Isaya 24:1 - Siswati 1996 Bible

¹ Bukani la, Simakadze utawubhubhisa umhlaba, awente ube lihlane. Umhlaba utawenta ubhidlike, asakate bonkhe labahlala kuwo.

Isaya 24:1 Referencias Cruzadas

2 Emakhosi 21:13

IJerusalema ngiyayijezisa njengeSamariya nanjengobe ngajezisa Ahabi, inkhosi yaka-Israyeli. Ngitabashanyela bonkhe bantfu baseJerusalema, sincane sendishi lekususwe kuyo konkhe bekungekhatsi, yase ibhekiswa phansi.

Nehemiya 1:8

“Khumbula umyalo wakho lowasinika wona ngaMosi lotsi: ‘Nangabe ningaketsembeki, ngiyawunisakatela etiveni ngetive;

Tihlabelelo 146:9

Simakadze uyabalondvolota bafokati, uyabaphasa bafelokati netintsandzane, kodvwa indlela yalababi uyayibhubhisa.

Isaya 13:13

Ngako-ke emazulu ngiyakuwenta atfutfumele, nemhlaba utanyatanyiswe usuke endzaweni yawo, ngenca yelulaka lwaSimakadze longuSomandla, ngalelo langa lentfukutselo yakhe levutsako.

Isaya 13:5

Baphuma emaveni lakhashane, lasekugcineni kwemazulu, nguye Simakadze netikhali telulaka lwakhe, utewubhubhisa wonkhe umhlaba.

Isaya 2:19

Bantfu bayawubalekela emigedzeni yasemadvwaleni, nasemigodzini lesemhlabatsini, babalekele kwesabeka kwaSimakadze nebumengemenge bebukhosi bakhe, nakasukumela kunyakatisa umhlaba.

Isaya 24:19

Umhlaba wephukile, umhlaba uchekeke ekhatsi, umhlaba unyakatiswa kakhulu.

Isaya 24:20

Umhlaba uyadzayitela njengesidzakwa, ujikita njengesidleke senyoni emoyeni. Umhlaba usindvwa kakhulu licala lawo lekuhlubuka, sewuze uyawa, futsi ungeke uphindze usukume.

Isaya 27:10

Lidolobha leliyinqaba lisala lite muntfu, sabelo lesishiyiwe sisale sinjengelihlane, lapho sekuyabe kudla khona ematfole, alale khona ahlabule, aphundle emagala akhona aze abe mhlophe.

Isaya 29:16

Niguculela tintfo, liphansi libheke etulu, nente shangatsi ngumbumbi longuyena afanana nelibumba! Loko lokwentiwe, kungasho yini kulomenti wako kutsi: “Akazange asangente mine”? Ludziwo lungasho yini kumbumbi walo kutsi: “Akati lutfo loyo”?

Isaya 29:2

Noko ngiyakuvimbetela i-Ariyeli, iyawukhala ilile kimi, iyawuba njengelilati lemlilo.

Isaya 30:32

Kuyawutsi njalo indvuku yaSimakadze nayehlela e-Asiriya, ngisho loluswati lwakhe lwekujezisa, kuyawuhambisana nekushaywa kwemafahlawane nemahabhu, asalwa nabo emphini ngengalo yakhe lematima.

Isaya 32:12

Yetfwalani tandla enhloko, ngenca yemasimi lamahle, nangenca yetitselo tenu letinhle temivini,

Isaya 33:9

Live liyalila ligedvuke, iLebanoni ihlazekile, iyabuna; iSharoni ifanana nelihlane i-Arabha, iBhashani neKhameli kuhhohlota emacembe ayo.

Isaya 34:10

Singeke sicinywe ebusuku nasemini, intfutfu yaso iyawubhunya phakadze naphakadze, kusukela etitukulwaneni kuye etitukulwaneni live liyawuhlala lilihlane, kute namunye loyawuphindza adzabule ekhatsi kulo.

Isaya 34:2

Simakadze utitfukutselele tonkhe tive; intfukutselo yakhe isetikwawo onkhe emabutfo ato. Uyakuwabhubhisa onkhe awacedze, awanikele kutsi agwazwe.

Isaya 42:15

Ngitawucitsa tintsaba nemagcuma, ngomise konkhe lokumila kuto, ngitawugucula imifula ibe tichingi, ngomise emachibi.

Isaya 5:6

Ngitawusenta sibe siganga lesingenalutfo, nemvini longatsenwa, nemhlaba waso awuyikulinywa. Kuyawukwena tinchachabutane nemanyeva. Ngitawuyala nemafu kutsi anganisi imvula kuso.”

Jeremiya 4:7

Libhubesi liphumile emhumeni walo; umbhubhisi wetive sewuphumele ngephandle. Selisukile endzaweni yalo, litewuphundla lelive lenu. Emadolobha enu atawuba tindzala, abete bantfu labahlala kuwo.

Jeremiya 40:15

Ngako Johanani, umsa waKhareya, wakhuluma kuGedaliya ngasense eMispa, watsi: “Ngivumele ngiyewubulala Ishmayeli, umsa waNethaniya, kute namunye loyawukwati ngaloko. Kudzingeke ngani kutsi abulale wena, ente onkhe lamaJuda lasabutsene lapha kuwe asakateke, nensali yakaJuda iphele?”

