Isaya 23:13 - Siswati 1996 Bible

¹³ Bukani live lemaBhabhulona, lesive lese silite nyalo! Ema-Asiriya lelive asalente laba yindzawo yetilwane telihlane. Akhe imibhoshongo yekuvimbetela, ahlubula tinqaba talo, taba tindzala.

Isaya 23:13 Referencias Cruzadas

Genesisi 11:28

Harani wafa kucala kuneyise, Thera; wafela eveni latalelwa kulo, i-Uri yemaKhaledi.

Genesisi 11:31

Thera watsatsa Abrama, indvodzana yakhe, naLoti, umtukulu wakhe umsa waHarani, namalukatana wakhe Sarayi, labengumka-Abrama, umsa wakhe, wahamba nabo esuka e-Uri yemaKhaledi, bacondze eveni laseKhenani. Batsi kube befike eHarani, bakha khona.

Genesisi 11:9

Ngako-ke wetsiwa libito kwatsiwa yiBhabheli, ngobe Simakadze wasanganisa lulwimi lwemhlaba wonkhe. Kusuka lapho Simakadze bantfu wabasakata nemhlaba wonkhe.

Genesisi 2:14

Libito lemfula wesitsatfu yiThigrisi, logeletela ngasemphumalanga ye-Asiriya. Umfula wesine yiYufrathe.

2 Emakhosi 17:24

Inkhosi yase-Asiriya yaletsa bantfu baseBhabhulona nebaseKutha, nebase-Ava, nebaseHamathi, nebaseSefavayimu, yabahlalisa emadolobheni aseSamariya, esikhundleni sema-Israyeli. Bayitsatsa-ke iSamariya, bahlala emadolobheni ayo.

2 Emakhosi 20:12

Ngaleso sikhatsi Merodaki Baladani, umsa waBaladani, inkhosi yaseBhabhulona, watfumelela Hezekiya tincwadzi nesipho, njengobe abebikelwe ngekugula kwaHezekiya.

2 Tikhronike 33:11

Ngako Simakadze wehlisela etikwabo libutfo letindvuna temphi tenkhosi yase-Asiriya, tefika tatfumba Manase, tamfaka lihhuka lapha ekhaleni, tambopha ngetinketane telitfusi, tahamba naye tammikisa eBhabhulona.

Jobe 1:17

Satsi sisakhuluma leso sigijimi, kwefika lesinye, satsi: “EmaKhaledi ente ticheme letintsatfu awatfumba onkhe emakamela akho ahamba nawo. Abulele tonkhe tinceku takho ngenkemba; ngimi kuphela losindzile, ngase ngiyabaleka ngita lapha kuwe kutekwatisa ngaloko!”

Tihlabelelo 72:9

Shangatsi tive letihlala ehlane tingakhotsama embikwayo, netitsa tayo tiyikhotsamele.

Isaya 10:5

“Maye kulo lase-Asiriya, indvuku yelulaka lwami, lelisandla salo sifumbetse sagila selulaka lwami.

Isaya 10:7

Kodvwa loko akusiko lebekuhloswe yinkhosi yase-Asiriya, akusiko lebekusengcondvweni yayo. Inhloso yayo kubhubhisa, nekucedza tive letinyenti.

Isaya 13:19

IBhabhulona ligugu lemibuso, ibuhle beligcabho lemaBhabhulona, Nkulunkulu uyakuyiketula iwe njengeSodoma neGomora.

Isaya 13:21

Kodvwa tilwane tasehlane tiyawulala khona, timphungutja tiyawugcwala etindlini takhona, tikhova tiyawuhlala khona, netimbuti tesiganga tiyawutjakadvula khona.

Isaya 18:6

Iyawusala yonkhe etulu etintsabeni, idliwe tinyoni tetintsaba netilwane tesiganga. Tinyoni tiyawutondla ngayo lihlobo lonkhe, netilwane tesiganga busika bonkhe.”

Isaya 43:14

Naku lokushiwo nguSimakadze, uMhlengi wenu, Longcwele waka-Israyeli, utsi: “Ngenca yenu ngitawutfumela eBhabhulona, ngibabuyise njengemambuka bonkhe baseBhabhulona, ngibabuyise ngemikhumbi lababetigabatisa ngayo.

Hezekeli 23:23

emaBhabhulona nawo onkhe emaKhaledi, emadvodza asePhekodi, newaseShowa, newaseKhowa kanye nawo onkhe ema-Asiriya lanawo, emajaha lamahle, onkhe lababusi netindvuna temphi, netindvuna tetincola temphi kanye nemadvodza laphakeme, bonkhe bagibele emahhashi.

Hezekeli 29:18

“Ndvodzana yemuntfu, Nebukhadnezari, inkhosi yaseBhabhulona, washucisa emabutfo akhe kamatima wahlasela iThire; tonkhe tinhloko tasingwa taba tincacadvu, nawo onkhe emahlombe abo aba nesikofu. Noko yena kanye nemabutfo akhe abazange babuyelwe lutfo ngalomkhankhaso labawenta ngekuhlasela iThire.

Danyela 4:30

yatsi: “Lena akusiyo yini iBhabhulona lenkhulu lengiyakhile yaba sigodlo sekuhlala inkhosi, ngemandla ami lamakhulu ngayakhela ludvumo lwebukhosi bami?”

Habakhuki 1:6

Ngobe bukani-ke, ngivusa baseBhabhulona, leso sive lesingenamusa, nalesiphulukundlelako, lesidzabula wonkhe umhlaba sitewuphanga tindzawo tekuhlala letingasito taso.

Imisebenti yebaPhostoli 7:4

Wesuka-ke kulelive lemaKhaledi waya eHarani. Asafile uyise, Nkulunkulu wamsusa Abrahama wamletsa kulelive, lona leli lenakhe kulo.