeni wanikwa konkhe lokuhle, kepha Lazaro abenikwe lokubi kodvwa. Sewuyajatjuliswa-ke lapha, kantsi wena sewusekuhluphekeni.