Jeremiya 50:17

“Israyeli unjengemhlambi wetimvu letisakatekile ticoshwe ngemabhubesi. Lekucala lelamudla kwaba yinkhosi yase-Asiriya; lekugcina lelabhoba ematsambo akhe, kwaba nguNebukhadnezari, inkhosi yaseBhabhulona.”

Jeremiya 51:34

“Usidlile Nebukhadnezari, inkhosi yaseBhabhulona, wasicedza, wasenta saba ludziwo lolungenalutfo. Njenganyokangwenya usigwinyile, wagcwalisa sisu sakhe ngebumnandzi betfu, wabuya wasihlanta.

Jeremiya 9:16

Ngiyawubasakatela emkhatsini wetive labangazange sebatati, bona kanye naboyise, ngiyawubacosha ngenkemba ngize ngibacedze.”

Hezekeli 12:20

Lamadolobha lanebantfu ayawudzilitelwa phansi, nalelive libe lihlane. Ngulapho-ke niyawungati khona kutsi mine nginguSimakadze.’ ”

Hezekeli 24:11

Ubobe sewubeka lelibhodo lelingenalutfo etikwemalahle, lize lishise nelitfusi lalo limanyatele, kuze kutsi nekungcola kwalo kuncibilike, netincwencwe talo tize tishe tiphele.

Hezekeli 35:14

Naku lokushiwo yiNkhosi Simakadze, itsi: Kuyawutsi umhlaba wonkhe usajabula, wena ngikwente ube lihlane.

Hezekeli 5:14

“Ngiyawukwenta ube yincitsakalo nelihlazo emkhatsini wetive letibomakhelwane bakho, embikwabo bonkhe bantfu labendlulako.

Hezekeli 5:2

Ngesikhatsi nakuphelela emalanga ekuvinjetelwa, shisa incenye yesitsatfu yaletinwele ngemlilo ekhatsi edolobheni. Tsatsa lenye incenye yesitsatfu uyisakate ngenkemba yonkhe indzawo edolobheni. Lencenye lenye yesitsatfu uyisakatele emoyeni. Ngobe ngitabacosha ngenkemba.

Hezekeli 6:14

Ngiyakwelula sandla sami etikwabo, ngente lelive labo lisale likhala libhungane, kusukela ehlane kuze kuyewufika eDibla, kuyo yonkhe indzawo lapho bahlala khona. Ngulapho-ke bayawukwati khona kutsi mine nginguSimakadze.’ ”

Hezekeli 6:6

Nome ngukuphi lapho nihlala khona, emadolobha enu ayawudzilitelwa phansi, asale atindzala, netindzawo letiphakeme tibhidlitwe, kuze emalati enu asale angemabolela, tithico tenu tiyawuphihlitwa tibe tindvundvuma, nemalati enu emphepho adzilitelwe phansi, naloko lenikubumbile kwesulwe kungabikho.

Hezekeli 7:12

“Sikhatsi sesifikile, lilanga selikhona. Lowo lotsengako akangajabuli, nalowo lotsengisako angadzabuki, ngobe lulaka lusetikwaso sonkhe lesicumbi.

Hezekeli 7:14

Nome bakhalisa licilongo, batilungiselele ngako konkhe, kute namunye loyakuya emphini, ngobe lulaka lwami lusetikwalesicumbi sonkhe.”

Nahume 1:5

Tintsaba tiyatfutfumela embikwakhe, nemagcuma ancibilike aphele. Umhlaba nalabahlala kuwo kuyatfutfumela, nakuchamuka yena.

Nahume 2:10

INineve seyiyabhujiswa, iphangiwe, ihlutjuliwe. Tinhlitiyo tiyancibilika, emadvolo ayaceka, imitimba iyatfutfumela, bonkhe buso buyaphaphatseka.

Lukha 21:24

bayawubulawa ngenkemba, batsatfwe bentiwe babe titfunjwa etiveni tonkhe; nebetive bayakuyigcobagcoba iJerusalema, kuze kugcwaliseke sikhatsi sabo.”

Imisebenti yebaPhostoli 17:6

Kwatsi kube bangabakhandzi lapho, base bahudvula Jasoni nalabanye bazalwane babayisa etimantjini telidolobha, batsi: “Labantfu labadvungutelise umhlaba bawubhekisa phansi, sebadzimate befika nakulelidolobha lakitsi.

Dutheronomi 28:64

“Simakadze uyakunisakatela emkhatsini wato tonkhe tive, kusuka ngala kwemhlaba kuye ngale kwawo. Lapho-ke niyawukhonta labanye bonkulunkulu labentiwe ngelugodvo, nangelitje, leningazange senibati nine ngisho nabokhokho benu imbala.

Dutheronomi 32:26

Ngatsi ngiyawubasakata, ngesule nekukhunjulwa kwabo etingcondvweni tebantfu.

Dutheronomi 4:27

Simakadze uyawunisakatela etiveni letinye, bayawuba yingcosana benu labayawusala kuleto tive Simakadze layakube anisakatele kuto.

YaJakobe 1:1

Lencwadzi iphuma kuJakobe, inceku yaNkulunkulu neyeNkhosi Jesu Khristu. Iya etiveni letili-12 letisakatekile. Ngiyanibingelela.