Isaya 23:11 - Siswati 1996 Bible

¹¹ Simakadze welule sandla sakhe wasiphakamisela etikwelwandle, wenta imibuso yalo yatfutfumela, wayala namacondzana nelaseFenisiya, kutsi tinqaba tayo atibhujiswe.

Isaya 23:11 Referencias Cruzadas

Genesisi 9:25

Watsi: “Akacalekiswe Khenani, abe sigcili setigcili kubomnakabo.”

Tihlabelelo 46:6

Tive tiyavungama, imibuso iyatamatama; uvakalisa livi lakhe, umhlaba uncibilike.

Tihlabelelo 71:3

Bani lidvwala lesiphephelo kimi, lengingaphephela kulo nome nini, wena lowayala kutsi ngisindziswe, ngobe nguwe lidvwala lami nesiphephelo sami.

Eksodusi 14:21

Mosi welula sandla sakhe wasengamisa etikwelwandle, Simakadze wakhweshisa emanti elwandle ngemoya lonemandla wasemphumalanga lowahhusha busuku bonkhe. Wenta lwandle lwaba ngumhlabatsi lowomile; emanti ehlukana ekhatsi.

Isaya 10:6

Ngilitfumela esiveni lesingenaNkulunkulu, ngilikhiphele kubantfu labangitfukutselisako, kutsi lihlutfule imphango, litsatse lokuphangiwe, nekutsi libagcobagcobe phansi njengeludzaka lwendlela.

Isaya 13:13

Ngako-ke emazulu ngiyakuwenta atfutfumele, nemhlaba utanyatanyiswe usuke endzaweni yawo, ngenca yelulaka lwaSimakadze longuSomandla, ngalelo langa lentfukutselo yakhe levutsako.

Isaya 14:26

“Loku-ke kuluhlelo lwami lolucondzene nemhlaba wonkhe jikelele, loku-ke kusandla sami leselulelwe etikwetive tonkhe, ngitehlulele.”

Isaya 19:5

Emanti emfula iNayili ayakusha ome, nekujula kwemfula kuyawukoma; yebo, kuyawusala kusebaleni.

Isaya 2:19

Bantfu bayawubalekela emigedzeni yasemadvwaleni, nasemigodzini lesemhlabatsini, babalekele kwesabeka kwaSimakadze nebumengemenge bebukhosi bakhe, nakasukumela kunyakatisa umhlaba.

Isaya 23:10

Limani live lenu, nine baseThashishi, njengabaseNayili. Sikhumulo singeke siphindze sibe yindzawo yekutsenga nekutsengisa.

Isaya 23:3

Sivuno salokutinhlavu sesigodzi semfula iNayili sefika ngelwandle, saba sivuno saseThire; kwatsi ngaso iThire yatsengiselana netive.

Isaya 25:2

Lidolobha ulente laba yindvundvuma yemfuhlululu, yebo, lidolobha lelibiyelwe laba tindzala; siphephelo sebetive sangabe sisaba ngilo lidolobha, lingeke liphindze lakhiwe kabusha.

Isaya 5:25

Ngako-ke intfukutselo yaSimakadze yasivutsela sive sakhe; waphakamisa sandla sakhe wabashaya wabalahla phansi, tintsaba tatamatama. Tidvumbu tabo taba njengemfuhlululu etitaladini. Noko ngako konkhe loku lulaka lwakhe alukagucuki, sandla sakhe sisephakeme.

Isaya 50:2

Kwaya ngani ngingakhandzi muntfu nangifika? Ngesikhatsi ngimemeta, kwabate leni losabelako? Ingalo yami yayiyimfisha kakhulu yini kwekutsi yayinganisindzisa? Ngite yini mine emandla ekunephula? Mine ngekhuta kanye nje kome lwandle, ngigucula imifula ibe lugwadvule, tinhlanti tayo tibole ngenca yekweswela emanti, tife, tibulawe koma.

Jeremiya 47:7

Kodvwa ingaphumula kanjani, nangabe Simakadze akhiphe umyalo kuyo kutsi ihlasele i-Ashkeloni nelusentse lwelwandle?”

Hezekeli 26:10

Emahhashi akhe ayawuba manyenti kangangekutsi lutfuli lalususako luyawunimbonya. Tibondza takho tiyawudledletela ngenca yemsindvo wemahhashi emphi, netinkalishi, netincola temphi, ngesikhatsi angena emasangweni akho njengebantfu nabangena edolobheni lelitibondza talo tifohliwe.

Hezekeli 26:4

Tiyawubhidlita tibondza taseThire, tihhihlite nemibhoshongo yayo, ngiyawukhekhebula yonkhe imfuhlululu yayo, ngiyente ibe lidvwala lelingenalutfo.

Hezekeli 31:16

Tive ngatitfutfumelisa ngemsindvo wekuwa kwawo ngesikhatsi ngiwehlisela ethuneni kanye nalabo labehlela emgodzini. Ngako tonkhe tihlahla tase-Edeni, telikhetselo naletinhle kakhulu taseLebanoni, tonkhe tihlahla letatiniselwa kahle, tadvudvuteka emhlabeni longaphansi.

Nahume 1:14

Simakadze sewukhiphe umyalo mayelana nawe, Nineve, lotsi: “Awusayikuba natitukulwane letiyawumisa libito lakho. Ngitawutibhubhisa tonkhe titfombe takho netithico takho letisemathempelini abonkulunkulu bakho. Ngitanilungiselela emathuna, ngobe nibabi kakhulu!”

Hagayi 2:7

Ngitawunyakatisa tonkhe tive, nako konkhe lokulangatelelwa tive tonkhe kutawufika, ngitawugcwalisa lendlu ngenkhatimulo,’ kusho Simakadze longuSomandla.

Zakhariya 14:21

Onkhe emabhodo aseJerusalema newakaJuda ayakwehlukaniselwa Simakadze longuSomandla, kutsi bonkhe labetako kutakwenta umhlatjelo batsatse lamanye alamabhodo bapheke ngawo. Ngalelo langa sewuyawubate umtsengisi endlini yaSimakadze longuSomandla.

Makho 11:17

Wabafundzisa watsi: “Akashongo yini Nkulunkulu emBhalweni wakhe watsi: ‘Indlu yami iyawubitwa ngekutsi yindlu lapho kuthandaza khona tonkhe tive’? Kodvwa nine seniyigucule yaba ngumhume wabosidlani!”

Johane 2:16

Watsi kulabo labebatsengisa ngematuba: “Susani loku lapha! Ningayenti lendlu yaBabe ibe yindlu yekutsengiselana.”