Isaya 21:9 - Siswati 1996 Bible

⁹ Asubuke nje, naku kuta umuntfu ugibele incola yakhe yemphi, lenemahhashi laboshelwe ngamabili. Lomuntfu waphendvula watsi: ‘IBhabhulona seyiwile, iwile! Tonkhe titfombe tetithico tayo setibhidlikele phansi emhlabatsini!’ ”

Isaya 21:9 Referencias Cruzadas

Isaya 13:19

IBhabhulona ligugu lemibuso, ibuhle beligcabho lemaBhabhulona, Nkulunkulu uyakuyiketula iwe njengeSodoma neGomora.

Isaya 14:4

uhlabele siga uphukute inkhosi yaseBhabhulona utsi: “Ase nibuke kuphela kwemcindzeteli! Intfukutselo yakhe seyifike ekugcineni!

Isaya 2:18

netithico tiyawunyamalala tiphele nya.

Isaya 21:7

Nakabona tincola temphi letiboshelwe, letinemahhashi laboshelwe ngamabili, nebagibeli betimbongolo bagibele, nome bagibeli bemakamela basetulu, akahlale acaphele ngesineke lesikhulu.”

Isaya 47:5

“Hlala uthule, ungene ebumnyameni, Ndvodzakati yemaBhabhulona, awusayikuphindza ubitwe ngekutsi Ndlovukazi yemibuso.

Isaya 47:9

Kokubili-ke loko kuyawukukhandza ngesikhashana nje, ngalanga linye, kufelwa bantfwana nebufelokati. Kuyawukufikela ngemandla lamakhulu, ngetulu kwebunyenti bekutsakatsa kwakho, nasemkhatsini webunyenti bemalumbo akho.

Isaya 48:14

“Butsanani nonkhe, nitewulalela: Ngusiphi saletithico lesake satisho letintfo tingakenteki? Sihlobo lesikhetsiwe saSimakadze siyakuyifeza injongo yakhe simelane neBhabhulona. Ingalo yaso iyawumelana nebaseBhabhulona.

Jeremiya 50:29

“Butsani banembi bamelane neBhabhulona, bonkhe labakwati kujijimeta ngebutjoki, niyitungelete yonkhe, kubete lophunyulako. Yikhokheleni njengetento tayo; yentani kuyo njengobe nayo yenta. Ngobe yedzelele Simakadze, longuLongcwele waka-Israyeli.

Jeremiya 50:38

Kulengela somiso etikwemanti ayo! Ayawukoma, ngobe kulive letithico, bantfu balo bahlanyiswa kwesaba leto tithico.

Jeremiya 50:42

Bahlome ngebutjoki nangetikhali; bavutsa lulaka, abanamusa. Bevakala njengekudvuma kwelwandle sebagibele emahhashini abo; beta ngeticheme temabutfo emphi, bete kutawuhlasela wena, Ndvodzakati yaseBhabhulona.

Jeremiya 50:9

Ngobe ngiyawuchukuluta letive letinemandla ngitiletse titewusukela iBhabhulona tiyihlasele, tichamuka emaveni angasenyakatfo, tiyawutihlela kahle ize itfunjwe. Imicibisholo yato ifanana neyetingcweti tetihlabani letingabuyeli emuva tilengisa tandla.

Jeremiya 51:27

“Phakamisani emhlabeni siboniso semphi! Shayani impalampala emkhatsini wetive! Lungisani tive, nitilungiselele kulwa neBhabhulona. Butsani lemibuso, niyisukele niyihlasele: nibite i-Ararathi, neMini kanye ne-Ashkenazi. Bekani indvuna yemphi, nimelane neBhabhulona. Tfumelani emahhashi lanjengemabulo esikhonyane.

Jeremiya 51:44

Ngiyakumjezisa Bheli eBhabhulona, ngimente akuhlantele phansi konkhe loko lakumitile. Tive atisayikubekelela tiye kuye, nelubondza lwaseBhabhulona luyakuwa.

Jeremiya 51:47

Ngobe ngempela sikhatsi siyawufika, lapho ngiyawujezisa khona tithico taseBhabhulona. Live layo lonkhe liyawuhlazeka, nabo bonkhe labagwaziwe bakhona bayawulala lucaca ekhatsi kuyo.

Jeremiya 51:52

“Kodvwa ayeta emalanga, lapho ngiyawujezisa khona tithico tayo, kulo lonkhe live layo labalimele bayawububula,” kusho Simakadze.

Jeremiya 51:64

bese utsi: ‘Iyawucwila kanjalo-ke iBhabhulona, ingasayiwuphindza ivuke, ngenca yesigemegeme lengiyawusehlisela kuyo. Nebantfu bakhona bayakuwa.’ ” Emavi aJeremiya aphelela lapha-ke.

Jeremiya 51:8

Ngalokutumako iBhabhulona iyakuwa ibhidlitwe. Yilileleni bo! Yitfoleleni ibhalisamu yekwelapha leminjunju yayo; mhlawumbe ingelapheka.

Sembulo 14:8

Ingilosi yesibili yalandzela yatsi: “Iwile, iwile iBhabhulona lenkhulu, leyenta tonkhe tive tinatse liwayini lebugwadla bayo!”

Sembulo 18:2

Yamemeta ngelivi lelikhulu yatsi: “Iwile, yebo, iwile iBhabhulona lenkhulu! Seyigucuke yaba likhaya lemadimoni, nesihhehle sekubhaca bonkhe bomoya lababi, nesato tonkhe tinyoni letingcolile naletenyanyekako.

Sembulo 18:21

Kwase kusuka ingilosi lenemandla yatsatsa inguzanguza yelitje lelingangelekusila, yalijikijela elwandle, ikhuluma itsi: “Iyakwentiwa njalo-ke neBhabhulona, lidolobha lelikhulu, iyawujikijelwa phansi ngemandla lamakhulu, ilahlwe, ingaphindzi ibonakale.