Isaya 24:10 - Siswati 1996 Bible

¹⁰ Lidolobha lelibhidlitiwe, selisele lilihlane; onkhe emasango asavaliwe, akusangeni muntfu.

Isaya 24:10 Referencias Cruzadas

Genesisi 11:9

Ngako-ke wetsiwa libito kwatsiwa yiBhabheli, ngobe Simakadze wasanganisa lulwimi lwemhlaba wonkhe. Kusuka lapho Simakadze bantfu wabasakata nemhlaba wonkhe.

2 Emakhosi 25:4

Lubondza-ke lwalelidolobha lwase luyafohlwa, imphi yonkhe yabhuza ebusuku seyibaleka, yaphuma ngelisango lelisemkhatsini wetibondza letimbili letatingasengadzeni yenkhosi, lite nome emaBhabhulona abelitungeletile lelidolobha. Yabaleka yabhekisa emabombo ngase-Arabha,

Isaya 23:1

Leli livi lesembulo lelimacondzana neThire lelitsi: Lilani, nine mikhumbi yaseThashishi, ngobe iThire seyibhujisiwe, yasala ite indlu nome sikhumulo. Nivile ngalombiko ngesikhatsi nibuya eSiphrosi.

Isaya 24:12

Lidolobha selisele litindzala, emasango alo abhidlitwe aba ticucu.

Isaya 25:2

Lidolobha ulente laba yindvundvuma yemfuhlululu, yebo, lidolobha lelibiyelwe laba tindzala; siphephelo sebetive sangabe sisaba ngilo lidolobha, lingeke liphindze lakhiwe kabusha.

Isaya 26:5

Uyabatfobisa labo labahlala ekuphakameni, ulalisa phansi lidolobha leliphakeme, alente lilingane nemhlabatsi, alilahle phansi elutfulini.

Isaya 27:10

Lidolobha leliyinqaba lisala lite muntfu, sabelo lesishiyiwe sisale sinjengelihlane, lapho sekuyabe kudla khona ematfole, alale khona ahlabule, aphundle emagala akhona aze abe mhlophe.

Isaya 32:14

Inqaba iyawusala yodvwa, lidolobha lemsindvo lisale likhala libhungane, indlu leyinqaba kanye nembhoshongo kuyawuba lihlane lelingenalutfo phakadze naphakadze, kube kujabula kwetimbongolo nelidlelo lemihlambi,

Isaya 32:19

Nome sangcotfo singalivitsita lihlatsi, nelidolobha silibhidlite liphele nya,

Isaya 34:11

Sahhukulu sasehlane nesahhukulu lesikhalako kuyawuyitsatsa lendzawo ibe yako. Sahhukulu lesikhulu nelihhwabayi kuyawukwakhela tidleke tako khona lapho. Nkulunkulu uyakuselula etikwelive laka-Edomu silinganiso sesiphitsiphitsi, yebo, nekwekulinganisa lokuyincitsakalo.

Jeremiya 39:4

Kwatsi Sedekiya, inkhosi yakaJuda, nawo onkhe emabutfo nakatibona letiphatsimandla, babaleka; baphuma kulelidolobha ebusuku, babaleka ngendlela yengadze yenkhosi, ngelisango lelisemkhatsini wetibondza letimbili, babhekisa emabombo kuyo i-Arabha.

Jeremiya 39:8

BaseBhabhulona basilumeka ngemlilo sigodlo senkhosi kanye netindlu tebantfu; babhidlita netibondza taseJerusalema.

Jeremiya 52:7

Lubondza-ke lwalelidolobha lwase luyafohlwa, imphi yonkhe yesuka yabaleka. Besuka edolobheni ebusuku, baphuma ngelisango lelisemkhatsini wetibondza letimbili letiseceleni kwengadze yenkhosi, lite nome emaBhabhulona abelitungeletile lelidolobha. Babaleka babhekisa emabombo ngase-Arabha,

Mikha 2:13

Nkulunkulu uyawubavulela indlela yabo, abuye abahole abakhiphe ekutfunjweni kwabo. Bayawufohla, baphume emasangweni elidolobha bahambe bakhululekile. INkhosi yabo, Simakadze cobo lwakhe, uyawubahambela embili abakhiphe.

Mikha 3:12

Ngako-ke ngenca yenu, iSiyoni iyawulinywa njengensimi, iJerusalema iyakuba yincumbi yencitsakalo, intsaba yelithempeli ibe lihlatsi.

Lukha 19:43

Ngobe ayeta emalanga lapho titsa takho tiyawukuhlasela, tikuvimbetele tikuvalele ndzawo tonkhe.

Lukha 21:24

bayawubulawa ngenkemba, batsatfwe bentiwe babe titfunjwa etiveni tonkhe; nebetive bayakuyigcobagcoba iJerusalema, kuze kugcwaliseke sikhatsi sabo.”

Sembulo 18:2

Yamemeta ngelivi lelikhulu yatsi: “Iwile, yebo, iwile iBhabhulona lenkhulu! Seyigucuke yaba likhaya lemadimoni, nesihhehle sekubhaca bonkhe bomoya lababi, nesato tonkhe tinyoni letingcolile naletenyanyekako.